தக்காளி சூப்

 

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

பங்குனி 17 

திங்கட்கிழமை

தக்காளி மிளகு சூப்..

தக்காளிப்பழங்கள் இரண்டு

சின்ன வெங்காயம் 3

பூண்டு 3 பல்

மிளகுப் பொடி 1⁄2   tsp  

சீரகப் பொடி 1⁄2   tsp  

சோள மாவு  1⁄2   tsp  

வெண்ணெய் தேவைக்கு 

மல்லித் தழை சிறிதளவு

கல் உப்பு தேவைக்கு

செய்முறை

தனியானதொரு பாத்திரத்தில் தக்காளிப் பழங்களை  போட்டு மூழ்கும் அளவுக்கு கொதி நீரை ஊற்றி

சில நிமிடங்கள் கழித்து -

தோலை உரித்துக் கொள்ளவும்..

வெங்காயம் பூண்டு சுத்தம் செய்து தோல் நீக்கி சிறிது எண்ணெய் விட்டு வதக்கி  - தோலுரித்த தக்காளியுடன் சேர்த்து மிக்ஸியில் அரைத்துக் கொள்ளவும்.

அரைத்த விழுதை கிண்ணம் ஒன்றில்  தனியாக வைக்கவும்.. 

50 ml தண்ணீரில் சோளமாவைக் கரைத்துக் கொள்ளவும்..

உத்தேசமாக 500 ml 

நீரை அடுப்பில் ஏற்றி அரைத்து வைத்திருக்கின்ற

 தக்காளி விழுதைச் சேர்த்து மிதமான சூட்டில் கொதிக்க  விடவும்.

சோள மாவு கரைத்த

கலவையைக்  கொதிக்கின்ற விழுதுடன் கலக்கவும்.

உப்பு, மிளகு, சீரகப் பொடி சேர்க்கவும்.  வெண்ணெயையும்

சேர்க்கவும்.

நன்கு கொதித்ததும் மல்லித் தழையைக் கிள்ளிப் போட்டு இறக்கி வைக்கவும்..

மூன்று பேருக்கானது இது..

வெதுவெதுப்பான சூட்டில் அருந்தவும்.

மழை குளிருக்கு இதமான தக்காளி  சூப் என்றாலும் எல்லா நாளும் 

உடலுக்கு நலமளிப்பது..

நமது நலம்

நமது கையில்

ஃ

ஓம் நம சிவாய

**