பதிவு

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆவணி 23

ஞாயிற்றுக்கிழமை

எபியின் (6/9) வெள்ளிப் பதிவில் ' துரை அண்ணாவைக் காணவில்லையே .. '-  என்ற, சகோதரி கீதா அவர்களது தேடுதலைக் கண்டு மனம் நெகிழ்ந்தேன்..

ஸ்ரீமதி கமலா ஹரிஹரன் அவர்களும் விசாரித்து இருந்தார்கள்..

 

அவர்களது அன்பிற்கு கைம்மாறு செய்வது எங்ஙனம்?..

திட்டமிடப்பட்டிருந்த பதிவுகளை ஒதுக்கி வைத்து விட்டு அவர்களது அன்பினுக்காக இப்பதிவு..

உண்மையில் 

உடலால் மிகவும் பலவீனப்பட்டுள்ளேன்..

சமீப காலமச்க 

பார்வையில் சற்றே குறைபாடு.. 

என்றால் சிறிய எழுத்துக்களை இயல்பாக வாசிக்க இயலவில்லை.. கைத்தல பேசியில் எழுத்துக்களைப் பெரிதாக்கி உருட்ட வேண்டியதாக இருக்கின்றது..

கண்ணாடி மாற்ற வேண்டும் என, 

பாரம்பரியக் கடை என்று இங்கு பீற்றிக் கொள்கின்ற

 கடைக்குச் சென்ற போது ஏதேதோ  வித்தைகளுக்குப் பிறகு ஒன்றைக் கொடுத்து கெடுத்தான்..

அது ஒரு மதிய நேரம்... 

 

கண்ணாடியை அணிந்து கொண்டு சிறிது தூரம் சென்று வருவதற்குள் அப்படியும் இப்படியுமாக இருந்தது..

திரும்பவும் கன்ணாடிக் கடைக்கு வந்து விவரம் கூறினேன்..

நீங்கள் சொல்லிய அளவு தானே... என்றான் எனது கண்களைப் பரிசோதித்தவன்..

பார்வை மங்கலாக இருக்கும் போது தெளிவாகத் தெரிகிறது என்று சொல்வதற்கு நான்

என்ன மடையனா?.. எவனாவது  அப்படிச் சொல்வானா?.. எனக் கேட்க நினைத்தேன்... 

ஆனால் கேட்கவில்லை..

கண்ணாடியைக் கழற்றக் கூடாது .. செட் ஆவதற்கு ஒரு வாரம் ஆகலாம்.. - என்று அங்கிருந்த அறிவாளிகள் அறிவுரை கூறினர்.. 

அடடா... இது நமக்கான இடம் அல்லவே.. தவறாக வந்து கிடைத்தற்கரிய பணத்தை இழந்து விட்டோமே என்று மனம் வருந்தியபடியே வீடு வந்து சேர்ந்தேன்..

கண்ணாடிக் கடைக்காரன் கொடுத்துக் கெடுத்ததற்கு மாற்றாக இன்னும் வேறு பதிய கண்ணாடி அமையவில்லை...

இதைத்தான் 

தலைக்கு வந்து தலைப்பாகையோடு போயிற்று என்பார்கள்..

தற்சமயம்

நல்லதொரு கண் மருத்துவரிடம் செல்லாதது என் தவறு..

ஆறு ஏழு மாதத்திற்கு முன்பு சென்றதும் பிரச்னை ஆகி விட்டது..

எப்படி என்றால் -

ஆறு மாதத்திற்கு முன்

கண்ணுக்காக தஞ்சை அரசு கண் மருத்துவ மனைக்கு சென்று பரிசோதித்துக் கொண்ட போது சுகர் இருக்கா?.. என்றார்கள்..  

இருந்தது.. இப்போது இல்லை.. என்றேன்..

அது எப்படி இல்லாமல் போகும் - என்று சோதித்தார்கள்..  சோதனையின் முடிவில் இரத்தத்தில் சர்க்கரை அளவு குறைந்திருப்பதைக் கண்டு -

எப்படி டா?.. - என்று ஆச்சர்யம்..

சித்த மருந்துகள்!.. என்றேன்..

சித்தா மருந்துகளையும் அலோபதியையும் ஒன்றாக எடுத்துக் கொள்ளக் கூடாது... அதை முதலில் நிறுத்த வேண்டும் - என்றார்கள்...

அதன் பின் அந்தப் பக்கமே போகவில்லை நான்...

2022 ல் சிவப்பணுக்கள் குறைந்து உடலில் நோய் எதிர்ப்பு சக்தி குறைவு ஏற்பட்டது..

இப்படியான நிலையில் உணவு ஒவ்வாமையும் சேர்ந்து கொள்ள  பிரச்னைகள்.. 

நான் கவலைப்படாமல் உல்லாசமாகக் கதைகளில் கரடி விட்டுக் கொண்டிருந்தேன்..

மூன்று வருடங்களாக

வெண்பெங்கல் மட்டுமே எனது உணவு..

தப்பித்தவறி உளுந்து வடையின் மிளகாய்த் துணுக்கு நாவில் பட்டு விட்டால் உடலில் அரிப்பு தான்..

கவனத்துடன் ஒதுங்கியிருந்த நிலையில் பாலும் ஒத்துக் கொள்ளாமல் போயிற்று..

எல்லாம் முன் ஜென்ம வினை!..

இந்நிலையில் வலக்கை விரல்களின் வலி குறையாத நிலையில்

இடக்கை விரல்களிலும் கூடுதலாக கழுத்திலும் வலி..

நாளும் ஒரு பதிவு...

அவ்வப்போது கதைகள் கட்டுரைகள்..

இது எனது தமிழிடத்தில் நான் நேர்ந்து கொண்டது..

உடல் நலன் கருதி   குறைத்துக் கொண்டிருக்கின்றேன்..

இந்நிலையில் எனது தளத்தில் மட்டும் தற்சமயம்  வித்தை காட்டிக் கொண்டிருக்கின்றேன்... அது நேர்ச்சை..

  

நன்பர்களது தளங்களுக்கு வர இயலவில்லை.. Fb ல் இருப்பது போல இங்கும் முத்திரையிடும் வசதி இருந்தால் நன்றாக இருந்திருக்கும்..

அன்புள்ளம் கொண்டோர் அனைவரும் மன்னிக்கவும்...

இந்தப் பதிவு கூட வரி வரியாக தட்டச்சு செய்து தொகுக்கப்பட்டது தான்.

இப்படியாக எதிர்வரும் வாரத்திற்கு பதிவுகளை ஒப்பேற்றி வைத்துள்ளேன்  என்பதும் மகிழ்ச்சி..

விரைவில் வருகின்றேன்...

 நன்றி.. நலம் வாழ்க..

வாழ்க்கை என்றால் 

ஆயிரம் இருக்கும்

வாசல் தோறும் வேதனை இருக்கும்..

வந்த துன்பம் எதுவென்றாலும்

வாடி நின்றால் ஓடுவது இல்லை..

-: கவியரசர் :-

சக்தி கொடு தமிழே

சக்தி கொடு!..

*

ஓம் சிவாய நம ஓம்

***