நெஞ்சார்ந்த அஞ்சலி

ஐந்து வருடங்களில் 1555 பதிவுகள்..

2011 ஜனவரி இருபத்தொன்றாம் நாளில் இருந்து
2016 ஜனவரி இருபத்தெட்டாம் நாள் வரை...

சற்றும் சளைக்காமல்,

வாசிப்பது என்பது சுவாசிப்பது..
வாசிப்பவர்களே சுவாசிப்பவர்கள்!..

- என்ற முத்திரைச் செய்தியுடன் -

தனது தளத்தில் ஆன்மீகத் தகவல்களை வழங்கி வந்த
திருமதி இராஜராஜேஸ்வரி அவர்கள் 
இறைவனடித் தாமரையின் கீழ் ஐக்கியமாகி விட்டார்கள்..

திரு துளசிதரன் அவர்களது தளத்தின் வாயிலாக தகவல் அறிந்து -
மனம் அதிர்ந்தது..

காயத்ரி மந்திரத்துடன் தனது பதிவுலகப் பயணத்தைத் தொடங்கியவர் -
தனது மகனின் திருமணச் செய்தியுடன் பணியை நிறைவு செய்திருக்கின்றார்..

உடல் நலம் குன்றியிருக்கின்றார் - என்று அறிந்திருந்த போதிலும்
நலம் பெற்று வந்து மீண்டும் நல்ல செய்திகளைப் பதிவு செய்வார் - என்றே நம்பியிருந்தோம்..

திருமதி இராஜராஜேஸ்வரி அவர்கள் -
9/2/2016 அன்று வைகுந்த பிராப்தி அடைந்தார் - என,
அவரது தளத்தில் - அவரது மகளும் மகன்களும் பதிவு செய்துள்ளனர்..

திருமதி இராஜராஜேஸ்வரி அவர்கள்

ஆன்மீக விஷயங்களை அழகு தமிழில் தருவதில் வல்லவர்.. 

அவருக்கு நிகர் அவரே..

திருமதி இராஜராஜேஸ்வரி அவர்களின் ஆத்மா
இறைநிழலில் சாந்தியடையட்டும்.

திருமதி இராஜராஜேஸ்வரி அவர்களுக்கு 

நெஞ்சார்ந்த அஞ்சலி..

திருமதி இராஜராஜேஸ்வரி அவர்களுடைய பிரிவினைத் தாங்கிக் கொள்ளும் வல்லமையை -

அவர் தம் குடும்பத்தினருக்கு - இறைவன் அருளட்டும்..

எல்லாம் வல்ல இறைவனிடம் பிரார்த்திப்போம்..

நல்ல செய்திகளை பிறருக்குச் சொல்வதும் - 

முப்பத்திரண்டு அறங்களுள் ஒன்று..

திருமதி இராஜராஜேஸ்வரி அவர்கள் 

என்றென்றும் நம் நினைவில் இருப்பார்..

ஓம் சாந்தி.. சாந்தி.. சாந்தி!..

* * *