முத்துப் பல்லக்கு

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

வைகாசி 25

 வியாழக்கிழமை

வைகாசி மூலம் - 

திருஞான சம்பந்தர் குருபூஜை விழாவை முன்னிட்டு தஞ்சை மேல ராஜ வீதி திருஞான சம்பந்தர் திருமடத்தில் இருந்து சம்பந்தப் பெருமானின் தங்க வண்ண சித்திரத்தை அலங்கார சப்பரத்தில்  வீதி வலமாக எழுந்தருளச் செய்வர்..

அது சமயம் தஞ்சையில் அமைந்துள்ள பிள்ளையார் முருகன் கோயில்களில் இருந்தும் வீதியுலா விமரிசையாக நடைபெறும்.. 

நூற்றைம்பது ஆண்டுகளுக்கும் மேலாக நிகழும் இந்த வைபவத்தில் அவ்வப்போது தளர்ச்சி ஏற்பட்டாலும் சிறப்புற நிகழ்கின்றது.. 

இந்த ஆண்டில் விளங்கும் கோயில்கள் ..

1) ஸ்ரீ வெள்ளைப் பிள்ளையார் கோயில், கீழவாசல்..

2) ஸ்ரீ சுப்ரமணிய ஸ்வாமி கோயில், குறிச்சித் தெரு..

3) ஸ்ரீ பால தண்டாயுதபாணி ஸ்வாமி கோயில், 

ஆட்டு மந்தைத் தெரு..

4) ஸ்ரீ பழனியாண்டவர் கோயில், அரிசிக்காரத் தெரு..

5) ஸ்ரீ ஜோதி விநாயகர் கோயில், சௌராஷ்டிர தெரு..

6) ஸ்ரீ கல்யாண கணபதி, 

உஜ்ஜயினி காளி கோயில், கீழவாசல்..

7) ஸ்ரீ கமல ரத்ன விநாயகர், தெற்கு ராஜவீதி.

8) ஸ்ரீ சுப்ரமணிய ஸ்வாமி கோயில், மேல ராஜவீதி..

9) ஸ்ரீ செல்வ விநாயகர், காம்ராஜர் காய்கறி மார்க்கெட்

10) ஸ்ரீ வடபத்திர காளியம்மன் கோயில், வடக்கு வாசல்

11) ஸ்ரீ வெற்றி வேல் முருகன் கோயில், மேலவெளி..

இந்த வைபவம் அந்தந்த கோயிலைச் சார்ந்த இறையன்பர்களால் நடத்தப்படுவதாகும்..

கரந்தை கண்ணாடிப் பல்லக்கு தஞ்சை வீதிகளில் வலம் வந்தபோது எதிர்பாராத கடுமையான காற்றும் மழைத் தூறலும்..

அன்றிரவு பலத்த மழை.. இரவில் நடக்க இருந்த முத்துப் பல்லக்கு மின் அலங்கார ரத ஊர்வலத்திற்கு தடுமாற்றம்.. 

மறுநாள் விடியற்காலையில் நடத்தப்பட்ட விழாவின் சில காட்சிகள் இன்றைய பதிவில்..

கடும் காற்று மழையின் காரணமாக - இந்த வருடம் தரிசனம் செய்ய இயலவில்லை..

விழாவின்

படங்களுக்கும்

காணொளிக்கும்

நன்றி..

நம்ம தஞ்சாவூர் Fb,

தஞ்சை ஞானசேகரன்..

தஞ்சை திவ்ய தேசத்தின்

புகழ் பெற்ற  இருபத்து நான்கு கருடசேவை 

நாளை வெள்ளிக் கிழமை

வைகாசி 26 (9/6) காலை ஏழு மணி முதல் 

தஞ்சையின் ராஜ வீதிகளில் 

நடைபெற உள்ளது..

அனைவரும் வருக..

அருளாசி பெறுக!..

திருஞானசம்பந்தர் 

திருவடிகள் போற்றி..

ஓம் நம சிவாய சிவாய நம ஓம்

***

முத்துப் பல்லக்கு

வைகாசி மூல நட்சத்திரத்தில்
ஞானசம்பந்தப் பெருமானின்  குருபூஜையை அனுசரித்து தஞ்சை மாநகரில் நிகழ்வது
முத்துப் பல்லக்கு வைபவம்...

பெருமான் - சிவதரிசனம் பெற்றதாக
நகரிலுள்ள அனைத்து விநாயகர் கோயில்கள் மற்றும் முருகன் கோயில்களில் இருந்து உற்சவ மூர்த்திகள் பல்லக்குகளில் எழுந்தருள -

மேல ராஜவீதியின் திருஞானசம்பந்தர் மடாலயத்தில் சிறப்பான ஆராதனைகள் நிகழும்..

மலர்களால் அலங்கரிக்கப்பட்ட பல்லக்கில் ஞான சம்பந்தப்பெருமானின் பழைமையான சித்திரம் திருவீதி எழுந்தருளல் நிகழும்...

அந்தவகையில் -
நேற்று மாலையில் தஞ்சை நகரின் ராஜவீதிகளில் முத்துப் பல்லக்கு வைபவம் கோலாகலமாக நடைபெற்றுள்ளது...

பதினைந்திற்கும் மேற்பட்ட பல்லக்குகளுடன். நேற்று இரவு முழுதும் நடைபெற்ற இந்த வைபவத்தின் காட்சிகள் இன்றைய பதிவில்..

படங்களை வழங்கிய
தஞ்சை ஞானசேகரன் அவர்களுக்கு
நெஞ்சார்ந்த நன்றி....

அடுத்ததாக - தஞ்சையில்
வைகாசி திருவோண நட்சத்திரத்தில்
திருமங்கை ஆழ்வாருக்கு - ஸ்ரீ நீலமேகப் பெருமாள் கருட வாகனராக காட்சியளித்த
வைபவம் 24 கருட சேவையாக நிகழ உள்ளது...

ஓம் நம சிவாய சிவாய நம ஓம்

 ஃஃஃ

தஞ்சை முத்துப் பல்லக்கு

சோறுடைத்த சோழ நாட்டின் சுந்தரத் திருநகர்  தஞ்சையம்பதி!..

நீர் வளமும் நிலவளமும் நிறையப் பெற்ற திருத்தலம். 

நஞ்சையும் புஞ்சையும் கொஞ்சி விளையாட 

நெஞ்சை அள்ளும் தஞ்சை..

என்பதும், 

கலைகளின் தாய்வீடு தஞ்சைத் தரணி  

- என்பதும் - இந்நகரின் சிறப்பு அடைமொழிகள்.. 

ஆனந்த விநாயகர்

புராணச் சிறப்புகள் வரலாற்றுச் சிறப்புகள் என அனைத்தும் ஒருங்கே உடைய தஞ்சை மாநகரில் - 

நூற்றைம்பது ஆண்டுகளுக்கும் மேற்பட்ட பாரம்பரிய விழாவான முத்துப் பல்லக்குத் திருவிழா, நேற்றிரவு கோலாகலமாக நடைபெற்றது. 

சமய குரவர்களுள் ஒருவரான திருஞான சம்பந்தப் பெருமான் முக்தி பெற்ற நாள் வைகாசி மூலம்...

அலங்கார பல்லக்கில் ஞானசம்பந்தர்

வைகாசி மூல நட்சத்திரத்தினை அனுசரித்து முத்துப் பல்லக்கு திருவிழா தஞ்சை மாநகரில் ஒவ்வொரு ஆண்டும் வெகு சிறப்பாக கொண்டாடப்பட்டு வருகிறது. 

நூற்றைம்பது ஆண்டுகளுக்கு முன் -  வைகாசி மாதத்தில் ,

ஞானசம்பந்தப் பெருமானின் குருபூஜையின் போது  குறிச்சித் தெரு முருகன் கோவிலில் இருந்து - முதன்முதலாக முத்துப் பல்லக்கு  புறப்பட்டது. 

இடையில் சிலகாலம்  - பல காரணங்களினால் சற்றே எழில் குன்றியிருந்தது. 

ஸ்ரீ வல்லபை விநாயகர் - கீழவாசல்

தற்போது - தஞ்சை மாநகரில் உள்ள பெரும்பாலான கோயில்களில் இருந்தும் முத்துப் பல்லக்கு புறப்படுவதற்கு, 

அந்தந்த பகுதிகளில் உள்ள நல்ல மனம் கொண்ட இறையன்பர்கள்  இயன்றவரை பணி செய்து வருகின்றனர்.

இந்த ஆண்டு முத்துப்பல்லக்கு விழாவினை முன்னிட்டு தஞ்சை மாநகரின்-

கீழவாசல், ஆட்டுமந்தைத் தெரு, குறிச்சித் தெரு,  அரிசிக்காரத் தெரு,

வார்காரத் தெரு, பட்டு நூல்காரத் தெரு, கிருஷ்ணன் கோயில் தெரு, புல்லுகாரத் தெரு, வண்டிகாரத் தெரு, மகர்நோன்புச் சாவடி,

கீழ ராஜவீதி, தெற்கு ராஜவீதி, மேலராஜவீதி, வடக்கு வாசல்  

- என, பல்வேறு பகுதிகளிலிருக்கும் விநாயகர், முருகன் திருக்கோயில்களில் இருந்து மங்கள இசை முழங்க -

முத்துப் பல்லக்குகள் புறப்பட்டு கீழ ராஜவீதி மாமா சாகேப் மூலைக்கு வந்து சேர்ந்தன.

மாமா சாகேப் மூலை என்பது - கீழராஜ வீதியும் தெற்கு ராஜவீதியும் சந்திக்கும் இடம். பழைய பேருந்து நிலையத்திற்கு சற்று அருகில்..

பல்லக்குகளில் விநாயகர், முருகன் உற்சவ திருமேனிகள் மற்றும் திருஞான சம்பந்தரின் திருஉருவப்படங்கள் ஆபரணங்களாலும் மலர் மாலைகளாலும் அலங்கரிக்கப்பட்டிருந்தன. 

பல்லக்குகள் பூக்களாலும் பலவண்ண காகிதங்களாலும் மணிச்சரங்களாலும் வண்ண மயமான குஞ்சங்களாலும்  மின் விளக்குகளாலும் தஞ்சைக்கே உரிய கலை நயத்துடன் எழிலாக வடிவமைக்கப்பட்டிருந்தன.  

பழைமையான கோயில்களான -   

கரந்தை - கருணாசாமி திருக்கோயில்

கீழவாசல் - வெள்ளைப் பிள்ளையார் திருக்கோயில்

பாம்பாட்டித்தெரு - சிந்தாமணி பிள்ளையார் திருக்கோயில் 

கொள்ளுபேட்டைத் தெரு - ஆனந்த விநாயகர் திருக்கோயில்

குறிச்சித் தெரு - சுப்ரமணியசாமி திருக்கோயில்

ஆட்டுமந்தைத் தெரு - தண்டாயுதபாணி சுவாமி திருக்கோயில்

சின்ன அரிசிக்காரத் தெரு - சுப்ரமணிய சுவாமி திருக்கோயில்

மகர்நோன்புச் சாவடி - ஜோதி விநாயகர் திருக்கோயில்

பூக்காரத்தெரு - சுப்ரமணியசுவாமி திருக்கோயில்.

ரயிலடி - வரசித்தி விநாயகர் திருக்கோயில்

மாமா சாகேப் மூலை - சித்தி விநாயகர் திருக்கோயில் 

இவற்றுடன் இன்னும் சில திருக்கோயில்கள் என -  

திருவிழாவில் பதினெட்டிற்கும் மேற்பட்ட பல்லக்குகள் தஞ்சையின் நான்கு ராஜ வீதிகளிலும் வலம் வந்தன. 

இதில் ஏராளமான பக்தர்கள் கலந்து கொண்டு தரிசனம் செய்தனர். 

இன்று காலை எட்டு மணி அளவில் பல்லக்குகள் -  அந்தந்த கோயில்களுக்குத் திரும்பிச் சென்று சிறப்பு பூஜைகளுடன் நிலை நிறுத்தப்பட்டன. 

புகைப்படங்கள்: 

Fb Thanjavur City , திரு., ஹரி மற்றும் திரு.. ஆறுமுகம் நடராஜன் -

ஆகியோர்க்கு மனமார்ந்த நன்றி

***

ராஜவீதிகளின் பல இடங்களிலும் சித்ரான்னங்கள் வழங்கலும் அன்ன தானமும் நடைபெற்றதாக அறியமுடிகின்றது..

முத்துப் பல்லக்கு விழாவினை முன்னிட்டு,  தஞ்சை மாநகரம்  முன்தினம் இரவு விழாக்கோலம் பூண்டிருந்தது. 

ராஜ வீதிகளில் தலையாட்டி பொம்மைகள், விளையாட்டுப் பொருட்கள், இனிப்பு, பலகார வகைகள் - என, வியாபாரம் விடியும் வரை - களை கட்டியது. 

பல்லக்கின் முன் இசையரங்கம்

நூறாண்டுகளையும் கடந்து நடைபெறும் இவ்விழா - 

தஞ்சை மாநகருக்கு மேலும் புகழ் சேர்ப்பதாக அமைகின்றது.  

இவ்விழா  -  தஞ்சை மாநகரை நூறு ஆண்டுகளுக்கு முந்தைய சூழலுக்கு அழைத்து சென்றதில் மக்களின் மனங்களில் மகிழ்ச்சி ததும்பியது..

சென்ற ஆண்டுகளைப் போலவே - இந்த ஆண்டும் முத்துப் பல்லக்கு 

வைபவத்தினைப் பதிவிடுவதில் நானும் மிகுந்த மகிழ்ச்சியடைகின்றேன்...

நிகழ்வுகளைப் படங்களாக வழங்கிய இறையன்பர்களுக்கு மீண்டும் நன்றி..

நேற்று முத்துப் பல்லக்கு திருவிழா நடைபெற்றதைத் தொடர்ந்து -  

அடுத்த சில தினங்களில் - வைகாசி திருவோண நட்சத்திரத்தை அனுசரித்து

மாபெரும் 23 கருட சேவையும் - தஞ்சை மாநகரில் நிகழ இருக்கின்றது..

மகிழ்ச்சி, மனநிறைவு 

இவைகளே நல்வாழ்விற்கு அடித்தளம்!.. 

வாழ்க நலமுடன்..

வாழ்க வளமுடன்!..  

*** 

முத்துப்பல்லக்கு

சோறுடைத்த சோழ நாட்டின் சுந்தரத் திருநகர்  தஞ்சையம்பதி!.. 

நீர் வளமும் நிலவளமும் நிறையப் பெற்ற திருத்தலம். 

நஞ்சையும் புஞ்சையும் கொஞ்சி விளையாட நெஞ்சை அள்ளும் தஞ்சை என்பதும் தஞ்சைத் தரணி என்பதும் - இந்நகரின் சிறப்பு அடைமொழிகள்.. 

புராணச் சிறப்புகள் வரலாற்றுச் சிறப்புகள் என அனைத்தும் ஒருங்கே உடைய தஞ்சை மாநகரில் - 

நூற்றைம்பது ஆண்டுகளுக்கும் மேற்பட்ட பாரம்பரிய விழாவான முத்துப் பல்லக்குத் திருவிழா, கடந்த ஜூன்/14 சனிக்கிழமையன்று கோலாகலமாக நடைபெற்றது. 

சமய குரவர் நால்வரில் ஒருவரான ஞான சம்பந்தப் பெருமான் முக்தி பெற்ற நாள் வைகாசி மூலம்.  

அந்த நாளினை அனுசரித்து முத்துப் பல்லக்கு திருவிழா தஞ்சை மாநகரில் ஒவ்வொரு ஆண்டும் வெகு சிறப்பாக கொண்டாடப்பட்டு வருகிறது. 

நூற்றைம்பது ஆண்டுகளுக்கு முன் -  வைகாசி மாதத்தில் ,

ஞானசம்பந்தப் பெருமானின் குருபூஜையின் போது  குறிச்சித் தெரு முருகன் கோவிலில் இருந்து முதன் முதலாக முத்துப் பல்லக்கு  புறப்பட்டதாக கூறப்படுகின்றது. 

இடையில் சிலகாலம்  - பல காரணங்களினால் சற்றே எழில் குன்றியிருந்தது. 

தற்போது - தஞ்சை மாநகரில் உள்ள பெரும்பாலான கோயில்களில் இருந்தும் பல்லக்கு புறப்படுவதற்கு, அந்தந்த பகுதிகளில் உள்ள நல்ல மனம் கொண்ட இறையன்பர்கள்  இயன்றவரை பணி செய்து வருகின்றனர்.

இந்த ஆண்டு முத்துப்பல்லக்கு விழாவினை முன்னிட்டு தஞ்சை மாநகரின்-

கீழவாசல், ஆட்டுமந்தைத் தெரு, குறிச்சித் தெரு,  அரிசிகாரத் தெரு,
வார்காரத் தெரு, பட்டு நூல்காரத் தெரு, கிருஷ்ணன் கோயில் தெரு, புல்லுகாரத் தெரு, வண்டிகாரத் தெரு, மகர்நோன்புச் சாவடி,
கீழ ராஜவீதி, தெற்கு ராஜவீதி, மேலராஜவீதி,  

- என பல்வேறு பகுதிகளிலிருக்கும் விநாயகர், முருகன் திருக்கோயில்களில் இருந்து நாதஸ்வர இசை முழங்க முத்துப் பல்லக்குகள் புறப்பட்டு கீழ ராஜவீதி மாமாசாகேப் மூலைக்கு வந்து சேர்ந்தன.

(கீழராஜ வீதியும் தெற்கு ராஜவீதியும் சந்திக்கும் இடம். பழைய பேருந்து நிலையத்திற்கு சற்று அருகில்)

பல்லக்குகளில் விநாயகர், முருகன் உற்சவ திருமேனிகள் மற்றும் திருஞான சம்பந்தரின் திருஉருவப்படங்கள் ஆபரணங்களாலும் மலர் மாலைகளாலும் அலங்கரிக்கப்பட்டிருந்தன. 

பல்லக்குகள் பூக்களாலும் பலவண்ண காகிதங்களாலும் மணிச்சரங்களாலும் வண்ண மயமான குஞ்சங்களாலும்  மின் விளக்குகளாலும் தஞ்சைக்கே உரிய கலை நயத்துடன் எழிலாக வடிவமைக்கப்பட்டிருந்தன.  

பழைமையான கோயில்களான -   
கரந்தை - கருணாசாமி கோயில்

கீழவாசல் - வெள்ளைப் பிள்ளையார் கோயில்

பாம்பாட்டித்தெரு - சிந்தாமணி பிள்ளையார் கோயில் 

கொள்ளுபேட்டைத் தெரு - பிள்ளையார் கோயில்

குறிச்சித் தெரு - சுப்ரமணியசாமி கோயில்
ஆட்டுமந்தைத் தெரு - தண்டாயுதபாணி சுவாமி கோயில்
சின்ன அரிசிக்காரத் தெரு - சுப்ரமணிய சுவாமி கோயில்
பூக்காரத்தெரு - சுப்ரமணியசுவாமி கோயில்.
ரயிலடி - பிள்ளையார் கோயில்
மாமா சாகேப் மூலை - பிள்ளையார் கோயில் 

- இன்னும் சில திருக்கோயில்கள் என -  திருவிழாவில் பதினைந்திற்கும் மேற்பட்ட பல்லக்குகள் தஞ்சையின் நான்கு ராஜ வீதிகளிலும் வலம் வந்தன. 

இதில் ஏராளமான பக்தர்கள் கலந்து கொண்டு தரிசனம் செய்தனர். 

மறுநாள் காலை ஏழு மணி அளவில் பல்லக்குகள்-  அந்தந்த கோயில்களுக்குத் திரும்பிச் சென்று சிறப்பு பூஜைகளுடன் நிலை நிறுத்தப் பட்டன. 

புகைப்படங்கள்: 
திரு.கலியபெருமாள் வீராசாமி. (Thanjavur City Pages) அவர்களுக்கு மனமார்ந்த நன்றி
 

ராஜவீதிகளின் பல இடங்களிலும் சித்ரான்னங்கள் வழங்கலும் அன்ன தானமும் நடைபெற்றது.

முத்துப் பல்லக்கு விழாவினை முன்னிட்டு,  தஞ்சை மாநகரம்  முன்தினம் இரவு விழாக்கோலம் பூண்டிருந்தது. 

ராஜ வீதிகளில் தலையாட்டி பொம்மைகள், விளையாட்டுப் பொருட்கள், இனிப்பு, பலகார வகைகள் - என, வியாபாரம் விடியும் வரை - களை கட்டியது. 

நூறாண்டுகளையும் கடந்து நடைபெறும் இவ்விழா - தஞ்சை மாநகருக்கு மேலும் புகழ் சேர்ப்பதாக அமைகின்றது.  

இவ்விழா  -  தஞ்சை மாநகரை நூறு ஆண்டுகளுக்கு முந்தைய சூழலுக்கு அழைத்து சென்றதாக மக்கள் மகிழ்ச்சி அடைந்தனர். 

மகிழ்ச்சியும் மன நிறைவும் என்றென்றும்  நிறைந்திருப்பதாக!..

வாழ்க வையகம் .. வாழ்க வளமுடன்!.. 

 * * *