நாடும் வீடும்
நலம் பெற வேண்டும்
பகையும் பிணியும்
தொலைந்திட வேண்டும்..
***
இன்று
புரட்டாசி 25
வியாழக்கிழமை
திருப்பதிகப் பாடல்கள்
பன்னிரு திருமுறை,
தருமபுரம் ஆதீனம்..
நம்மைச் சூழ்கின்ற நோய்களுக்கு - இறைவனே அருமருந்து!.. - என்று அடையாளம் காட்டுகின்ற வகையில் சுந்தரமூர்த்தி ஸ்வாமிகள் அருளிச் செய்துள்ள திருப்பாடல்கள் சிலவற்றை இன்றைய பதிவில் காண்போம்..
திரு கற்குடி
உய்யக்கொண்டான்
ஸ்ரீ உஜ்ஜீவநாதர்
ஸ்ரீ அஞ்சனாக்ஷியம்மன்
சிலையால் முப்புரங்கள் பொடி
யாகச் சிதைத்தவனே
மலைமேல் மாமருந்தே
மட மாதிடங் கொண்டவனே
கலைசேர் கையினனே திருக்
கற்குடி மன்னிநின்ற
அலைசேர் செஞ்சடையாய் அடி
யேனையும் அஞ்சலென்னே.. 7/27/3
திரு கச்சூர்
ஸ்ரீ விருந்திட்ட வரதர்
ஸ்ரீ அஞ்சனாக்ஷியம்மன்
மேலை விதியே விதியின் பயனே
விரவார் புரமூன் றெரிசெய்தாய்
காலை எழுந்து தொழுவார் தங்கள்
கவலை களைவாய் கறைக்கண்டா
மாலை மதியே மலைமேல் மருந்தே
மறவேன் அடியேன் வயல்சூழ்ந்த
ஆலைக் கழனிப் பழனக் கச்சூர்
ஆலக் கோயில் அம்மானே.. 7/41/5
திரு வாழ்கொளி புத்தூர்
ஸ்ரீ ரத்னபுரீஸ்வரர்
ஸ்ரீ வண்டார்குழலி
திருந்த நான்மறை பாடவல் லானைத்
தேவர்க்கும் தெரிதற்கு அரி யானைப்
பொருந்த மால்விடை ஏறவல் லானைப்
பூதிப் பைபுலித் தோலுடை யானை
இருந்துண் தேரரும் நின்றுணுஞ் சமணும்
ஏச நின்றவன் ஆருயிர்க் கெல்லாம்
மருந்து ஆனான்தனை வாழ்கொளி புத்தூர்
மாணிக்கத்தை மறந்து என் நினைக்கேனே.. 7/57/10
திரு ஆவடுதுறை
ஸ்ரீ மாசிலாமணியீசர்
ஸ்ரீ அதுல்யகுஜாம்பிகை
வான நாடனே வழித்துணை மருந்தே
மாசிலா மணியே மறைப் பொருளே
ஏன மாஎயிறு ஆமையும் எலும்பும்
ஈடு தாங்கிய மார்புடை யானே
தேன் நெய் பால்தயிர் ஆட்டுகந் தானே
தேவ னேதிரு வாவடு துறையுள்
ஆனை யேஎனை அஞ்சல்என் றருளாய்
ஆர் எனக்கு உறவு அமரர்கள் ஏறே.. 7/70/9
திரு நனிபள்ளி
ஸ்ரீ நற்றுணையப்பர்
ஸ்ரீ பர்வதராஜபுத்ரி
திங்கட் குறுந்தெரியல் திகழ்
கண்ணியன் நுண்ணியனாய்
நங்கட் பிணிகளைவான் அரு
மாமருந்து ஏழ்பிறப்பும்
மங்கத் திருவிரலால் அடர்த்
தான்வல் அரக்கனையும்
நங்கட் கருளும்பிரான் நண்ணும்
ஊர்நனி பள்ளியதே.. 7/97/8
ஸ்ரீ சுந்தரர்
திருவடிகள் போற்றி..
*
ஓம் நம சிவாய
சிவாய நம ஓம்
***











