தரிசனம்

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

தை 27

சனிக்கிழமை

தஞ்சை மணிக்குன்ற திவ்யதேசத்தின் அபிமான திருக்கோயில் என்று கண்டறியப் பெற்ற சிறுபிரம்பூர் ஸ்ரீதேவி பூதேவி சமேத ஸ்ரீ பிரசன்ன வெங்கடேசப் பெருமாள் திருக்கோயிலின் மஹா சம்ப்ரோக்ஷணம் நேற்று முன் தினம் வியாழன்று (தை 25) காலை ஒன்பது மணியளவில் மங்கல இசை முழங்க வெகு சிறப்புடன் நடைபெற்றது..

பெருமாள் கோயில் சம்ப்ரோக்ஷணத்தின் போது மக்கள் அருள் பெற்று ஆடுவதை இரண்டாம் முறையாக இக்கோயிலில் கண்டேன்..

யாகசாலையில் பூர்ணாஹூகுதி நிறைவேறி கடம் புறப்பட்டதுமே பட்டாச்சாரியார் ஒருவர் அருள் நிலையில் நின்றார்..

இவ்வூர் தற்போது ராமாபுரம் எனப்படுகின்றது.. 

தஞ்சை திவ்ய தேசத்தில் இருந்து ஐந்து கிமீ.. 

வெண்ணாற்றங்கரையைக் கடந்ததும் கும்பகோணம் நெடுஞ்சாலையில் வயலூர் கிராமத்திற்கு கிழக்காக அரை கிமீ..

கும்பாபிஷேகம் காணவந்த மக்களுக்கு காலையில் இட்லி பொங்கல் கேசரி காஃபி..

கும்பாபிஷேகம் நடந்ததும் பொங்கல் புளியோதரை என ஐந்து சித்ரான்னங்கள். மதியத்திற்கென விருந்து தயாராகிக் கொண்டிருக்கின்றது என்று அறிவிப்புகள்..

வழக்கம் போல தஞ்சை மண்ணின் உபசரிப்பில் உள்ளம் நெகிழ்ந்தது..

குலம் தரும் செல்வம் தந்திடும் 

அடியார் படு துயர் ஆயின எல்லாம்

நிலம் தரம் செய்யும் நீள் விசும்பு 

அருளும்  அருளொடு பெருநிலம் அளிக்கும்

வலம் தரும் மற்றும் தந்திடும் 

பெற்ற தாயினும் ஆயின செய்யும்

நலம் தரும் சொல்லை நான் கண்டு கொண்டேன்  நாராயணா என்னும் நாமம்.. 956

-: திருமங்கையாழ்வார் :-

ஓம் ஹரி ஓம்

***

வருவாய் முருகா..

வருவாய்.. வருவாய்..
***

பாற்குடம் காவடி சேர்ந்தாட அங்கு 

பரமனும் சக்தியும் உடனாட

ஐங்கரன் அவனும் மகிழ்ந்தாட அங்கு

மூஷிகம் அதுவும் விளையாட

வள்ளி நாயகி தன்னோடு எழில்

தேவ யானையும் சேர்ந்தாட

மயிலொடு சேவலும் கூத்தாட அந்த சரவணப் பொய்கையின் மீனாட

தேவ இந்திரன் உடனாட எழில்

தேவ கன்னியரும் கலந்தாட

சித்தரும் பக்தரும் சேர்ந்தாட சிவ

கணங்களும்  கனிந்து கூத்தாட

குன்றும் மலைகளும் குளிர்ந்தாட

கொடு நாகமும் சிவசிவ என்றாட

கடலும் அலையும் கலந்தாட கன்னித்

தமிழும் இசையாய் நடமாட

நாரணன் நாரணி மகிழ்ந்தாட நல்ல

வீணையின் தேவி இசைபாட

நான்முகன் வேதத்துதி பாட வெள்ளிப் பளிங்கென நந்தியும் எழுந்தாட

ஹரஹர சிவசிவ மால்மருகா என

மண்ணும் விண்ணும் புகழ்பாட

சிவசிவ ஹரஹர வேல்முருகா என

திக்குகளும் திருக் கூத்தாட

வெற்றி விளைத்திடும் வீரவாகு அங்கு

வேல்வேல் என்றே கவிபாட

வயிரவர் வயிரவி மகிழ்ந்தாட வரும்

பூதங்களும் சுற்றிச் சுழன்றாட

வருவாய் வடிவுடை 

வேலுடனே வருவாய்..

வருவாய் எழிலுடை 

வேலுடனே வருவாய்!....

ஃஃஃ

புதிதாக வந்திருக்கும் அறையில்
கணினியை எடுத்து வைக்க
இயலாத சூழ்நிலை..

கணினியுடன் இணையத்தை இணைக்கும் Router எனும் சாதனமும்
பழுதாகி விட்டது...

பல நாட்களுக்குப் பிறகு
தஞ்சையம்பதியில்
வெளியாகும் பதிவு இது...

ஒரு மாதத்துக்கு முன்பு
எழுதிய பாடல் இது..
கைத்தொலைபேசி வழியாக
தளத்தில் இணைத்துள்ளேன்..

முருகன் வர வேண்டும்..
அவனருளால்
நாடும் வீடும் நலம் பெற வேண்டும்..
பகையும் பிணியும் தொலைந்திட வேண்டும்...

வெற்றிவேல் முருகனுக்கு அரோகரா!..

ஓம் நம சிவாய சிவாய நம ஓம்..
ஃஃஃ

காளி வந்தாள் 2

நாடும் வீடும் நலம் பெற வேண்டும்..

பகையும் பிணியும் தொலைந்திட வேண்டும்..

***

கடந்த சனிக்கிழமை இரவு 8:45

கைப்பேசியில் அமைப்பு..

எடுத்து நோக்கினால் கனடாவில் இருந்து..

என் மனைவியின் அக்கா மகள்..

தான் சார்ந்துள்ள I.T.. நிறுவனத்திற்காக

தற்போது கனடாவில் இருந்து பணி செய்து கொண்டிருக்கின்றார்..

இதனை விவரமாகச் சொல்லாததனால்

அபுதாபியில் இருக்கும் என் மகள் என்று 

அர்த்தம் ஆகி விட்டது..

என்னம்மா!.. எப்படியிருக்கிறாய்?..

- என்றேன் சாதாரணமாக...

மண்டகப்படி நல்லா நடந்தது,..

எனக்கு ரொம்பவும் சந்தோஷம்...

எல்லாரும் எங்கிட்ட பேசணும்..ன்னு காத்திருக்காங்க..

நான் உங்களத் தேடி வந்திருக்கிறேன்!...

அந்த வார்த்தைகளின் தன்மையைப் புரிந்து கொண்டு 

விக்கித்துப் போனேன்.. பேசுவது என் மகள் தான்..

ஆனாலும் அவளல்ல!.. கண்களில் நீர் சுரந்து விட்டது...

என்னையே நினைச்சுக்கிட்டு இருக்குற

உங்களுக்கு ஆறுதல் சொல்ல வேணமா?...

யாரும் கூட இல்லையேன்னு நெனைச்சிட்டீங்களா?..
நான் கை விடுவேனா!... 

- என்றபடிக்கு அறையில் எலுமிச்சம்பழம் இருக்கிறதா
என்று வினவியதுடன் சில வழிமுறைகளைச் சொன்னாள்..

அன்பின் குரலைக் கேட்ட மாத்திரத்திலேயே
அல்லல்படுத்திக் கொண்டிருந்த காய்ச்சல்
தொலைந்தது தான் ஆச்சர்யம்...

ஆனாலும் சில நாட்களாக தலைவலி..
இது கூட அன்னையின் சித்தமாக இருக்கலாம்...

இன்றைய பதிவில்
ஸ்ரீ வீரமாகாளியின் திருக்கோயில் படங்களும்
அன்றைய அலங்கார தரிசன காட்சியும்...

யாதுமாகி நிற்கும் காளி
கனடாவில் இருந்து எனது கஷ்டத்தைத் தீர்க்கிறாள் எனில்
இதில் எனது விஷயம் என்று ஏதும் கிடையாது..
எல்லாம் எனது முன்னோர் செய்த தவப்பயன் தான்..

இத்தன்மையே இனிவரும் தலைமுறைக்கும் ஆகவேண்டும்..
எல்லாரது குறைகளும் கஷ்டங்களும் தீரவேண்டும்!..
என்ற பிரார்த்தனைகளுடன் இந்த அளவில்
இந்த ப் பதிவிவினை நிறைவு செய்கின்றேன்..

அன்னை நிகழ்த்திய அற்புதங்களுள் வேறொன்று
அடுத்து வரும் நல்லதொரு வேளையில்!..

அஞ்சொல் மொழியாள் அருந்தவப் பெண்பிள்ளை
செஞ்சொல் மடமொழி சீருடைச் சேயிழை
தஞ்சமென் றெண்ணித் தன்சேவடி போற்றுவார்க்கு
இன்சொல் அளிக்கும் இறைவி என்றாரே..
-: திருமூலர் :-

ஓம் சக்தி ஓம் சக்தி
ஓம் சக்தி ஓம்..
ஃஃஃ

காளி வந்தாள் 1

நாடும் வீடும் நலம் பெற வேண்டும்..

பகையும் பிணியும் தொலைந்திட வேண்டும்..

***

வருடந்தோறும் அக்னி நட்சத்திரத்தை அனுசரித்து

வைகாசியின் மத்தியில்

வெள்ளி முதல் ஞாயிறு வரை மூன்று நாட்களுக்கு

எங்கள் அன்னை ஸ்ரீ வீரமாகாளியம்மனுக்குத்

திருவிழா நடைபெறுவது வழக்கம்...

வெள்ளிக்கிழமை இரவு அம்பாள் சிம்ம வாகனத்தில் பவனி..

ஞாயிறன்று காலையில் பால்குடம்.. மாலையில் சந்தனக்காப்பு..

இடையில் சனிக்கிழமையன்று
எங்களது மண்டகப்படி.. சிறப்புத் தளிகை...

கீழுள்ள படங்கள் சில ஆண்டுகளுக்கு முன்பு எடுக்கப்பட்டவை....

அம்பிகையின் முகத்தில் குறுநகை

பால்குடங்கள் புறப்படும் காட்சிகள்..

இந்தப் படங்கள் எல்லாம் ஆறாண்டுகளுக்கு முந்தையவை...

சரி... இப்போது என்ன விசேஷம்!?..

சூழ்நிலையின் காரணமாக தமிழகத்தில் கோயில் விசேஷங்கள்
தடைபட்டிருக்கும் வேளையில் நேற்று (23/5) சனிக்கிழமை
அன்று மாலை எங்கள் மண்டகப்படி நிகழ்ந்துள்ளது..

நிகழ்வுகளைப் படமெடுத்த என் மகன் அவற்றை
எனக்கும் கனடாவில் உள்ள அவனது அக்காவுக்கும்
அனுப்பி வைத்திருக்கிறான்...

அதற்குப் பிறகு நடந்தது தான் விசேஷம்..
அதை நாளைக்குக் காண்போம்... 

சூலம் கபாலம் கையேந்திய சூலிக்கு
நாலாங் கரமுள நாக பாசாங்குசம்
மாலங் கயன் அறியாத வடிவுக்கு
மேலங் கமாய் நின்ற மெல்லியலாளே!..
-: திருமூலர் :-

ஓம் சக்தி ஓம் சக்தி
ஓம் சக்தி ஓம்
ஃஃஃ