சங்கொலி

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

ஆடி 21

வியாழக்கிழமை

குருஷேத்ர களத்தில் பாரதப் போர் தொடங்குவதற்கு முன்னதாக ஆறு சங்குகள் ஒலித்தன.. 

அந்த ஆறு சங்குகளின் பெயர்கள்.. 

1. பாஞ்சஜன்யம் : 

பகவான் ஸ்ரீ கிருஷ்ணருடையது

வெண்ணிறத்தில் மின்னல் ஒளியுடன் இடி போல  ஒலிக்கும்... இந்த சங்கின் சத்தம் கேட்டாலே அதர்மம் நடுங்கும்..

2. அனந்தவிஜயம் : தருமருடையது

வெளிர் நீல நிறத்தில் அமைதியாக ஒலிக்கும் இது, முடிவில்லாத வெற்றியைக் குறிக்கும்.

3. பௌண்ட்ரம் : 

பீமனுடையது

பார்க்கவே பயங்கரமாக நெருப்பைப் போல ஜொலிக்கின்ற பிரமாண்டமான சங்கு இது. பீமனின் பலத்தை போலவே இதன் சத்தமும் அதிர வைக்கும்.

4. தேவதத்தம் : அர்ஜுனனுடையது

தங்க நிறத்தில் ஜொலிக்கும் இது, வெற்றியின் அடையாளம். இதன் ஒலி எதிரிகளுக்கு பயத்தை கொடுக்கும்.

5. சுகோஷம் : நகுலனுடையது

இனிய இசை போல ஒலிக்கின்ற வெள்ளிச் சங்கு. இதன் சத்தம் நல்ல செய்தியைக் கொண்டு வரும்.

6. மணி புஷ்பகம் : சகாதேவனுடையது

நவரத்தினங்களால் அலங்கரிக்கப்பட்ட இந்தச் சங்கின் ஒலி, ஞானத்தையும் செல்வத்தையும் குறிக்கும். 

நன்றி

மகாபாரதம் Fb

ஓம் ஹரி ஓம்

***

ஓம் ஹரி ஓம்

   

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

கார்த்திகை

சனிக்கிழமை

மச்சநாதா   கூர்மநாதா   

வராக  நாதா  நரசிம்மா

நச்சி வந்த  வாமனனே 

பரசுராமா  ரகுராமா

மெச்சு  புகழ்  பலராமா  

ஸ்ரீ க்ருஷ்ண  கல்கியனே

இப்புவியில் வேங்கடவா  

வைகுந்தா சரண் புகுந்தேன் 

சரண் புகுந்தேன் சரண் புகுந்தேன் 

நினதடியைச் சரண் புகுந்தேன்...

**

(வேங்கடேச சுப்ரபாதம் தமிழ் ஆக்கத்தின் சில வரிகள் )

நோய் தீர்க்கும்

ஸ்ரீ தன்வந்த்ரி ஸ்லோகம்

ஓம் நமோ பகவதே 

வாஸுதேவாய

தன்வந்த்ரயே 

அம்ருத கலச ஹஸ்தாய

ஸர்வ ஆமய விநாசநாய 

த்ரைலோக்ய நாதாய 

ஸ்ரீ மஹாவிஷ்ணவே நம:

ஓம் ஹரி ஓம்

**

கிருஷ்ணா

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மாசி 24

சனிக்கிழமை

காணொளி பகிர்வு

 நன்றி

ஸ்ரீ கோரக்க சித்தர் 

வழிபாட்டுக்குழு

ஓம் ஹரி ஓம்

ஓம்  சிவாய நம ஓம்

**

கிருஷ்ண கிருஷ்ண..

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஸ்ரீ கிருஷ்ண ஜெயந்தி

ஆவணி 20 

 புதன்கிழமை

அனைவருக்கும்

ஸ்ரீ கிருஷ்ண ஜெயந்தி

நல்வாழ்த்துகள்..

எங்கும் சுப மங்கலங்கள் 

நிகழ்வதற்கு வேண்டிக் கொள்வோம்..

 

முலைத் தடத்த நஞ்சு உண்டு துஞ்சப் பேய்ச்சி முது துவரைக் குலபதி ஆய் காலிப் பின்னே

இலைத் தடத்த குழல் ஊதி ஆயர் மாதர் இன வளை கொண்டான் அடிக்கீழ் எய்தகிற்பீர்

மலைத் தடத்த மணி கொணர்ந்து வையம் உய்ய வளம் கொடுக்கும் வரு புனலம் பொன்னி நாடன்

சிலைத் தடக் கைக் குலச் சோழன் சேர்ந்த கோயில்  திருநறையூர் மணிமாடம் சேர்மின்களே.. 1504

சீர் தழைத்த கதிர்ச் செந்நெல் செங் கமலத்து இடை இடையில்

பார் தழைத்துக் கரும்பு ஓங்கிப் பயன் விளைக்கும் திருநறையூர்

கார் தழைத்த திரு உருவன்  கண்ணபிரான் விண்ணவர்கோன்

தார் தழைத்த துழாய் முடியன் தளிர் அடியே அடை நெஞ்சே!.. 1534

கும்பமிகு மதவேழம் குலைய கொம்பு பறித்து மழவிடை அடர்த்து குரவை கோத்து

வம்பவிழும் மலர்க் குழலாள் ஆய்ச்சி வைத்த தயிர் வெண்ணெய் உண்டு உகந்த மாயோன் காண்மின்

செம்பவளம் மரதகம் நல் முத்தம் காட்டத் திகழ்பூகம் கதலிபல வளம்மிக்கு எங்கும்

அம்பொன் மதிள்பொழில் புடைசூழ்ந்து அழகார் செல்வத்து அணிஅழுந்தூர் நின்றுகந்த அமரர் கோவே.. 1625

-: திருமங்கையாழ்வார் :-

க்ருஷ்ண க்ருஷ்ண

ஓம் ஹரி ஓம்

***

கிருஷ்ணா

     

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆனி 16

 சனிக்கிழமை

பொத்த உரலைக் கவிழ்த்து அதன் மேலேறி

தித்தித்த பாலும்  தடாவினில் வெண்ணெயும்

மெத்தத் திருவயிறார விழுங்கிய

அத்தன் வந்து என்னைப் புறம் புல்குவான் 

ஆழியான் என்னைப் புறம் புல்குவான்.. 114

Fb ல் கிடைத்த காணொளி..

ஓவியக் கலைஞருக்கு

வணக்கமும் நன்றியும்..

மூத்தவை காண முது மணற்குன்று ஏறிக்

கூத்து உவந்தாடிக்  குழலால் இசை பாடி

வாய்த்த மறையோர் வணங்க இமையவர்

ஏத்த வந்து என்னைப் புறம் புல்குவான்  

எம்பிரான் என்னைப் புறம் புல்குவான்.. 115

-: பெரியாழ்வார் :-

ஃஃ

ஓம் ஹரி ஓம்

***

கோகுலம்

நாடும் வீடும் நலம் பெற வேண்டும்..

பகையும் பிணியும் தொலைந்திட வேண்டும்..

***

இன்றைய பதிவில்

அழகான காணொளி ஒன்று...

ஸ்ரீ கிருஷ்ண ஜெயந்தி உறியடி விழா

2017 ல் குருவாயூரில் நிகழ்ந்ததாகும்

இந்தக் காணொளி அப்போதே

என்னிடம் இருந்தது..

எப்படியோ தவறி விட்டது..

சென்ற வருடம் இதையே

எனது மைத்துனர் அனுப்பி

வைத்திருந்தார்..

இணைய வேகம் இல்லாததால்

பதிவேற்றம் செய்ய இயலவில்லை..

மீண்டும் இந்த வருடம்

கிடைத்துள்ளது..

இனிதே பதிவில்

இணைத்துள்ளேன்..

திகட்டாத கலை நிகழ்ச்சி..

பார்க்கும் போதெல்லாம்

கோகுலத்தில் இருப்பது

போன்ற உணர்வு.. 

தாங்களும்

பார்த்து மகிழுங்கள்...

ஓம் ஹரி ஓம்
ஃஃஃ

வெற்றி வீரன்

பரந்தாமன்

பார்த்தனுக்கு அளித்த அருளுரை!..

-: Fb ல் வந்த செய்தி :-
***

மான அவமானங்கள், ஏமாற்றங்கள், தோல்விகள், 

நிலை குலைந்து போகச் செய்யும் சூழ்நிலைகள்,

நயவஞ்சகங்கள், நம்பிக்கைத் துரோகங்கள்,

செய்யும் காரியத்தில் லாபங்கள்,

அதைப் போல நஷ்டங்கள்,

மாயப் புன்னகை வலை விரிப்புகள், எதிர்ப்புகள்,

உறவினர் மற்றும் நண்பர்களின் சூழ்ச்சிகள்,

அன்பின் வரவுகள், இழப்புகள்,

சுகங்கள், துக்கங்கள்..

- இவையெல்லாம் 

மானிட வாழ்வின் அன்றாட நிகழ்வுகள்..

இவற்றையெல்லாம் -

மன உறுதியுடனும் துணிச்சலுடனும்

பொறுமையுடனும் நிதானத்துடனும்

எதிர்கொள்கின்ற மானிடன் எவனோ

அவனே - வீரன்!..

மிகச் சிறந்த வெற்றி வீரன்!..

***

பரந்தாமனின் அருளுரை 

இன்றைய பதிவினை அலங்கரிக்கின்றது..

வஸுதேவ ஸுதம் தேவம் கம்ஸ சானூர மர்த்தனம்

தேவகீ பரமானந்தம் க்ருஷ்ணம் வந்தே ஜகத் குரும்..

ஓம் ஹரி ஓம்..

***