சஷ்டி 5

        

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஐப்பசி

ஞாயிற்றுக்கிழமை

சஷ்டி ஐந்தாம் நாள்

ஆதாளியை ஒன்று அறியேனை அறத்

தீதாளியை ஆண்டது செப்புமதோ

கூதாள கிராத குலிக்கு இறைவா

வேதாள கணம் புகழ் வேலவனே.. 38

எந்தாயும் எனக்கு அருள் தந்தையும் நீ

சிந்தாகுலம் ஆனவை தீர்த்து எனையாள்

கந்தா கதிர் வேலவனே உமையாள்

மைந்தா குமரா மறை நாயகனே.. 46

 கந்தரனுபூதி

 நன்றி கௌமாரம்

சீர்கொண்ட தெய்வ வதனங்கள் ஆறும்

திகழ் கடப்பந்

தார் கொண்ட பன்னிரு தோள்களும்

தாமரைத் தாள்களும்ஓர்

கூர் கொண்ட வேலும் மயிலும் 

நற்கோழிக் கொடியும் அருட்

கார் கொண்ட வண்மைத் தணிகாசலமும் 

என் கண்ணுற்றதே..

-: திரு அருட்பா :-

ஸ்ரீ வள்ளலார் ஸ்வாமிகள் தமது நித்ய வழிபாட்டின் போது தணிகாசலத் திருக்காட்சியை நிலைக்கண்ணாடியில் தரிசித்தார்..

அச்சமயம் பாடிய பாடல்களில் ஒன்று..

ஓம் சிவ சுப்ரமண்யாய

**