தியாக தீபம்

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

ஆவணி 

 வெள்ளிக்கிழமை

ஆங்கிலேயர்களுக்கு எதிராக கப்பல் ஓட்டியவர்... அதற்குத் தண்டனையாக சிறையில் செக்கிழுத்தவர்... 

சுதந்திரப் போராட்ட வீரர் வ.உ.சி அவர்களின் பிறந்த நாள் (5 / 9/ 1872)

கொண்டாட்ட நாட்களில் மிகுந்த நன்றியோடு அவருக்கு வணக்கம் ..

 வ.உ.சிதம்பரம் பிள்ளை அவர்களின் தியாகத்தை தண்டனிட்டு வணங்க வேண்டிய தருணம் இது.. 

அவரது தியாகத்தை வரும்

தலைமுறைகளுக்கு எடுத்துச் சொல்ல வேண்டிய தருணம் இது... 

ஆங்கிலேயர்களை எதிர்த்து கப்பல் சேவை நடத்தியதால் சிறையிலிட்டுக் கொடுமைப் படுத்தினார்கள். சிறையில் கல் உடைக்கச் சொன்னார்கள். புழுக்கள் நெளிந்த கூழை குடிக்கக் கொடுத்தார்கள். 

எண்ணெய் எடுக்கும் செக்கை இழுக்க வைத்தார்கள். இந்திய சுதந்திரத்திற்காகத் தன் சொத்து முழுவதையும் இழந்தவர்..

தனது விடுதலை க்குப் பின்னும் பெருந்துன்பங்களை அனுபவித்த பெருந்தகை...

மீண்டும் தனக்கு வழக்கறிஞர் உரிமம் பெற்றுத் தந்த நீதிபதி எட்வர்ட் ஹாமில்டன் வாலஸ் அவர்களிடம் கொண்ட நன்றியுணர்வின் காரணமாக தன் மகனுக்கு வாலேஸ்வரன் என பெயரிட்டார்...

இத்துன்பங்களுக்கு இடையே சென்னையில தனது குடும்ப செலவுகளுக்காக மண்ணெண்ணெய்  வியாபாரம் செய்ததாகவும் வரலாறு..

அவரது தியாக வரலாறு மறைக்கப்பட்ட தன் பின்னணியில் அரசியல் உள்ளது என்கின்றனர் விவரம் அறிந்தோர்..

மகாகவிக்கு உற்ற நண்பராகத் திகழ்ந்தவர்..

மேலோர்கள் வெஞ்சிறையில் வீழ்ந்து கிடப்பதுவும் நூலோர்கள் செக்கடியில் நோவதுவும் காண்கிலையோ" என்று பாரதி மனம் நொந்து இவருக்காகப் பாடினார்..

நன்றியுணர்வு நமது தமிழ்ச் சமூகத்திற்கு இருக்கும் வரை, நம் பிள்ளைகளுக்கு வ.உ.சிதம்பரம் பிள்ளையின் தியாகத்தைச் சொல்லிக் கொண்டே இருப்போம்..

தியாக தீபம் வாழ்க

***