சக்தி

   

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

வைகாசி 2

வெள்ளிக்கிழமை

எங்கெங்கு காணினும் சக்தியடா - தம்பி

ஏழு கடல் அவள் வண்ணமடா! - அங்குத்

தங்கும் வெளியினிற் கோடியண்டம் - அந்தத்

தாயின் கைப்பந்தென ஓடுமடா - ஒரு

கங்குலில் ஏழு முகிலினமும் - வந்து

கர்ச்சனை செய்வது கண்டதுண்டோ? - எனில்

மங்கை நகைத்த ஒலியெனலாம் - அவள்

மந்த நகையங்கு மின்னுதடா!..

காளை ஒருவன் கவிச்சுவையைக் - கரை

காண நினைத்த முழு நினைப்பில் - அன்னை

தோளசைத் தங்கே நடம்புரிவாள் - அவன்

தொல்லறிவாளர் திறம் பெறுவான் - ஒரு

வாளைச் சுழற்றும் விசையினிலே - இந்த

வைய முழுவதும் துண்டு செய்வேன் – என

நீள இடையின்றி நீ நினைந்தால் அம்மை

நேர்படுவாள் உன்றன் தோளினிலே!..

அம்மை

நேர்படுவாள் உன்றன் தோளினிலே!..

- பாவேந்தர் -

ஃ

ஓம் சக்தி ஓம்

சிவாய நம ஓம்

**