தமிழமுது

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

ஐப்பசி 

 வெள்ளிக்கிழமை

இன்று

சுந்தரர் அருளிச்செய்த

தேவாரம்

தலம் திருமழபாடி

கண்ணாய் ஏழுலகுங்

  கருத்தாய அருத்தமுமாய்ப்

பண்ணார் இன்றமிழாய்ப்

  பரமாய பரஞ்சுடரே

மண்ணார் பூம்பொழில்சூழ்

  மழபாடியுள் மாணிக்கமே

அண்ணா நின்னையல்லால்

  இனியாரை நினைக்கேனே.

7/24/5

எழுலகுக்கும் கண்ணாகி எல்லா  உயிர்கட்கும் அறிவாகி உலகில் விரும்பப்படுகின்ற பொருள்களாகி மேம்பட்ட இசையாகி இன்தமிழாகி எல்லாப் பொருள்களுக்கும் மேலாகி அதனினும் மேலான ஒளியாக   மண் நிறைந்து பூஞ்சோலைகள் விளங்குகின்ற திருமழபாடியுள் திகழும் மாணிக்கமே.. என் தலைவா..  இப்பொழுது நான் உன்னைத் தவிர வேறு யாரை நினைப்பேன் ?...

 ஓம் நம சிவாய

***