பிருந்தாவனத்தில்

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

நேற்று மாசி (20) மாதத்தின் வளர்பிறை துவிதியை (மார்ச்/4)..

தஞ்சை வடவாற்றங்கரை பிருந்தாவனத்தில்

குரு ஸ்ரீ ராகவேந்திர ஸ்வாமிகளின் நானூற்று

ஒன்றாவது (401) பட்டாபிஷேக வைபவம்..

ஸ்வாமிகள் துறவு மேற்கொண்ட படித்துறை

1621 ல் பங்குனி மாதம் சுக்ல பட்ச துவிதியை அன்று தஞ்சை வடவாற்றின் கரையில் சந்நியாசம் மேற்கொண்டார் ஸ்ரீ ராகவேந்திரர்..

அப்போது தஞ்சையை ஆட்சி செய்தவர் ஸ்ரீ ரகுநாத பூபால நாயக்கர்..

அன்றிலிருந்து பன்னிரண்டு ஆண்டுகள்  தஞ்சை வடவாற்றின் கரையில் தவம் இருந்தார் ஸ்வாமிகள்..

வடவாறு கிழக்கு முகம்

வடவாறு மேற்கு முகம்

தவம் பூர்த்தியாகிய நிலையில் உலகோருக்கு நன்மைகள் செய்யும் பொருட்டு தல யாத்திரை புறப்பட்டார் ஸ்வாமிகள்..

ஸ்வாமிகள் சென்ற பின் தஞ்சையில் ஏற்பட்ட இன்னல்களால் வருத்தமடைந்த தஞ்சை மக்களுக்கும் மன்னருக்கும் மகிழ்ச்சி உண்டாகும்படிக்கு என்றென்றும் இங்கேயே நித்ய வாசம் கொண்டு அருள்வதாக  -  உணர்த்திய  ஸ்வாமிகள்,  தாம்

தவம் செய்த இடத்தில் பிருந்தாவனம் ஒன்றை அமைக்குமாறு பணித்தார்..

நாக ப்ரதிஷ்டை

ஸ்வாமிகள் தவம் செய்த இடம் குறித்து சரியாக விளங்காத நேரத்தில் ஐந்தலை அரவாக அங்கே தோன்றி மண்டலமிட்டுக் காட்டியருளினார் ஸ்ரீ ராகவேந்திர ஸ்வாமிகள்...

அப்படிக் காட்டப்பட்ட இடத்தில் அமைந்தது தான் ஸ்ரீ பிருந்தாவனம்..

இங்கே ஸ்வாமிகள் நித்ய வாசம் செய்வதால் அன்பர்களுக்கு மிருத்திகை வழங்கப் படுவதில்லை..

சந்நியாச ஆஸ்ரம ஸ்தலம் என்று குறிக்ப்படுவது தஞ்சை பிருந்தாவனம்!.. எனவே, தஞ்சை

பிருந்தாவனத்தில் சந்நியாச பூஜாக்ரமத்தின் படியே வழிபாடுகள்..

காலையில் இருந்து பல

வகையான அபிஷேகங்கள் நிறைவு பெற்று பூரண அலங்காரங்களுடன் மதியம்  பன்னிரண்டு மணியளவில் மகா தீப ஆராதனை நிகழ்ந்தது..

தீர்த்தமும் அட்சதையும் கல்கண்டும் மலர்களும் பிரசாதமாக வழங்கப்பட்டன..

தஞ்சை நிருத்யாலயா மாணவியரின் நாட்டியாஞ்சலியும் தொடர்ந்து சாக்ஸபோன் மற்றும் நாகஸ்வர இசை  நிகழ்ச்சிகள் சிறப்புடன் நடைபெற்றன..

மதியம் 12:30 மணியளவில் அன்பர்கள் அனைவருக்கும் மகா அன்ன தானம் நடைபெற்றது..

எதிர்வரும்  மாசி 25  அன்று (சுக்ல பட்ச சப்தமி) ஸ்வாமிகளின் ஜெயந்தி தின மகோத்சவமும் நடைபெற இருக்கின்றது (மார்ச்/9)..

இங்கு அபிஷேகம் அர்ச்சனை எதற்கும் கட்டணம் இல்லை என்பது குறிப்பிடத்தக்கது..

என் பக்தன் கண்கலங்கி

வேதனையோடு என்னை

அழைப்பானேயாகில்

எத்தருணத்திலும்

எவ்வுலகத்திலும்

எவ்வுருவிலும்

அவனைத் தேடிச்

சென்று காத்து நிற்பேன்..

-: ஸ்ரீ ஸ்வாமிகள் :-

*

ஸ்வாமிகளின் நல்லருளால் அனைவரும் நலமுடன் வாழ்வதற்குப் பிரார்த்தனைகள்..

பூஜ்யாய ராகவேந்த்ராய

சத்ய தர்ம ரதாயச

பஜதாம் கல்ப விருக்ஷாய நமதாம் காமதேனவே..

ஓம் ஹரி ஓம்

***