நாடும் வீடும்
நலம் பெற வேண்டும்
பகையும் பிணியும்
தொலைந்திட வேண்டும்..
***
இன்று
ஆவணி
திங்கட்கிழமை
தேங்காய்ப் பால் இல்லாத தமிழ்ச் சமையல் மிகவும் அரிது..
தேங்காய்ப் பால் என்றால் என்ன?.. என்று கேட்பர் - இன்றைய அந்நிய உணவுப் பிரியர்கள்..
இன்றைய தலைமுறையினருக்கு தேங்காய்ப் பாலைப் பற்றித் தெரியுமா என்பதும் யோசிக்க வேண்டிய விஷயம்..
சின்ன வயதில் இருந்தே எங்கள் வீட்டில் வாரத்தில் சில நாட்கள் தேங்காய்ப் பால் அருந்துவது வழக்கம்..
தேங்காய்ப் பாலில் நிறைவுற்ற கொழுப்புச் சத்து அதிகமாக உள்ளது..
நாகரிக வாழ்வில் வாழ்கின்ற
பெரும்பாலானவர்களுக்கு இது ஆகாது என்பது இன்றைய மருத்துவம்..
வயிற்றில் சூட்டினை குறைப்பதிலும் புண்கள் ஏற்படாமல் தடுப்பதிலும் தோல் திசுக்களுக்கும் தோலின் பளபளப்புக்கும் தேங்காய் பால் முக்கிய பங்காற்றுகின்றது என்பது சித்த மருத்துவம்..
இன்று வரை எனக்கு வயிற்றில் வலி போன்ற எதுவும் ஏற்பட்டதே இல்லை..
வெறும் வயிற்றில் தேங்காய்ப் பால் அருந்துவதால் செரிமானம் செம்மையாகின்றது, அத்துடன் இதய ஆரோக்கியமும் மேம்படுகின்றது,
உடலில் உள்ள கெட்ட கொழுப்பு குறைகின்றது .
நிறைந்த பல ஊட்டச் சத்துகளைக் கொண்டுள்ளது தேங்காய்.. தேங்காய்ப் பாலும் அப்படியே..
நவீன உரங்களால் தென்னையும் தேங்காயும் பாதிப்பு எய்தியிருந்தாலும் நவீனத்தைப் புறந்தள்ளி விட்டு இயற்கை எருக்களுடன் தென்னை விவசாயமும் நடைபெறுகின்றது..
இருப்பினும், தேங்காய்ப் பாலில் கொழுப்பும் கலோரிகளும் அதிகம் என்றும் அதிகப்படியான பயன்பாட்டினால் இதய நோய்கள் வரலாம் - என்றும் உடல் எடை அதிகரிக்கலாம் என்றும் இன்றைய
அச்சுறுத்தல்கள்..
உடல் உழைப்பு இல்லாதோருக்கு எல்லாமும் இடையூறுகள் தான்..
எனினும், இதனைக் கவனத்தில் கொள்வது நல்லதே...
தேங்காயும் துருவலும் பாலும் எண்ணெயும் ஆபத்து மிக்கவை என்று மேலை மருத்துவம் சொல்வதைக் கேட்பதும் அதன்படியே நடப்பதும் அவரவர் விருப்பம்..
கையளவு அவலுடன் தேங்காய்த் துருவல் சிறிதளவு சேர்த்து தண்ணீர் தெளித்துக் கிளறி செவ்வாழைப் பழம் ஒன்றுடன் சாப்பிட சிறப்பான காலை உணவு .. இனிப்பு அவரவர் தேர்வு..
சமீப காலமாக இது எனது வழக்கத்தில்...
அதிக உடல் உழைப்பு உடையோருக்கும் அவல் உணவு பொருந்தும்..
இன்றைய நாகரிக வாழ்வில் வாரம் ஒரு நாளாவது தேங்காய்ப் பால் அருந்துதல் நல்லது...
தேங்காய்ப் பால் இல்லாத
தமிழ்ச் சமையல் மிகவும் அரிது..
தேங்காய்ப் பால் குழம்பில் வற மிளகாயின் ஆதிக்கம் மிகக் குறைவு என்பது பொது... மிளகாய்த் தூளை அதிகமாக சேர்த்துக் கொள்வது அவரவர் விருப்பம்..
தேங்காய்த் துருவல் பூரணம் (கொழுக்கட்டை), தேங்காய்ப் பால் சோறு, தேங்காய்ப் பால் குழம்பு, ரசம்,
தேங்காய்ப் பால் கலந்த அவியல் - என, சிறப்புகள்..
அரைத்து விட்ட
தேங்காய்ப் பால்
சாம்பார் என்பது தஞ்சை வட்டாரத்தில் சிறப்பு..
தேங்காய்ப் பால் ஆப்பம், இடியாப்பம் இவற்றையும்
தேங்காய்ப் பாறை, தேங்காய் பால் திரட்டு ஆகிய இனிப்பு வகைகளையும் மறக்கத் தான் முடியுமா!?..
நமது ஆரோக்கியம்
நமது கையில்..
ஓம் நம சிவாய
**
இதுவரை தேங்காய்ப்பால் எடுத்து வெறும் வயிற்றில் குடித்ததில்லை. அந்தப் பழக்கம் இருந்ததில்லை!
பதிலளிநீக்குவாரம் ஒரு முறை அருந்திப் பாருங்கள்..
நீக்குமகிழ்ச்சி
நன்றி ஸ்ரீராம்
நாங்கள் இரண்டு வகை தேங்காய் சாதம் செய்து சாப்பிடுவோம். சமையலில் வாரத்தில் ஆறு நாட்கள் தேங்காய் ஏதாவது ஒரு வகையில் உள்நுழைந்து விடுகிறது!
பதிலளிநீக்குதங்கள் அன்பின் வருகையும் விரிவான கருத்தும் மகிழ்ச்சி
நீக்குநன்றி ஸ்ரீராம்
சமயங்களில் வாய் நமநம என்று இருக்கும்போது தேங்காய்த்துண்டு சாப்பிடுவது உண்டு. சமயங்களில் அதில் சர்க்கரை சேர்த்து மெல்லுவதும் வழக்கம்! தேங்காய் துருவும் சமயம் அல்லது பத்தை போடும் சமயமும் தேங்காய் துருவல்கள், அல்லது பத்தைகள் களவாடப்படும்!
பதிலளிநீக்குஆகா.. ஆனந்தம்..
நீக்குஎங்கள் சமையலில் தேங்காய் இல்லாமல் இருக்காது.
பதிலளிநீக்குஇடியப்பம் தேங்காய்பால்சொதி, சம்பல்.
புட்டு தேங்காய் துருவல்.
தேங்காய்பூ ரொட்டி
மதியம் பால்கறி, குழம்பு, வறை,சம்பல் என தேங்காய் சேர்த்து இருக்கும். சாம்பாருக்கும் தேங்காய்பால் சிறிது விடுவோம்.
தொக்கு, பிரட்டல் இவற்றிற்கு தேங்காய்பால் இருக்காது.
தங்கள் அன்பின் வருகையும் மேல் விவரங்களும்
நீக்குகருத்தும் மகிழ்ச்சி
நன்றியம்ம்மா
வாரத்திற்கு ஒரு முறையேனும் தேங்காய் பால் - முயற்சித்துப் பார்க்க வேண்டும்.
பதிலளிநீக்குதகவல்கள் நன்று.
தங்கள் அன்பின் வருகையும் கருத்தும்
நீக்குமகிழ்ச்சி
நன்றி வெங்கட்
ஆப்பம் செய்தால் தேங்காய்பால் செய்வோம்.
பதிலளிநீக்குசொதி வைப்போம் , தேங்காய் சேர்க்காத உணவு குறைவு.
தேங்காய் பால் உடம்புக்கு நல்லதுதான்.
தங்கள் அன்பின் வருகையும் கருத்தும்
நீக்குமகிழ்ச்சி
நன்றியம்மா