திருமலை தரிசனம் 1

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

பங்குனி 10

சனிக்கிழமை

பெருகு மத வேழம் மாப் பிடிக்கு முன் நின்று

இரு கண் இள மூங்கில் வாங்கி அருகிருந்த

தேன் கலந்து நீட்டும்  திருவேங்கடம் கண்டீர்

வான் கலந்த வண்ணன் வரை.. 2256

-: பூதத்தாழ்வார் :-

கடந்த மார்கழியின் மூன்றாவது வாரத்தில் திருமலை தரிசனம் வேண்டி திருக்காளத்தி தரிசனம் செய்த பின்  - மறுநாள் காலையில் அலிபிரி சென்றடைந்தோம்.. 

திருமலையின் அடிவாரத்தில் இருக்கின்ற இரண்டு கோயில்களும் என்ன காரணத்தாலோ நடையடைக்கப்பட்டிருந்தன.. தாமதிக்காமல் படியேறினோம்.. இந்தத் தடவை நடைவழி சற்று அதிக நேரம் தான்..

முழங்கால் பிரச்னையுடன்  எப்படி நான் மலையறினேன் என்பதில் வியப்பு.. 

பெருமாளின் கருணையன்றி வேறு எதுவாக இருக்க முடியும்!..

வழிநடையில் சில காட்சிகள் - இன்றைய பதிவில்..

அன்பின் நெல்லை அவர்களைப் போல விவரம் அறிந்தவனும் அல்ல..

திரு.வெங்கட் நாகராஜ் போல தொழில் நுட்பம் அறிந்தவனும் அல்ல.. 

குருட்டுப் பூனை விட்டத்தில் பாய்ந்தது போலத் தான் எனது நிலை..

ஆகவே - மனம் பொறுத்துக் கொள்ளவும்..

படிகள் தோறும் மஞ்சள் குங்குமம் இட்டு பக்தர் 

ஏற்றுகின்ற கற்பூரங்கள்

மேலும் காட்சிகள்

அடுத்த சில நாட்களில்..

மானேய் கண் மடவார்  மயக்கில் பட்டு மா நிலத்து

நானே நானாவித நரகம் புகும் பாவம் செய்தேன்

தேனேய் பூம்பொழில் சூழ்  திருவேங்கட மாமலை

என்னானாய் வந்தடைந்தேன் அடியேனை ஆட் கொண்டருளே.. 1029 

 -: திருமங்கையாழ்வார் :-

ஓம் ஹரி ஓம்

ஓம் நமோ வேங்கடேசாய..

***