திருப்புகழ்

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

கார்த்திகை 8

வெள்ளிக்கிழமை

இன்று

திருச்செந்தூர் திருப்புகழ்

தனதான தந்த தனதான தந்த

தனதான தந்த ... தனதான

விதிபோலு முந்த விழியாலு மிந்து

நுதலாலு மொன்றி ... யிளைஞோர்தம்

விரிவான சிந்தை யுருவாகி நொந்து 

விறல்வேறு சிந்தை ... வினையாலே

இதமாகி யின்ப மதுபோத வுண்டு 

இனிதாளு மென்று ... மொழிமாதர்

இருளாய துன்ப மருள்மாயை வந்து 

எனையீர்வ தென்றும் ... ஒழியாதோ..

மதிசூடி யண்டர் பதிவாழ மண்டி 

வருமால முண்டு ... விடையேறி

மறவாத சிந்தை யடியார்கள் பங்கில் 

வருதேவ சம்பு ... தருபாலா

அதிமாய மொன்றி வருசூரர் பொன்ற 

அயில்வேல்கொ டன்று ... பொரும்வீரா

அழகான செம்பொன் மயில்மே லமர்ந்து 

அலைவாயு கந்த ... பெருமாளே..

-: அருணகிரிநாதர் :-

 நன்றி கௌமாரம்

விதியைப் போல முந்திச் 

செயல்படுகின்ற விழிகளாலும்

பிறையைப் போன்ற நெற்றியாலும் 

ஈர்க்கப்பட்ட இளைஞரது

சிந்தையில்  கற்பனையாய் நின்று 

நெஞ்சை வருத்தி - மாறுபடும்  செயல்களால்

அன்புடன் இன்பத் தேன்  உண்டு 

இனிதே மகிழ்க என்கின்ற மங்கையரால்

ஏற்படுகின்ற துன்பமும்,  மாயையும் 

என் நெஞ்சை விட்டு  அகலாதோ?..

சந்திரப் பிறையைச் சூடியவரும் 

தேவர்களை நெருங்கி வந்த 

ஆலகால விஷத்தை 

உட்கொண்டவரும் 

என்றும் மறவாத அடியவர்க்காக 

நந்தி வாகனத்தில் வந்து 

அருள்கின்றவருமாகிய

சிவபெருமானின் திருக்குமரனே..

மாயங்களுடன் வந்த 

சூரர் அழியும்படி 

கூர்வேல் கொண்டு 

அன்று போர் புரிந்த மாவீரனே,

அழகிய செம்பொன் மயிலில்  அமர்ந்து 

திருச்செந்தூரில் மகிழ்வுடன் 

வீற்றிருக்கும் பெருமாளே..

**

முருகா முருகா

முருகா முருகா..

ஓம் சிவாய

சிவாய திருச்சிற்றம்பலம்

***