தஞ்சையம்பதி: கலை விருந்து 2

செவ்வாய், ஜனவரி 29, 2019

கலை விருந்து 2

சென்ற ஆண்டில் தீபாவளிக்கு முன்னதாக
தொடங்கப்பட்ட தொடர் பதிவு...

அடுத்தடுத்த பதிவுகளால்
தூங்கிக் கிடந்தது - இந்த தொடர்...

இனி அவ்வப்போது படங்களுடன் மலரும் என நம்புகிறேன்...

இதன் முதற்பகுதிக்கான இணைப்பு - கலை விருந்து 1

ஸ்ரீ வராஹி அம்மன் சந்நிதிக்கு எதிரே உள்ளது - இந்தக் கொன்றை...

சமீபத்திய கஜா புயலில் சாய்ந்து விட்டது என்றார்கள்...

அழிந்து போன இனமாகிய டைனோசரின் முட்டைகள்
இப்பூவுலகில் ஆங்காங்கே கிடைக்கின்றன...

அதனால் அதனை நம்புகின்றனர் அனைவரும்...

ஆனால்
அதனையும் மிஞ்சியதாக நமது புராணங்களில் சொல்லப்படுவது யாளி!..

அவை சிங்கமுக யாளி, கஜமுக யாளி என்று இரண்டு வகை..

அப்படியான சிங்கமுக யாளி சிற்பங்கள் எந்தக் கோயிலையும் விட
தஞ்சை பெரிய கோயிலில் அதிகம்...

அதுவும் அந்த யாளியை அடக்கிய வீரர்கள் -
அதன் மீது வெகு சந்தோஷமாகப் பயணம் செய்வது போன்ற சிற்பங்கள்...

மாமன்னனின் சிந்தனை எப்படியெல்லாம் விரிந்து பரந்திருக்கின்றது..
- என்பதை நினைக்குபோது புல்லரிக்கின்றது...

யாளியின் மீது வீரர்கள்..

யாளியின் மீது பயணிக்கும் வீரர்களின் சிற்பத்தொகுதியின் ஒரு பகுதி..

கருவறையின் தெற்கு வாசல்..

இந்தக் கல்வெட்டுத் தொகுப்பில்

மாமன்னன் ராஜராஜசோழனின் திருப்பெயரைத் தரிசிக்கலாம்!..

இனி வரும் இரண்டு படங்களையும் பெரிதாக்கிப் பாருங்கள்...

மறுமுறை வாய்ப்புக் கிடைக்கும்போது தஞ்சைக்குச் சென்று
பெரிய கோயிலின் கல்வெட்டுகளை மெல்ல வருடி விட்டு
அவற்றில் காதை வைத்துக் கேளுங்களேன்!...

ஸ்ரீசண்டேஸ்வரரின் சந்நிதிக்கு எதிரில்
ராஜராஜ சோழப்பெருந்தகையின் மெய்க்கீர்த்தி உள்ளது என்கின்றனர்..

என்னால் கண்டு பிடிக்க இயலவில்லை..

கருவறையின் வடக்கு திருவாசலில் இருந்து முருகனின் திருக்கோயில்..

தஞ்சை பெரிய கோயிலின்

கந்த கோட்டம் காணத் திகட்டாத கலையமுது!...

முருகப்பெருமான் திருக்கோயிலின் எந்த ஒரு பகுதியிலும்

சோழன் எந்த ஒரு எழுத்தையும் பதிக்கவில்லை...

எனவே - இது பிற்கால மன்னர்களின் கைவண்ணம் என்கின்றார்கள்...

ஆனால், உண்மை வேறு...

சொன்னால் சண்டைக்கு வருவார்கள்... நமக்கு எதற்கு ஊர்வம்பு!...

முருகன் கோயிலின் மேற்குக் கோட்டம்..

மேலே உள்ள சிற்பத் தொகுப்பு எளிதில் புரியும்...

பரணில் நின்று கவண் வீசும் வள்ளி நாயகியைத் தேடிக் கொண்டு

வேடனாக விருத்தனாக வந்த முருகன்...

வேங்கை மரமும் தெரியும்..

வேழமுகன் வந்து ஆர்ப்பரிப்பதும் புரியும்...

முருகன் கோயிலின் தெற்குக் கோட்டம்..

மேலே உள்ள படத்தில் வலப்புறம் மீனாட்சி அம்மன்..

அவளுக்கு மேலே வலை வீசும் மீனவனாக சிவபெருமான்...

இந்தப்பக்கம் - வளையல் வியாபாரி..

கீழே அதிகார நந்தி..

ஸ்ரீ மகிஷாசுரமர்த்தனி

மேலே, அம்பிகையின் திருவடியைத் - தன் முதுகில் தாங்கும் மகிஷன்..

நிசும்பனின் முதுகெலும்பை முறிக்கும் முண்டகக்கண்ணி..

என்ன ஒரு கலைப்படைப்பு!...

பூமி அழுந்தும்படிக்கு இடக் காலை ஊன்றிய மாகாளி

வலக் காலை எடுத்து வீசி - நிசும்பனை மிதிக்கும்போது

அந்த வேகத்தில் ஆடை ஆபரணங்கள் பின்னோக்கிப் பறக்கின்றதே!...

இந்த ஒரு திருக்காட்சியே போதும்...

இவ்வையகம் சிறப்புடன் வாழ்வதற்கு..

மீண்டும் அடுத்தொரு பதிவில் சந்திப்போம்...

படங்களைப் பற்றிய கருத்துரைகளுக்காக

ஆவலுடன் காத்திருக்கின்றேன்..

வாழ்க நலம்

ஃஃஃ

33 கருத்துகள்:

ஸ்ரீராம்.29 ஜனவரி, 2019 06:18
காலை வணக்கம். மிக மிக அழகிய படங்கள்.
பதிலளிநீக்கு
பதில்கள்
ஸ்ரீராம்.29 ஜனவரி, 2019 06:20
யாளியின் முன்புறம் மட்டும் தெரியும் வண்ணம் உள்ளது சிற்பங்கள். முழு யாளி படம் எடுத்திருக்கிறீர்களா? இருந்தா அங்கே? (இதைக் கேட்பதற்கு சற்றே கூச்சமாக இருக்கிறது!!!)
பதிலளிநீக்கு
பதில்கள்
ஸ்ரீராம்.29 ஜனவரி, 2019 06:25
கண் டாக்டர் முன்னே அமர்ந்திருந்தார் அந்த நோயாளி.

டாக்டர் கீழே உள்ள வரிசையில் கைகாட்டி "இதைப் படிக்க முடிகிறதா?" என்றார்.

"முடியவில்லை" என்றார் அந்த நோயாளி.

சற்றே மேலே குச்சியால் காட்டி "இது படிக்க முடிகிறதா?" என்றார் மருத்துவர்.

"இல்லை டாக்டர்" என்றார் நோயாளி.

அடுத்தடுத்து காட்டி எல்லாவற்றுக்கும் நோயாளி இல்லை என்றதும், மேலே பெரிய எழுத்தில் உள்ளெழுத்துகளை குச்சியால் ஆவேசமாகத்தட்டி "இந்த அ ஆ வாவது படிக்க முடிகிறதா?" என்றார் கண் டாக்டர்.

"அதுதான் அ, ஆ வா டாக்டர்? நீங்கள் காட்டியது எல்லாமே தெரிந்தது.. ஆனால் எனக்குப் படிக்கத் தெரியாது" என்றாராம் நோயாளி!!!

பழைய ஜோக்... இங்கே உதவுகிறது!

என்ன பெரிதாக்கிப் பார்த்தாலும் அந்தக் கல்வெட்டு எழுத்துகளைப் படிக்கத் தெரியவில்லை!
பதிலளிநீக்கு
பதில்கள்
ஸ்ரீராம்.29 ஜனவரி, 2019 06:26
சிற்படங்கள் யாவும் அற்புதம். நிறுத்தி நிதானமாக அழகாக எடுத்திருக்கிறீர்கள்.
பதிலளிநீக்கு
பதில்கள்
கோமதி அரசு29 ஜனவரி, 2019 06:49
படங்கள் அனைத்தும் கதை சொல்கிறது.
கல்லும் கவிபாடும் , கதை சொல்லும்.
அற்புத வேலைப்பாடுகள். முன்பு வருட வ்ருடம் போய் பார்ப்போம்.
எத்தனை முறை பார்த்தாலும் புதுமை தரும் கோவில்.
சரக்கொன்றை மரம் சாய்ந்து விட்டது வருத்தம்.
பதிலளிநீக்கு
பதில்கள்
KILLERGEE Devakottai29 ஜனவரி, 2019 08:42
அழகிய படங்கள் சிற்பங்களின் சிறப்பு அருமை. தொடர்ந்து வரட்டும் ஜி
பதிலளிநீக்கு
பதில்கள்
Thulasidharan V Thillaiakathu29 ஜனவரி, 2019 09:07
படங்கள் அட்டகாசம். சிற்பங்கள் தெளிவாக உள்ளன. என்ன அழகான வேலைப்பாடு இல்லையா? கலைநயம். நிஜமாகவே கலை விருந்துதான்...ஒவ்வொன்றும் ஒவ்வொன்றைச் சொல்லுகிறது.

யாளியில் இரு வகை என்பதும் இப்போதுதான் அறிந்தோம் அண்ணா...

அருமை தொடர்கிறோம்

கீதா
பதிலளிநீக்கு
பதில்கள்
'பரிவை' சே.குமார்29 ஜனவரி, 2019 10:32
ஆஹா... அருமையான படங்கள்.
முருகன் பற்றிய சேதியையும் சொல்லுங்கள் அய்யா..
பதிலளிநீக்கு
பதில்கள்
Geetha Sambasivam29 ஜனவரி, 2019 12:56
அழகிய படங்கள். அருமையான படப்பிடிப்பு. தஞ்சைக்கோயிலில் இத்தனை நிதானமாகவும் அழகாகவும் படம் எடுக்க விடுகின்றார்கள் என்பதே எனக்கு ஆச்சரியமாக இருக்கிறது! நாங்க போனப்போ எல்லாம் வெளிப் பிரகாரத்தைத் தவிர்த்து மற்ற இடங்களில் படம் எடுக்க விட்டதில்லை. பையர் ஒரு முறை பெரிய நந்தியைப் படம் பிடிக்கையில் கோயில் ஊழியர் வந்து காமிராவைப் பிடுங்கிக் கொண்டு படத்தை அழித்துவிட்டுத் திரும்பக் கொடுத்தார்! :(
பதிலளிநீக்கு
பதில்கள்
Geetha Sambasivam29 ஜனவரி, 2019 12:58
இன்னொரு முறை போக நேர்ந்தால் இவை எல்லாவற்றையும் நினைவில் வைத்துக் கொண்டு போக வேண்டும். மதுரைக்கோயிலில் தெற்கு கோபுரத்தில் இருந்து ஊஞ்சல் மண்டபம் தாண்டி அம்மன் சந்நிதி போகும் வரை உள்ள தூண்களில் கஜமுக யாளி! இந்த யாளி பற்றிக் கொஞ்சம் கொஞ்சம் ஆய்வு செய்து வைத்திருந்தேன். தேடணும்.

முண்டகக்கண்ணி அம்மன் கண்ணெதிரே தோன்றுகிறாள்.
பதிலளிநீக்கு
பதில்கள்
Geetha Sambasivam29 ஜனவரி, 2019 12:58
பழைய கலை விருந்தையும் போய்ப் பார்க்கணும். நேரம் தான் இல்லை. ஒரு நாளைக்கு ஒருத்தர் பதிவுனு வைச்சுக்கணும்! :))))
பதிலளிநீக்கு
பதில்கள்
Geetha Sambasivam29 ஜனவரி, 2019 13:00
மறந்துட்டேனே, அந்த முருகன் பற்றிய விபரம், எனக்கு மட்டும் சொல்லிடுங்க! :)))) மண்டை காய்ஞ்சுடும் போல இருக்கு!
பதிலளிநீக்கு
பதில்கள்
திண்டுக்கல் தனபாலன்29 ஜனவரி, 2019 17:33
அழகிய படங்கள்... அறிய வேண்டிய தகவல்கள்...
பதிலளிநீக்கு
பதில்கள்
Thulasidharan V Thillaiakathu29 ஜனவரி, 2019 18:31
சிற்பங்கள் அனைத்தும் மிக அழகாக இருக்கின்றன. மிகவும் தெளிவாகவும் இருக்கின்றன. புகைப்படங்கள் அருமை.

நீங்கள் குறிப்பிட்டிருக்கும் பகுதி தனி தனி எழுத்துகளாகச் சில புரிந்து கொள்ள முடிகிறது. ஆனால் சேர்த்து வாசிக்க இயலவில்லை. ரா ஜ தெரிகிறது.

யாளி பற்றியும் தெரிந்து கொள்ள முடிந்தது.

துளசிதரன்
பதிலளிநீக்கு
பதில்கள்
Anuprem29 ஜனவரி, 2019 18:51
பெரிய கோவிலில் நானும் இந்த யாளி சிலைகளை ரசித்து பார்த்து, படம் எடுத்தேன்..

பிரமிப்பான நிமிடங்கள் ...பசங்களுக்கும் மிக பிடித்த இடம்

தங்கள் படங்களும் வெகு அழகு ...
பதிலளிநீக்கு
பதில்கள்
வெங்கட் நாகராஜ்31 ஜனவரி, 2019 10:03
அற்புதமான படங்கள்... ஒவ்வொன்றும் கலைநயம்.
பதிலளிநீக்கு
பதில்கள்