திரு மணிக்குன்றம் 2

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

திருத்தலம் - தஞ்சபுரி

தஞ்சை

மாமணிக் கோயில்

ஸ்ரீதேவி பூதேவி

ஸமேத

ஸ்ரீ மணிக்குன்றப் பெருமாள் திருக்கோயில்

மஹாஸம்ப்ரோக்ஷண

வைபவம்..

சனிக்கிழமை மாலை - முதற் கால யாக வேள்விகள் தொடர்ந்து நடைபெற்றன..

முதற்கட்டமாக மகா குண்டத்திற்கான அக்னி அரணிக் கட்டையில் இருந்து கடைந்தெடுக்கப்பட்டது..

அந்த அக்னியுடன் திருக்கோயிலை பட்டாச்சாரியர்கள் வலம் செய்தனர்..

வேத மந்திர பாராயணத்துடன் யாக குண்டத்தில் அக்னியை ஆவாகனம் செய்த பின் முதல் கால பூஜைகள் தொடர்ந்து நடந்தன..

யாகத்தில் இருந்த கலசத்தில் ஸ்வாமியை ஆவாகனம் செய்த பின் திருக்கோயிலை வலம் வந்த போது கடத்தினைத் தாங்கி வந்த பட்டாச்சார்யார் மீது அருள் இறங்கிய போது அங்கிருந்த சாந்நித்யம்

பொலிந்து விளங்கியது.

முதற்கால பூஜையின் நிறைவாக பூர்ணாஹூதியும் மங்கல ஆரத்தியும்  அதனைத் தொடர்ந்து ப்ரசாத விநியோகமும் நிகழ்ந்தன..

காணொளிகளை ஏற்றம் செய்ய முடியவில்லை..

காட்சிகளை மட்டும் பகிர்ந்துள்ளேன்...

நாரணி நற்கரம் ஏந்தினன் போற்றி

பூரணி பூமகள் பொருந்தினன் போற்றி

ஆறணி சங்கரன் பங்கினன் போற்றி

மாமணிக் குன்றனின் மலரடி போற்றி!.. 

ஓம் ஹரி ஓம்

***