இன்று மங்களகரமான ஆடிப்பூரம்..
அம்பிகை - பொங்கும் மங்கலத்தில் பூத்து நின்ற நாள் - பூரம்!..
ஊழிகளின் தொடக்கத்தில் - புவனம் முழுதையும் பூத்து அருள்வதற்காக - ஜகத் ஜனனியாகிய அம்பிகை - புஷ்பவதியாக பூத்து நின்றருளினள்.
அந்த மங்கலம் அனுசரிக்கப்படும் நாளே - ஆடிப் பூரம்!..
அம்மன் சந்நிதிகள் கோலாகலமாக விளங்கும் நாள்..
பற்பல திருக்கோயில்களிலும் ஆடிப்பூர வைபவங்கள் நிகழ்ந்து கொண்டிருக்கின்றன...
சிவனடியார் திருக்கூட்டம் மற்றும்
நண்பர்களிடமிருந்து கிடைக்கப் பெற்ற படங்கள் இன்றைய பதிவில்..
நிகழ்வுகளை வலையேற்றிய நன்னெஞ்சங்களுக்கு மனமார்ந்த நன்றி...
 |
| ஸ்ரீ அறம்வளர்த்த நாயகி - திருஐயாறு |
ஆடி அமாவாசையன்று திருவையாற்றில் நிகழ்ந்த
அப்பர் பெருமான் கயிலாய தரிசனக் காட்சியும் ஆடிப்பூர தரிசனமும்...
கடந்த வெள்ளியன்று
தஞ்சை புன்னை நல்லூர் மாரியம்மனுக்கு பூச்சொரியல் வைபவம்..
நெல்லையில் நிகழும் ஆடிப்பூர திருநாள் விழாவில்
ஸ்ரீ காந்திமதியம்மனின் திருக்கோல தரிசனம்...
 |
| ஸ்ரீ காந்திமதியம்மை - நெல்லை |
ஆடிப் பூரம் - சூடிக் கொடுத்த சுடர்க்கொடியாளின் இம்மண்ணில் தோன்றிய நாள்..
ஸ்ரீ வில்லிபுத்தூரில் கோலாகலமாக விழா நடந்து கொண்டிருக்கின்றது....
 |
| ஸ்ரீ ஆண்டாள் திருக்கோலம் |
எத்தனை எத்தனையோ மங்கலங்களுக்கு இருப்பிடம் ஆடி மாதம்!..
ஆடித் தள்ளுபடி!.. அது.. இது!.. - என அலைவோர் மத்தியில் -
தெய்வ தரிசனம் கண்டு உய்வடைவோர் ஆயிரம்.. ஆயிரம்..
இந்த நாட்களில் - ஒருவருக்கொருவர் முகமன் கூறி - அன்பினைப் பரிமாறிக் கொள்ளுவதே சிறந்த நலன்களுக்கு அடிப்படை என்கின்றனர் ஆன்றோர்.
ஆடி மாதத்தில், அம்மன் கோயில்களில் - ஆடம்பரமின்றி -
ஏழை எளியவர்க்கு கூழ் வார்த்து வேண்டுதல் செய்வது அன்பின் வெளிப்பாடு..
மஞ்சள், குங்குமம், சந்தனம், வளையல் இவற்றுடன் தாம்பூலம் வைத்து அக்கம்பக்கம் அண்டை அயலாருடன் நட்பைப் பேணுதல் சிறப்பு..
அதிலும் முக்கியமாக -
ஏழைப் பெண் குழந்தைகளுக்கு இயன்றவரை புத்தாடை வளையல்களை வழங்கி மகிழ்வித்தால் - அம்பிகையை மகிழ்வித்ததாக ஆகின்றது..
அம்பிகை மனம் மகிழ்ந்தால் - நிலையான செல்வம் நமது வீட்டில் குடி கொள்ளும் என்பது திருக்குறிப்பு..
ஆயுளும் ஆரோக்யமும் ஐஸ்வர்யமும் பெருகி - இல்லத்தில்
மகிழ்ச்சி நிலையாக குடிகொள்வதில் அனைவருக்கும் விருப்பம்!..
அவ்வண்ணம் நிகழ்வதற்கு அம்பிகையை வேண்டுவோம்!..
வறியார்க்கொன்று ஈவதே ஈகைமற் றெல்லாம்
குறியெதிர்ப்பை நீர துடைத்து..
