உவரி

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆவணி 13

வியாழக்கிழமை

திருநாவுக்கரசர் 

அருளிச் செய்த திருப்பதிகம்

நான்காம் திருமுறை

திருப்பதிக எண் 11

பொது

சொற்றுணை வேதியன் சோதி வானவன்

பொற்றுணைத் திருந்தடி பொருந்தக் கைதொழக்

கற்றுணைப் பூட்டியோர் கடலிற் பாய்ச்சினும்

நற்றுணை யாவது நமசிவாயவே.. 1

பூவினுக் கருங்கலம் பொங்கு தாமரை

ஆவினுக் கருங்கலம் அரன் அஞ்சாடுதல்

கோவினுக் கருங்கலங் கோட்ட மில்லது

நாவினுக் கருங்கலம் நமசிவாயவே.. 2

விண்ணுற அடுக்கிய விறகின் வெவ்வழல்

உண்ணிய புகிலவை ஒன்றும் இல்லையாம்

பண்ணிய உலகினிற் பயின்ற பாவத்தை

நண்ணிநின் றறுப்பது நமசிவாயவே.. 3

இடுக்கண்பட் டிருக்கினு மிரந்தி யாரையும்

விடுக்கிற் பிரானென்று வினவுவோம் அல்லோம்

அடுக்கற்கீழ்க் கிடக்கினும் அருளி நாமுற்ற

நடுக்கத்தைக் கெடுப்பது நமசிவாயவே.. 4

வெந்தநீ றருங்கலம் விரதி கட்கெலாம்

அந்தணர்க் கருங்கலம் அருமறை ஆறங்கம்

திங்களுக் கருங்கலந் திகழு நீண்முடி

நங்களுக் கருங்கல நமசிவாயவே.. 5

சலமிலன் சங்கரன் சார்ந்த வர்க்கலால்

நலமிலன் நாடொறு நல்குவான் நலன்

குலமிலர் ஆகிலுங் குலத்துக் கேற்பதோர்

நலமிகக் கொடுப்பது நமசிவாயவே.. 6

வீடினார் உலகினில் விழுமிய தொண்டர்கள்

கூடினார் அந்நெறி கூடிச் சென்றலும்

ஓடினேன் ஓடிச்சென்று உருவங் காண்டலும்

நாடினேன் நாடிற்று நமசிவாயவே.. 7

இல்லக விளக்கது இருள்கெ டுப்பது

சொல்லக விளக்கது சோதி உள்ளது

பல்லக விளக்கது பலருங் காண்பது

நல்லக விளக்கது நமசிவாயவே.. 8

முன்னெறி யாகிய முதல்வன் முக்கணன்

தன்னெறி யேசரண் ஆதல் திண்ணமே

அந்நெறி யேசென்றங் கடைந்த வர்க்கெலாம்

நன்னெறி யாவது நமசிவாயவே.. 9

மாப்பிணை தழுவிய மாதொர் பாகத்தன்

பூப்பிணை திருந்தடி பொருந்தக் கைதொழ

நாப்பிணை தழுவிய நம சிவாயப்பத்து

ஏத்தவல் லார்தமக்கு இடுக்கண் இல்லையே.. 10

திருச்சிற்றம்பலம்

ஓம் நம சிவாய

சிவாய நம ஓம்

***