தயிர்

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

வைகாசி 3 

 புதன் கிழமை

தயிர்..

பாரதத்தில் நீண்ட நெடிய பாரம்பரியத்தை உடையது..

வேத புராணங்களில் சொல்லப்பட்டிருப்பது தயிர்..

காய்ச்சிய பால் சற்று ஆறியதும் சிறிதளவு பழைய தயிரை அதில் ஊற்றினால் நுண்ணுயிர்களின் நொதித்தல் காரணமாக பாலானது தயிர் ஆகின்றது..

இதில்

புரதங்கள், கால்சியம்,  Vitamin B2 (Riboflavin) Vitamin B6  Vitamin B12 போன்ற ஊட்டச் சத்துகள் நிறைந்திருக்கின்றன. உடல் நலத்தைக் காக்கும் பண்புகளை உடையது..

வெயில் காலத்தில் உடலில் சூடு அதிகமாகி விடும். உடல் குளிர்ச்சிக்கு உணவுடன் தயிரை சேர்த்துக் கொள்ளலாம்.. அதிலும் மோரைச்  சேர்த்துக் கொள்வது மிகவும் நல்லது..

தயிரில் இருந்தே வெண்ணெய் மோர் கிடைக்கின்றன..

தயிரும், மோரும் தமிழர்களின் பாரம்பரியங்கள்.. 

விருந்து உணவில்  சாம்பாருடன் வேறு ஒரு குழம்பு, ரசம் அடுத்த படியாக தயிர் அல்லது மோர் என்று கண்டிப்பாக இடம் பெறும்.. 

தயிரில் நாட்டுச் சர்க்கரை சேர்த்து அருந்துவது மூளைக்கு அளிக்கப்படும் சக்தி..

தயிரின்  நுண்ணுயிரிகள்  நோய்க் கிருமிகளைத்  தடுத்து ஜீரண சக்தியை அதிகரிக்கின்றது..

தோலில் ஏற்படும் வறட்சியைத் தயிர் தடுக்கின்றது..

வைட்டமின் B12 ரத்தத்தில் உள்ள குளூக்கோஸை ஆற்றலாக மாற்றுவதாகும்.. 

கட்டித் தயிரில் செய்யப்படும் லஸ்ஸியில் வைட்டமின் B12 நிறைந்திருக்கின்றது.  

லஸ்ஸி குடிப்பதால் உடனடி சக்தி கிடைக்கும். கோடையில் லஸ்ஸி அருந்துவது சிறப்பானது..

லஸ்ஸி என்றதும் சாலையோரக் கடையைத் தேடி ஓடாமல் புளிக்காத தயிருடன் நாட்டுச் சர்க்கரையும் ஏலக்காய் பொடியும் சேர்த்து வீட்டிலேயே தயாரிப்பதற்கு முயற்சிக்கவும்.. 

ஆனாலும்  சர்க்கரை குறைபாடு உடையவர்கள் லஸ்ஸியைத் தவிர்ப்பது நல்லது..

தயிர், மோரில் உள்ள லாக்டிக் அமிலம்  நோய் கிருமிகளை அழிக்கின்றது..

தயிர், மோர் ஆகிய இரண்டிலுமே ஊட்டச் சத்துக்கள் நிறைந்துள்ளன..

ஆயினும், தயிரை விட மோர் எளிதில் செரிமானமாகும். 

தயிர் செரிமானம் தாமதமாகும் என்பதால் தான் இரவில் தயிர் சோறு  வேண்டாம் என்றனர் பெரியோர்..

தயிரில் இருந்து மோர் கிடைத்தாலும் தயிர் உடலில் கொஞ்சம் உஷ்ணத்தை ஏற்படுத்தும். மோர் மிகுந்த குளிர்ச்சியை கொடுக்கும்.. உடனடி சக்தி கிடைக்கும்..

இதனாலேயே கோடையில் கோயில் திருவிழாக்களில் மோர் தானம் செய்வது பெரிய புண்ணியம் என்றனர்..

தொடர்ந்த தயிரின் பயன்பாடு  உடலில் கொழுப்பை அதிகரித்து ரத்தக்குழாயில் அடைப்பை ஏற்படுத்தும்.. இதற்கு உடல் உழைப்பு குறைந்ததே காரணம்..

நீரிழிவு பிரச்னை உடையவர்களுக்கு தயிர் ஆகாத ஒன்றாக ஆகி விட்டது..

இரத்த சர்க்கரை அளவை தயிர் கட்டுப்படுத்துகிறது என்றாலும் மருத்துவ ஆலோசனை மிகவும் 

முக்கியம்..

தயிரினால் இதய நோய், பக்கவாதம் வருவதற்கான வாய்ப்பு  குறைவு என்றாலும் உடல் உழைப்பு மறந்து விட்ட சூழ்நிலையில் தயிர் பயன்பாட்டில் கவனம் கொள்ள வேண்டும்..

What is the difference between Curd and Yoghurt?..

Curd is the Indian term whereas Yoghurt is the western term .

Curd is made by mixing milk with Curd or lemon which yields several types of Lactic acid bacteria also known as Lactobacillus.

Whereas, Yogurt is made by commercial fermentation of milk by ingesting a particular type of bacteria strain..

Curd is Indian culture.

Yogurt is commercial  structure.. 

- என்பதைப் புரிந்து கொண்டு

ரசாயன கலப்புடைய தயிர் வகைகள் அதிகமாகி விட்ட நிலையில் யாரையும் குறை சொல்லாமல் நமக்கு வேண்டிய தயிரை நாமே தயாரித்துக் கொள்வது சாலச் சிறந்தது..

நம்முடைய நலம்

நம்முடைய கையில்!..

***