இப்படிக்கு..

உங்களுடன் நான்...

ஓரிடத்திலிருந்து வேறிடத்துக்கு ஓடுகின்ற மேகங்களைப் போல
விடுமுறை நாட்கள் ஓடிப் போயின...

வெள்ளிக்கிழமை மதியம் நலமுடன் குவைத்திற்குத் திரும்பினேன்..

இந்த விடுமுறை நாட்களில் நிறைவேறிய எண்ணங்கள் எத்தனை?..

பற்பல!.. 

ஆனாலும்,

அன்புக்குரிய நண்பர்களைச்
சந்திக்க இயலாமல் போனது மனதை உறுத்துகின்றது...

அந்த இயலாமையைச் சொல்லவும் தயக்கமாக இருக்கின்றது...

மேலும் Galaxy ல் இணைக்கப்பட்ட இணையம் -
மடிகணினியுடன் சரியாக ஒத்துழைக்கவில்லை...

பதிவுகள் அனைத்தையும் Galaxy வழியாகவே இயக்கினேன்...

இதனால், 
மாமதுரைத் திருவிழாப் பதிவுகளில் படங்கள் மட்டுமே வெளியாகின..

பதிவுகளில் எனது கைவண்ணத்தைத் தீட்ட முடியவில்லை...

இடையில் -
எங்கள் பிளாக் தளத்தில்
மூங்கில் பாலம் கதையும் வெளியானது...

பாராட்டி மகிழ்ந்த நண்பர்களுக்கு
மகிழ்வுடன் நன்றி சொல்ல முடியவில்லை...

மற்ற தளங்களை வாசித்து கருத்துரை கூறவும் முடியவில்லை..

கைத்தொலைபேசி வழியாக பதிவுகளைக் கண்டு
அவற்றில் விரிவாக கருத்துரைப்பது மிகவும் சிரமமாக இருந்தது...

அன்பின் நண்பர்கள் பொறுத்தருளவேண்டும்...

அங்குமிங்கும் பயண நேரத்தில் 
விண்ணிலிருந்தும் மண்ணிலிருந்தும் சுடப்பட்டவை இன்றைய பதிவில்!..

துபாய் விமான நிலையத்திலிருந்து 
புறப்பட்ட சிறிது நேரத்திற்கெல்லாம் - கடல் நடுவே 
புதிதாக உருவாக்கப்படும் தீவு ஒன்றினைக் கண்டேன்...

ஜன்னல் ஓர இருக்கையைக் கேட்டு வாங்குவது எவ்வளவு மகிழ்ச்சி!..

இதோ அந்த மகிழ்ச்சி - தங்களுக்காகவும்!...

இனிவரும் நாட்கள் 

நலமுடன் அமைவதாக...

வாழ்க நலம்!..

ஃஃஃ