ஸ்ரீ குந்தாளம்மன்

   

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

தஞ்சை மாநகரின் வடக்கு எல்லையில் காவல் நாயகியாக வீற்றிருப்பவள் கோடியம்மன்..

அவளோடு இணைந்தவளாக இன்னுமொரு சக்தி  குந்தாளம்மன்..

கோடியம்மனின் கோயிலுக்கு நேர் மேற்கே வடக்கு முகமாகத் திகழ்கின்றாள்.. வயல் வெளிக்குள் இருக்கின்றது இவளது சந்நிதி ..

பல காலம் கோயில் பழுதுற்றிருந்த நிலையில் மூல சக்தியை வேறொரு சிலா ரூபத்தில் ஆகர்ஷணம் செய்து ஸ்ரீ தஞ்சபுரீஸ்வரர், ஸ்ரீ வீர நரசிம்ம ஸ்வாமி கோயில்களுக்கு அருகில் பழைமையான மண்டபம் ஒன்றில் நிலை நிறுத்தப்பட்ட பின்னும் பின்னமடைந்திருந்த மூலத் திருமேனிக்கு அவ்வப்போது விளக்கேற்றப்பட்டு வழிபடப் பெற்றது..  

இந்நிலையில் சில ஆண்டுகளுக்கு முன்பு திருவுளம் கிடைத்தது - ஆலயத்தைத் திருப்பணி செய்யும்படிக்கு!.. 

அதன்படி திருப்பணிகள் மேற்கொள்ளப் பெற்று பங்குனி 23 (6/4) புதன் கிழமையாகிய நேற்று திருக்குட முழுக்கு சிறப்புடன் நடைபெற்றது...

மூன்று நாட்களாக யாக பூஜைகள் நடந்தாலும் செவ்வாய்க் கிழமை அஷ்ட பந்தனம் சாத்தும் நாளன்று தான் நாங்கள் சென்றோம்.. அஷ்ட பந்தன மருந்து இடித்தலிலும் மூலஸ்தானத்திற்குள் அம்பிகையை தொட்டு வணங்குதலிலும் பெரும் பேறு கிட்டியது.. 

புனருத்தாரண அஷ்ட பந்தன மகா கும்பாபிஷேக நிகழ்வுகளை இயன்றவரை காட்சிப்படுத்தி பதிவில் தந்திருக்கின்றேன்..

நல்லவருக்கு என்றும் என்றென்றும் துணை இருக்கும்படிக்கு

ஸ்ரீ குந்தாளம்மனை வேண்டிக் கொள்வோம்!..

கொஞ்சும் முகம் காட்டி வரும்

குந்தாளம்மா தாயே..

நெஞ்சகத்தில் இருந்திடவே

வந்திடம்மா நீயே..

அஞ்சும் மனம் ஆதரித்து

அருகிருக்கும் தாயே..

பஞ்சம் பிணி தீர்த்தருளும்

பைரவியும் நீயே!..

ஓம் சக்தி ஓம் சக்தி

ஓம் சக்தி ஓம்..

***