வருவாய் முருகா..

நாடும் வீடும் நலம் பெற வேண்டும்..

பகையும் பிணியும் தொலைந்திட வேண்டும்..

***

இன்றைய பதிவினில்

மகாகவி இயற்றிய

முருகன் திருப்பாடல்

முருகா முருகா முருகா

வருவாய் மயில் மீதினிலே

வடிவேலுடனே வருவாய்

தருவாய் நலமும் தகவும் புகழும்

தவமும் திறமும் தனமும் கனமும்..

அடியார் பலரிங் குளரே

அவரை விடுவித் தருள்வாய்

முடியா மறையின் முடிவே அசுரர்

முடிவே கருதும் வடிவே லவனே!..

சுருதிப் பொருளே வருக

துணிவே கனலே வருக..

கருதிக் கருதிக் கவலைப் படுவார்

கவலைக் கடலைக் கடியும் வடிவேல்..

அமரா வதிவாழ் வுறவே

அருள்வாய் சரணம் சரணம்

குமரா பிணியா வையுமே சிதறக்

குமுறும் சுடர்வே லவனே சரணம்..

அறிவா கியகோ யிலிலே

அருளா கியதாய் மடிமேல்

பொறிவே லுடனே வளர்வாய் அடியார்

புதுவாழ் வுறவே புவிமீ தருள்வாய்..

குருவே பரமன் மகனே

குகையில் வளருங் கனலே

தருவாய் தொழிலும் பயனும் அமரர்

சமரா திபனே சரணம்.. சரணம்!..

முருகா முருகா முருகா

 ஃஃஃ