சொல்மாலை 1

ஸ்ரீ வானமுட்டிப்பெருமாள்
கோழிகுத்தி - மயிலாடுதுறை

வையம் தகளியா வார்கடலே நெய்யாக

வெய்ய கதிரோன் விளக்காக - செய்ய

சுடராழி யானடிக்கே சூட்டினேன் சொன்மாலை

இடராழி நீங்குகவே என்று..(2082)

திருஅரங்கன்

ஒன்றும் மறந்தறியேன் ஓதநீர் வண்ணனை நான்

இன்று மறப்பனோ ஏழைகாள் - அன்று

கருவரங் கத்துட்கிடந்து கைதொழுதேன் கண்டேன்

திருவரங்க மேயான் திசை..(2087)

ஸ்ரீஒப்பிலியப்பன்

வாயவனை அல்லது வாழ்த்தாது கையுலகம்

தாயவனை அல்லாது தாந்தொழா - பேய்முலைநஞ்

சூணாக உண்டான் உருவோடு வேறல்லால்

காணாகண் கேளா செவி..(2092)

ஸ்ரீராஜகோபாலன் - மன்னார்குடி

பழுதே பலபகலும் போயினவென்று அஞ்சி

அழுதேன் அரவணைமேல் கண்டு - தொழுதேன்

கடலோதம் காலலைப்பக் கண்வளரும் செங்கண்

அடலோத வண்ணர் அடி..( 2097)

பெற்றார் தளைகழலப் போந்தோர் குறளுருவாய்

செற்றார் படிகடந்த செங்கண்மால் - நற்றா

மரைமலர்ச் சேவடியை வானவர்கை கூப்பி

நிரைமலர் கொண்டு ஏத்துவரால் நின்று..(2101)

கைய வலம்புரியும் நேமியும் கார்வண்ணத்

தைய மலர்மகள்நின் ஆகத்தாள் - செய்ய

மறையான்நின் உந்தியான் மாமதிள் மூன்றெய்த

இறையான்நின் ஆகத் திறை..(2109)

* * *

இன்று புரட்டாசி மாதத்தின் 

முதல் சனிக்கிழமை..

இன்றைய பதிவில்

பொய்கையாழ்வார் அருளிச் செய்த

திருப்பாசுரங்கள் திகழ்கின்றன..

நாடு நலம் பெறுதற்கு 

நாராயணன் திருவடிகள் காப்பு

ஓம் ஹரி ஓம் 

* * *