அன்னை

தாயிற் சிறந்த கோயிலுமில்லை..

தந்தை சொல் மிக்க மந்திரமில்லை!..

* * *

என்று மறந்தேன்.. நினைப்பதற்கு

இதயம் முழுதும் நீயல்லவோ!..

துறந்தவர் நெஞ்சும் தொழுதிடும் வார்த்தை

தூயவர் என்றும் வணங்கிடும் வார்த்தை..

தொல்புகழ் தமிழில் துலங்கிடும் வார்த்தை

அம்மா.. அம்மா.. அம்மா!.. 

உயிருள் உயிராய் நீ காத்தாய்

உணர்வில் தமிழை நீ வார்த்தாய்

தாயே.. என்றும் நீ வாழ்க!..

நிலவைக் காட்டி ஊட்டிய சோறு

நெஞ்சில் இன்னும் இனிக்குதம்மா..

நினைவில் அமுதாய் நீவாழ்க!..

நலமுடன் வாழ்க.. பல்லாண்டு

சோறும் நீரும் ஊட்டியவள்

பேரும் பெருக்கும் காட்டியவள்

நலமுடன் வாழ்க பல்லாண்டு!..

தோன்றும் பிறவி வரங்கேட்டேன்

மீண்டும் மடியினில் விளையாட

வேண்டும் இதைநீ தருவாயே!..

கண்ணிலும் கனவிலும் உன்தோற்றம்..

காலங்கள் யாவிலும் கடைத்தேற்றும்..

வாழ்க என்றும் பல்லாண்டு!..

சொல்லும் பொருளும் உன்னாலே

வாக்கும் நோக்கும் உன்னாலே

வாழ்க.. என்றும் பல்லாண்டு!..

அன்பின் மலர்கள்தனைக் கொண்டு

அழியாப் புகழை வணங்குகின்றேன்.. 

அம்மா.. வாழ்க.. பல்லாண்டு!..

* * *

விண்ணிலே மண்ணிலே நீரிலே பூவிலே

கண்னிலே கனவிலே நெஞ்சிலே நினைவிலே

எல்லாம் நீதான் அம்மா

செல்வம் நீதான் அம்மா!..

உன் மார்பிலே என்னைத் தாலாட்டம்மா..

உன் மடியிலே என்னை சீராட்டம்மா!..

(கவியரசர் கண்ணதாசன்)

அம்மையே.. அப்பா.. ஒப்பிலாமணியே!..

ஓம் நம சிவாய சிவாய நம ஓம்..  

* * *