ஸ்ரீராம.. ராம..

நாடும் வீடும் நலம் பெறவேண்டும்..

பகையும் பிணியும் தொலைந்திட வேண்டும்..

***

புரட்டாசி மாதத்தின்

மூன்றாவது சனிக்கிழமை ஆகிய

இன்று

ஸ்ரீ ராம தரிசனம்

ஊரும் வரியரவம் ஒண்குறவர் மால்யானை

பேர எறிந்த பெருமணியை காருடைய

மின்னென்று புற்றடையும் வேங்கடமே மேலசுரர்

என்னென்ற மால திடம்.. (2119)

-: பொய்கையாழ்வார் :-

எய்தான் மராமரம் ஏழும் இராமனாய்

எய்தானம் மான்மறியை ஏந்திழைக்காய் எய்ததுவும்

தென்னிலங்கைக் கோன்விழச் சென்று

குறளுரவாய்

முன்னிலம்கைக் கொண்டான் முயன்று.. (2333)

-:  பொய்கையாழ்வார் :-

பண்ணுலாவு மென்மொழிப் படைத்தடங் கணாள் பொருட்டு

எண்ணிலாவ ரக்கரை நெருப்பினால் நெருக்கினாய்

கண்ணிலாலொர் கண்ணிலேன்க லந்த சுற்றம் மற்றிலேன்

எண்ணிலாத மாய நின்னை

என்னுள் நீக்க லென்றுமே.. (842)

-: திருமழிசையாழ்வார் :-

 சரங்களைத்து ரந்துவில் வளைத்தி லங்கை மன்னவன்

சிரங்கள்பத்த றுத்துதிர்த்த செல்வர்மன்னு பொன்னிடம்

பரந்துபொன்நி ரந்துநுந்தி வந்தலைக்கும் வார்புனல்

அரங்கமென்பர் நான்முகத் தயன்

பணிந்த கோயிலே.. (802)

-: திருமழிசையாழ்வார் :-

***

 கோவிந்தோ கோவிந்த

கோவிந்தோ கோவிந்த!..

ஓம் ஹரி ஓம்

நமோ நாராயணாய..

ஃஃஃ