இனிய பாரதம்

அன்பின் இனிய 

சுதந்திரத் திருநாள் நல்வாழ்த்துகள்!..

பாருக்குள்ளே நல்ல நாடு - எங்கள்

பாரத நாடு!..

ஞானத்திலே பரமோனத்திலே - உயர்

மானத்திலே அன்ன தானத்திலே

கானத்திலே அமுதாக நிறைந்த

கவிதையிலே உயர் நாடு!..

தீரத்திலே படை வீரத்திலே - நெஞ்சின் 

ஈரத்திலே உபகாரத்திலே

சாரத்திலேமிகு சாத்திரங் கண்டு

தருவதிலே உயர் நாடு!..

சியாச்சன் பனிமலை

நன்மையிலே உடல் வன்மையிலே - செல்வப்

பன்மையிலே மறத் தன்மையிலே

பொன்மயில் ஒத்திடும் மாதர்தம் கற்பின்

புகழினிலே உயர் நாடு!..

கோனார்க் 

ராணி கிணறு - குஜராத்

யாகத்திலே தவவேகத்திலே - தனி

யோகத்திலே பல போகத்திலே

ஆகத்திலே தெய்வபக்தி கொண்டார் - தம்

அருளினிலே உயர் நாடு!..

ஆற்றினிலே சுனை ஊற்றினிலே - தென்றல்

காற்றினிலே மலைப் பேற்றினிலே

ஏற்றினிலே பயன் ஈந்திடும் காலி

இனத்திலே உயர் நாடு!..

வண்மையிலே உளத் திண்மையிலே - மனத்

தண்மையிலே மதி நுண்மையிலே

உண்மையிலே தவறாத புலவர்

உணர்வினிலே உயர் நாடு!..

பாரத நாடு பழம்பெரும் நாடு - நீரதன் 

புதல்வர் இந்நினைவகற்றாதீர்!..

-: மகாகவி பாரதியார் :-

வாழ்க சுதந்திரம்

வந்தேமாதரம்!..  

***