வாக்கு தவறாதீர்..

இன்று தமிழக சட்டப் பேரவைக்குத் தேர்தல்!..

அரவக்குறிச்சி தஞ்சாவூர் ஆகிய இரண்டு தொகுதிகளைத் தவிர -
232 தொகுதிகளிலும் காலையில் இருந்தே வாக்குப் பதிவு நடைபெற்றுக் கொண்டிருக்கின்றது..

தமிழகம் முழுதும் 5.77 கோடி வாக்காளர்கள்..

இவர்களுடைய பொன்னான வாக்குகளுக்காக - 3,728 வேட்பாளர்கள் களத்தில் உள்ளனர்..

வாக்குப் பதிவிற்காக 65,486 சாவடிகள் அமைக்கப்பட்டுள்ளன..

இவற்றுள் 27,961 சாவடிகள் CCTV  கேமரா மூலமாக கண்காணிக்கப்படுகின்றன..

இதுவரை - வாக்குப் பதிவு அமைதியாக நடந்து கொண்டிருக்கின்றது..

தேர்தல் பணியில் சுமார் 4,70,000 பேர் ஈடுபடுத்தப்பட்டுள்ளனர் என நாளிதழ்கள் வாயிலாக அறியமுடிகின்றது..

இறைகாக்கும் வையகம் எல்லாம் அவனை

முறைகாக்கும் முட்டாச் செயின்.. (0547)

இந்த வையகத்தினை நீதி நெறிமுறையுடன்

மன்னவன் காப்பாற்றுவான் எனில், 

அந்த நீதி நெறிமுறையே 
அம்மன்னவனைக் காப்பாற்றும்!..

வள்ளுவப் பெருந்தகையின் 

அமுத வாக்கு

இன்றைய குடியாட்சிக்கும் பொருந்தும்..

வாழ்க தமிழினம்..

வளர்க தமிழகம்!.. 

* * *