நெல்லை

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆவணி 26

புதன்கிழமை

திருநெல்வேலி..

தமிழகத்தின் புராதனமான நகரங்களுள் ஒன்று..  

பாண்டியர்களின்  ஆட்சியில் சிறப்புற்றிருந்த இந்நகரத்திற்காக வந்தேறிகள் தம்முள் அடித்துக் கொண்ட வரலாறுகளும் உள்ளன.. பின்னாட்களில் நாட்டில் சுதந்திர வேள்வியில் பங்கெடுத்துக் கொண்ட சீர்மிகு நகரம் ..

ஆவணி இரண்டாவது வாரம் வியாழக் கிழமை (29/8) 

காலைப் பொழுது..

நெல்லை ஜங்ஷனின் வாசலில் உள்ள கொடிமாடசாமி கோயிலில் வணங்கி விட்டு மாநகரின் மகுடமாக விளங்குகின்ற ஸ்ரீ காந்திமதி உடனுறை நெல்லையப்பர் திருக்கோயில் தரிசனம்..

திருக்கோயிலில் நந்தி மண்டபத்தைக் கடந்து படம் எடுப்பது தடை செய்யப்பட்டுள்ளது..

ஈசன் எம்பெருமானது சபைகள் ஐந்தினுள் நெல்லையப்பர் திருக்கோயில் தாமிர சபையாகும்..

29/8 அன்று திருவாதிரை ஆனதால் தாமிர சபையில் 

ஆனந்த நடராஜருக்கு

சிறப்பு வழிபாடுகள்... 

நடராஜ தரிசனம் செய்த பின்

எங்களுக்கும் பிரசாதங்கள் கிடைத்தன..

இரண்டாவது திருச்சுற்றில் தான் ஏழிசைத் தூண்கள் உள்ளன..

மூலஸ்தானத்தை அடுத்த சந்நிதியில் சயனத் திருக்கோலத்தில் ஸ்ரீ கோவிந்தராஜப் பெருமாள்..

நெல்லையப்பரும் காந்திமதி அம்மனும் தனித்தனி கோயில்களில் விளங்குகின்றனர்.. 

இரண்டு கோயில்களையும் இணைக்கின்ற அற்புதமான அழகிய மண்டபத்தில் வழக்கம் போல வெளிச்சம் குறைவு...  

பார்வைக் குறைபாட்டினால் அங்குள்ள சிற்பங்களின் அழகினை அவதானிக்க முடியவில்லை.. 

இருந்தாலும்,

வயதாகிப் போன நேரத்தில் உனக்கு  அழகின் ரசிப்பு எல்லாம் தேவையா?..  என்று உங்களில்  யாராவது கேட்கலாம்..

பேசாமல் நகர்ந்து விடுவோம்!..

நெல்லையப்பர் காந்திமதி அம்மன் கோவிந்தராஜப் பெருமாள் - என,

மகிழ்வான தரிசனம்..  

நந்தி மண்டபத்திலும் கோசாலையின் அருகிலும் எடுக்கப்பட்ட ஒரு சில காட்சிகள் இன்றைய பதிவில்..

நாகலிங்க மொக்குகள்

வெளிப்பிரகார கணபதி சந்நிதியின் சிகரத்தில்..

அக்குலாம் அரையினர் திரையுலாம்

  முடியினர் அடிகளன்று

தக்கனார் வேள்வியைச் சாடிய

  சதுரனார் கதிர்கொள்செம்மை

புக்கதோர் புரிவினர் வரிதரு

  வண்டுபண் முரலுஞ்சோலைத்

திக்கெலாம் புகழுறுந் திருநெல்வேலி 

உறை செல்வர்தாமே..  3/92/7 

-: திருஞானசம்பந்தர் :-

ஓம் நம சிவாய 

சிவாய நம ஓம்

***