ஸ்ரீ வரதராஜர்

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

வைகாசி 31

புதன்கிழமை

இறைவனின் நல்லருளால்

இந்த ஆண்டு  இந்த அளவுக்கு கருடசேவை மற்றும் நவநீத சேவையை தரிசிக்க முடிந்தது.. 

ஆனாலும் சில பிரச்னைகள் தவிர்க்கவே இயலாமல்..

அவற்றை அப்புறமாக பேசிக் கொள்ளலாம்..

தரிசனத்துடன் தரிசனமாக ராஜ வீதியில் இருக்கும் கோயில்கள் சிலவற்றுக்கும் சென்றேன்..

விவரங்கள் தங்களுக்காக இன்றைய பதிவில்..

கீழ ராஜவீதி

ஸ்ரீ வரதராஜ பெருமாள் கோயில்..

சிறிய கோயில் தான் எனினும்,

ராஜகோபுரத்தைக் கடந்ததும் பலி பீடம், கொடி மரம்  கருடாழ்வார்..

முன் மண்டபத்தில்

நாகர், விநாயகர்.. கருவறையின் முன்பாக இருபுறமும் துவார பாலகர்கள். 

கருவறையில் ஸ்ரீதேவி பூதேவியுடன் ஸ்ரீ வரதராஜ பெருமாள் திகழ்கின்றார்..

இடப்புறம் தாயார் சந்நதி.. முன்புறம் துவாரபாலகிகள் உள்ளனர்..

பெருமாள் சந்நதியிலிருந்து தாயார் சந்நதி செல்வதற்கு சிறிய வாசல் உள்ளது..

பெருமாள் சந்நிதிக்கும் தாயார் சந்நிதிக்கும் தனித்தனி ராஜ கோபுரங்கள்..

இக்கோயில் இரண்டாம் சரபோஜி மன்னரால் திருப்பணி செய்யப் பெற்றதாகும்..

கருடசேவையும் நவநீத சேவையும்  இக்கோயிலில்

நிகழ்கின்றன..

பழைய பேருந்து நிலையத்திற்கு மிக அருகிலுள்ள கீழ ராஜ வீதியில் அமைந்துள்ளது இக்கோயில்..

தஞ்சை அரண்மனை தேவஸ்தான கோயில்களுள் இக்கோயிலும் ஒன்று..

ஓம் ஹரி ஓம்

நமோ வரதராஜாய..

***