நாகத்தின் பூஜை

     

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆடி  7

 ஞாயிற்றுக்கிழமை

2010 ஜனவரி 16 அன்று தேப்பெருமாநல்லூரில் உள்ள ஸ்ரீ வேதாந்த நாயகி உடனாகிய ஸ்ரீ விஸ்வநாத ஸ்வாமி திருக்கோயிலில் சூரிய கிரகணத்தின் போது நாகம் ஒன்று வில்வ இலைகளைக் கொண்டு சிவலிங்கத்தை வழிபட்டது.. 

சந்நிதிக்குள் வந்த நாகம் லிங்கத்தின் மேலேறி பின்  மெதுவாக இறங்கி, அபிஷேக நீர் வெளியேறும் கோமுகத்தின் வழியாக வெளியேறி ஸ்தல விருட்சமான வில்வ மரத்தை நோக்கிச் சென்று  அந்த மரத்தின் மீது ஊர்ந்து  சில வில்வ இலைகளைப் பறித்துக் கொண்டு மீண்டும் சிவசந்நிதிக்கு வந்த வழியே திரும்பியது. வில்வ தளங்களை சிவலிங்கத்தின் மீது சாற்றியது.. 

கோமுகத்தினுள் நாகம்

உச்சியில் நாகம்

நாகம் - இவ்வாறு சில முறை  செய்ததாக அப்போது பரபரப்பான செய்தி படங்களுடன் வெளியானது.. வெளியுலகிற்கு இந்தத் திருக்கோயில் தெரிய வந்ததும் அப்போது தான்...

நாகம் வாயில் வில்வத்துடன் ஊர்ந்து செல்கின்ற படங்களை அப்போது சேர்த்து வைத்திருந்தேன்..

அடுத்த சில மாதங்களில் குவைத்திற்கு வந்து விட்டதால் அந்தக் கணினி பயன்படுத்தப்படாமல் செயலிழந்து விட்டது..

சென்ற மாதம் இறைவன் அருளால் தேப்பெருமாநல்லூரில் தரிசனம் செய்து பதிவில் இட்ட பின்

அன்புக்குரிய கீதாக்கா, ஸ்ரீராம், கீதாரங்கன் மற்றும் கமலா ஹரிஹரன் ஆகியோரது விருப்பத்தினால் திரும்பவும் இணையத்தில் இருந்து இந்தப் படங்களைத் தேடி எடுத்து பதிவில் சேர்த்திருக்கின்றேன்..

அனைவருக்கும்  நன்றி..

**

திருக்கண்டியூர் 

திவ்யதேசத்தில் திரு 

ஆடிப்பூர தரிசனம்..

விண்ணுற அடுக்கிய விறகின் வெவ்வழல்

உண்ணிய புகிலவை ஒன்றும் இல்லையாம்

பண்ணிய உலகினிற் பயின்ற பாவத்தை

நண்ணிநின் றறுப்பது நம சிவாயவே..

-: திருநாவுக்கரசர் :-

ஓம் நம சிவாய சிவாய நம ஓம்

***