நாடும் வீடும்
நலம் பெற வேண்டும்
பகையும் பிணியும்
தொலைந்திட வேண்டும்..
***
இன்று ஐப்பசி 28
திங்கட்கிழமை
நேற்று Fb ல்
ஓவியர்
திரு. கேசவ் ஜி
அவர்களது கைவண்ணம்
கண்டு வந்த கவிதை
இன்றைய பதிவில்..
கருமுகிலின் வண்ணனுக்கு
கார்குழலில் கோதெடுத்து
காயாம்பூ தனைமுடித்து
திருவிழிக்கு மைவடித்து
பாதமணித் தனிச் சிலம்பில்
செவ்விதழால் முத்தமிட
காசினியீர் கேளீரோ
கனவொன்று நான் கண்டேன்!..
கனவதுவும் காட்சியென
கரதலத்தில் கண்ணனம்மா
அந்தமிலா அருமறையான்
அரவணையில் பயின்றது போல்
அன்னைமடி தூங்குகையில்
அகிலம் அதும் உறங்கிடுமோ
ஆரமுதே கண்வளராய்..
அருட்கனியே கண்வளராய்!..
**
ஓம் ஹரி ஓம்
***
// அரவணையில் பயின்றது போல்
பதிலளிநீக்குஅன்னைமடி தூங்குகையில் //
அருமை. அன்னையின் தலை கோதலில் அவனுறங்க அகிலமும் உறங்கிவிட்டால் அன்னையும் உறங்கி விட மாட்டாளோ...தலைகோதலும் நின்று விடாதோ...
அன்பின் வருகையும் கருத்துரையும் மகிழ்ச்சி..
நீக்குநன்றி ஸ்ரீராம்..
கேஷவின் ஓவியம் இங்கே தெரியலை. ஆனால் எதுவாக இருக்கும் என யூகம் செய்து கொண்டேன் கவிதை நன்று. பலரும் முகநூலிலேயே கேஷவின் ஓவியத்திற்குக்கவிதை எழுதுகின்றனர். ஒவ்வொன்றும் போட்டி போட்டுக்கொண்டு வருவது மனதை மகிழ்ச்சியில் ஆழ்த்துகிறது. ஆக்கபூர்வமான போட்டி அல்லவா? சரி, நேரம் ஆச்சு! வீட்டு வேலைகளைக் கவனிக்கப் போறேன்.
பதிலளிநீக்கு// கேஷவின் ஓவியம் இங்கே தெரியலை...//
நீக்குஏனென்று தெரியவில்லையே..
இந்த ஓவியம் தாயின் மடியில் தனயன் கிடக்க தலை வாரிப் பூச்சூடும் படம்...
கேசவ் ஜி.. அவர்கள் இப்படி பாட்டு எழுதுமாறு ஒன்றும் சொல்லவில்லை..
ஆனாலும் மனதுக்குள் ஊற்றெடுத்து வருகின்றது..
அன்பின் வருகையும் கருத்துரையும் மகிழ்ச்சி..
நன்றியக்கா...
பாடல் மிக அருமை. கேசவ்ஜியின் ஓவியமும் எப்போதுமே அழகு
பதிலளிநீக்குநெல்லை அவர்களின்
நீக்குஅன்பின் வருகையும் கருத்துரையும் மகிழ்ச்சி.. நன்றி..
அழகான ஓவியத்திற்கு அருமையான கவிதை.
பதிலளிநீக்குதங்களது
நீக்குஅன்பின் வருகையும் கருத்துரையும் மகிழ்ச்சி.. நன்றி..
வாழ்க வையகம்..
வணக்கம் சகோதரரே
பதிலளிநீக்குபதிவு அருமை. அழகிய படமும் அதற்கேற்ற கவிதையும் மனதை அள்ளுகின்றன. ரசித்தேன்.
/கேசவ் ஜி.. அவர்கள் இப்படி பாட்டு எழுதுமாறு ஒன்றும் சொல்லவில்லை..
ஆனாலும் மனதுக்குள் ஊற்றெடுத்து வருகின்றது../
ஆகா....! இந்த தெய்வீக அருளை இயற்கையாக கண்ணன் தங்களுக்கு தந்திருப்பதில் பெரு மகிழ்ச்சியடைகிறேன். அதனால் உங்களின் அழகான கவிதைகளை ரசிக்கும் பாக்கியமும் எங்களுக்கு கிடைக்கிறது. இறைவனுக்கு நன்றி. அவன் உங்களுக்கு தந்திருக்கும் பெருங்கொடைக்கும் நன்றி.
நன்றியுடன்
கமலா ஹரிஹரன்.
// இந்த தெய்வீக அருளை இயற்கையாக கண்ணன் தங்களுக்கு தந்திருப்பதில்..//
நீக்குநான் இன்னும் எளியவன் ஆகின்றேன்.. என்னால் ஆவது யாதொன்றும் இல்லை.. எல்லாம் இறையருளே..
தங்களது
அன்பின் வருகையும் விரிவான கருத்துரையும் மகிழ்ச்சி.. நன்றி..
அருமை...
பதிலளிநீக்குஅன்பின் வருகையும் கருத்தும் மகிழ்ச்சி.. நன்றி தனபாலன்..
நீக்கு