கதிர்வேல் போற்றி

நாடும் வீடும் நலம் பெற வேண்டும்..

பகையும் பிணியும் தொலைந்திட வேண்டும்..

***

இன்று ஆடி மாதப் பிறப்பு..

தக்ஷிணாயன புண்ய காலம்..

கிருத்திகை நட்சத்திரம்..

கலைமட வார்தஞ் சிலைய தனாலுங்
கனவளை யாலுங் - கரைமேலே

கருகிய காலம் பெருகிய தோயம்
கருதலை யாலுஞ் - சிலையாலுங்

கொலைதரு காமன் பலகணை யாலுங்
கொடியிடை யாள்நின் றழியாதே

குரவணி நீடும் புயமணி நீபம்
குளிர்தொடை நீதந் - தருள்வாயே...

சிலைமகள் நாயன் கலைமகள் நாயன்
திருமகள் நாயன் - தொழும் வேலா

தினைவன மானும் கநவன மானும்
செறிவுடன் மேவும் - திருமார்பா

தலமகள் மீதெண் புலவர் உலாவும்
தணிகையில் வாழ்செங் - கதிர்வேலா

தனியவர் கூருந் தனிகெட நாளும்
தனிமயில் ஏறும் - பெருமாளே..
-: அருணகிரிநாதர் :-

வெற்றிவேல் முருகனுக்கு அரோகரா
வீரவேல் முருகனுக்கு அரோகரா..
ஃஃஃ