மார்கழி தரிசனம் 03

தமிழமுதம்

ஒருமைக்கண் தான் கற்ற கல்வி ஒருவற்கு

எழுமையும் ஏமாப் புடைத்து.. (0398)

அருளமுதம்

சூடிக் கொடுத்த சுடர்க்கொடி

ஸ்ரீ ஆண்டாள் அருளிச் செய்த திருப்பாவை 

திருப்பாடல் - 03

ஓங்கி உலகளந்த உத்தமன் பேர்பாடி

நாங்கள் நம் பாவைக்குச் சாற்றி நீராடினால்

தீங்கின்றி நாடெல்லாம் திங்கள் மும்மாரி பெய்து

ஓங்குபெரும் செந்நெல் ஊடுகயல் உகளப்

பூங்குவளைப் போதில் பொறிவண்டு கண் படுப்பத்

தேங்காதே புக்கிருந்து சீர்த்த முலை பற்றி

வாங்கக் குடம் நிறைக்கும் வள்ளல் பெரும் பசுக்கள்

நீங்காத செல்வம் நிறைந்தேலோர் எம்பாவாய்!..

ஆழ்வார் அமுதம்

இறையும் நிலனும் இருவிசும்பும் காற்றும்
அறைபுனலும் செந்தீயும் ஆவான் பிறைமருப்பின்
பைங்கண்மால் யானை படுதுயரம் காத்தளித்த
செங்கண்மால் கண்டாய் தெளி.. (2110)
-: பொய்கையாழ்வார் :- 

ஓம் ஹரி ஓம்!..

***

சிவதரிசனம்
திருப்பூந்துருத்தி

ஸ்ரீ புஷ்பவன நாதர் - திருப்பூந்துருத்தி 

மூவனாய் முதலாய் இவ்வுலகு எலாம்
காவனாய்க் கடுங் காலனைக் காய்ந்தவன்
பூவின் நாயகன் பூந்துருத்திந் நகர்த்
தேவன் சேவடிக் கீழ்நாம் இருப்பதே..(5/32)
-: திருநாவுக்கரசர் :-
*** 

ஸ்ரீ மாணிக்கவாசகர் அருளிச்செய்த 

திருப்பள்ளியெழுச்சி

திருப்பாடல் - 03

கூவின பூங்குயில் கூவின கோழி

குருகுகள் இயம்பின இயம்பின சங்கம்

ஓவின தாரகை ஒளிஒளி உதயத்து

ஒருப்படுகின்றது விருப்பொடு நமக்குத்

தேவநற் செறிகழல் தாளிணைக் காட்டாய்

திருப்பெருந்துறையுறை சிவபெருமானே

யாவரும் அறிவரியாய் எமக்கெளியாய்

எம்பெருமான் பள்ளி எழுந்தருளாயே!..

* * *

தேவி தரிசனம்

கண்ணியது உன்புகழ் கற்பது உன் நாமம் கசிந்துபத்தி

பண்ணியது உன்னிரு பாதாம்புயத்தில் பகலிரவா

நண்ணியது உன்னைநயந்தோர் அவையத்து நான்முன் செய்த

புண்ணியம் ஏது என்னம்மே புவி ஏழையும் பூத்தவளே.. (012) 

-: அபிராமி பட்டர் :-

ஓம் நம சிவாய சிவாய நம ஓம்..

***