சக்தி முழக்கம்

நாடும் வீடும் நலம் பெற வேண்டும்..

பகையும் பிணிகளும் தொலைந்திட வேண்டும்.. 

***

இன்றைய பதிவில்

சக்தி முழக்கம்..

எங்கெங்கு காணினும் சக்தியடா - தம்பி 

ஏழுகடல் அவள் வண்ணமடா!.. - அங்கு

தங்கும் வெளியினிற் கோடியண்டம் - அந்தத்

தாயின் கைப்பந்தென ஓடுமடா!.. - ஒரு

கங்குலில் ஏழு முகிலினமும் - வந்து 

கர்ச்சனை செய்வது கண்டதுண்டோ?.. - எனில்

மங்கை நகைத்த ஒலியெனலாம் - அவள்

மந்த நகையங்கு மின்னுதடா!..

காளை ஒருவன் கவிச்சுவையைக் - கரை

காண நினைத்த முழுநினைப்பில் - அன்னை

தோளசைத்தங்கே நடம் புரிவாள் - அவன்

தொல்லறிவாளர் திறம் பெறுவான் - ஒரு

வாளைச் சுழற்றும் விசையினிலே - இந்த 

வையம் முழுவதும் துண்டு செய்வேன் - என

நீளஇடை யின்றி நீநினைத்தால் - அம்மை

நேர்ப்படுவாள் உந்தன் தோளினிலே!..

- : பாவேந்தர் பாரதிதாசன் :-

இன்று பாவேந்தரின் நினைவு நாள்..

ஓம் சக்தி ஓம் சக்தி

ஓம் சக்தி ஓம்

ஃஃஃ