திங்கள்

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

வைகாசி 19

திங்கட்கிழமை

இன்று

பொரி அரிசி  தோசை 

தேவையான பொருட்கள்

புழுங்கல் அரிசி 200 g

ரவை 200 g

பொட்டுக்கடலை 1000 g

இஞ்சி சிறிதளவு

சீரகம் ஒரு tsp

கல் உப்பு தேவையான அளவு

தயிர் ஒரு tsp

பச்சை மிளகாய் 2

கறிவேப்பிலை ஒரு இணுக்கு

கொத்தமல்லி  சிறிதளவு

நெய் தேவைக்கு

செய்முறை

முதலில் வாணலி ஒன்றை

மிதமான சூட்டில் வைத்து அரிசியை கருகி விடாமல் பொரித்து ஆறியதும் கொர கொரப்பாக அரைத்துக் கொள்ளவும்.. 

அடுத்து பொட்டுக் கடலையையும் இதே போல அரைத்துக் கொள்ளவும்.. 

அடுத்து ரவையை ஓரளவுக்கு சிவக்க  வறுத்துக் கொள்ளவும்..

இஞ்சியை  சுத்தம் செய்து மெல்லியதாக நறுக்கிக் கொள்ளவும்.. 

பச்சை மிளகாய் கறிவேப்பிலை, கொத்த மல்லியையும் சன்னமாக நறுக்கிக் கொள்ளவும்..

பாத்திரம் ஒன்றில் அரிசிப் பொரி மாவு பொட்டுக்  கடலை மாவு ரவை,  .இஞ்சி சீரகம், தயிர் மற்றும் உப்பு சேர்த்து சிறிதளவு தண்ணீர் ஊற்றி நன்கு மென்மையாக கரைத்துக் கொள்ள வேண்டும்.

 கரைத்த மாவில்  பொடியாக நறுக்கிய  மிளகாய் கறிவேப்பிலை, கொத்த மல்லியையும்  சேர்த்துக் கொள்ள வேண்டும்.

 தோசைக் கல்லை அடுப்பில் வைத்து சூடானதும், கலந்து வைத்துள்ள மாவை மெல்லிய தோசைகளாக  ஊற்றவும்.

 

ஓரத்தில் சிறிது நெய் விட்டு வேக வைத்து எடுத்தால் பொரி அரிசி தோசை..

 மிளகாய் தாசர்கள் தவிர்த்து மற்றவர்கள் மிளகுத் தூள் சேர்த்துக் கொள்வது நலம்.

மொர மொரப்பாக  இருக்குமா?..

அதெல்லாம் உங்கள் கைப்பக்குவம்!..

உங்களது

தேவைக்கேற்ப அளவுகளை மாற்றிக் கொள்ளலாம்..

நமது சமையல்

நமது ஆரோக்கியம்

சிவாய நம ஓம்

**