தஞ்சையம்பதி: முடிவில்லாதவன்

வியாழன், அக்டோபர் 11, 2018

முடிவில்லாதவன்

முதலில் ஆதவன்

முதலில்லாதவன்!..

முடிவில் ஆதவன்

முடிவில்லாதவன்!..

அறிவில் ஆதவன்

நான் என்றான் - மனிதன்..

ஓசோனைத் துளைத்தான்..

உலகையும் தொலைத்தான்!..

அறிவில்லாதவன்

அக்னி முடிந்ததாய்

அறிக்கை விட்டான்

அட ... ஆணையிட்டான்..

அறிவில் ஆதவன்

அஞ்சுவனோ...

மட மானிடனை

அவன் கொஞ்சுவனோ?..

அகன்றான் இல்லை

ஆதவன்... அனல்

குறைந்தான் இல்லை

ஆதவன்!..

பனிமலை துகளாய்

சரிகின்றது...

மணல்வெளி நடுங்கி

விரிகின்றது...

முகில் திரள் நொறுங்கி

விழுகின்றது...

கடல் அலை நூறடி

எழுகின்றது...

காரணம் இதற்கென

எந்த இனம்?..

கையறு நிலையில்

மனித இனம்..

படித்தான் அதனால்

வாழ்வானது - உலகம்

படித்தவன் அவனால்

பாழானது!..

அடுத்ததை அறிந்தது

மனித மனம்..

ஆயினும் திருந்தலை

மனித இனம்!...

முதலில் ஆதவன்..

முடிவில் ஆதவன்!..

உலக முடிவில்

எழுவான் ஆதவன்!..

***

அன்பின் ஸ்ரீராம் அவர்கள்
எங்கள் Blog ன்
இன்றைய பதிவில்
அனல் தகிக்கும் ஆதவனைப் பற்றி
கவிதை நாடகம் போல் எழுதியிருந்தார்...

அனல் தகிக்கும் ஆதவனின் தாக்கத்தால்
விளைந்தது ஒரு கவிதை..
அதுவே இன்றைய பதிவு...

இயற்கையை வாசிப்போம்
இனிமையாய் அதை சுவாசிப்போம்!..

வாழ்க வையகம்..
வாழ்க வளமுடன்!..
ஃஃஃ

23 கருத்துகள்:

கோமதி அரசு11 அக்டோபர், 2018 11:13
வரகவி கவிதை அருமை.
ஆதவன் தாக்கத்தால் விளைந்த கவிதையும் படங்களும் அருமை.
நான் என் தளத்தில் கவிதைக்கு ஒருநாள் ஒதுக்க கேட்டுக் கொண்டேன் உங்களை, அது செயலுக்கு வந்து விட்டதே!
வாழ்க வையகம்!
வாழ்க வளமுடன்.
பதிலளிநீக்கு
பதில்கள்
KILLERGEE Devakottai11 அக்டோபர், 2018 12:10
அன்பின் ஜி
படங்களோடு சொல்லிச்சென்ற கவிதை வரிகள் அழகு.
பதிலளிநீக்கு
பதில்கள்
Dr B Jambulingam, Assistant Registrar (Retd), Tamil University11 அக்டோபர், 2018 12:22
இயற்கையை வாசிக்கவேண்டிய நேரம் இது.
பதிலளிநீக்கு
பதில்கள்
நெல்லைத்தமிழன்11 அக்டோபர், 2018 13:33
கவிதையையும் வார்த்தைகளையும் மிகவும் ரசித்தேன். உங்களுக்கு இருக்கும் வேலைச் சூழலில் இதற்கென அவகாசம் மற்றும் மனநிலை கிடைப்பது அரிது. நல்ல முயற்சி. பாராட்டுகள்.

எனக்கு அங்கு இருக்கும்போது எப்போதுமே ஒரு எண்ணம் தோன்றும். கெரசின் ஏசி வந்து 60+ வருடங்கள்தான் ஆகின்றன. அதற்கு முன்னால் பாலைவனத்தில் எப்படி வாழ்ந்திருப்பார்கள் என்று. அப்போதும் மனித இனம் நன்றாகத்தான் வாழ்ந்தது. துபாயில் மன்னர் பரம்பரையின் மாளிகை (70 வருடங்களுக்கு முந்தையது... சாதாரண மண் குழைத்து வனைந்த இடங்கள், அதில் ஒரு கிணறு, மேலே காற்று வருவதற்கு அரபுதேசத்திற்கே உரித்தான சாளரம் போன்று சாதாரண வீடு/குடிசை) - அதிலும் அவர்கள் வாழ்ந்திருந்திருக்கிறார்கள். ஆனால் ஏசி இல்லாமல் அங்கு ஒரு மக்களுக்கும் இப்போது பொழுது விடிவதில்லை. இதற்கு யார் காரணமாக இருக்கமுடியும்? நாம்தான். ஏசி உபயோகப்படுத்தி ஓசோனில் ஓட்டை இட்டு, சூடு அதிகமாக இருக்கிறதென்று, இன்னும் வலிய ஏசியைத் தேடி ஓடிக்கொண்டிருக்கிறோம்....

மிகவும் ரசித்த ஓரளவு சந்தத்துடன் கூடிய கவிதை. நல்ல முயற்சி.
பதிலளிநீக்கு
பதில்கள்
Geetha Sambasivam11 அக்டோபர், 2018 13:42
மிக அருமை. கண்ணுக்குத் தெரியும் ஒரே கடவுள் ஆதவன்! கடவுள் தண்டிப்பாரா எனில்? ஆம்! ஆதவனாகிய கடவுள் நிச்சயமாய்த் தண்டிப்பார்/தண்டிக்கிறார்/ தண்டித்திருக்கிறார் சுட்டெரிப்பதன் மூலமும், மழையை உரிய நேரத்தில் அனுப்பாமலும், அதிக வெள்ளத்தையும் வறட்சியையும் உண்டாக்கியும்! எனினும் நாம் திருந்தவில்லை! திருந்துவோமா? சந்தேகமே!
பதிலளிநீக்கு
பதில்கள்
பொன்னியின்செல்வனைப் படிக்கும்:) ) அதிரா11 அக்டோபர், 2018 14:36
ஆஆஆ கவித கவித அதுவும் ஆதவன் கவித.. அழகாக சொல்லிட்டீங்க.. அடுத்து நிலவுக் கவிதையும் எழுதோணும் துரை அண்ணன்.
பதிலளிநீக்கு
பதில்கள்
'பரிவை' சே.குமார்11 அக்டோபர், 2018 14:59
படங்களும் கவிதை வரிகளும் அழகு& அருமை ஐயா....
பதிலளிநீக்கு
பதில்கள்
ஸ்ரீராம்.11 அக்டோபர், 2018 15:07
அருமை துரை ஸார். வெயில் வரும் காரணம் என்னவென்றும் ஆராய்ந்து வரி வரியாய் சொடுக்கி இருக்கிறீர்கள்.
பதிலளிநீக்கு
பதில்கள்
ஸ்ரீராம்.11 அக்டோபர், 2018 15:08
படிக்கும் பொது சில வரிகள் நம்மை வேறு சிந்தனைகளுக்கு இட்டுச் செல்லும். பார்க்கும் ஓவியங்கள், படங்களும் அப்படிதான். இன்று எங்கள் பதிவு அப்படி ஒரு அதிருஷ்டத்தைச் சந்தித்திருக்கிறது என்று தெரிகிறது. நன்றி துரை ஸார்.
பதிலளிநீக்கு
பதில்கள்
G.M Balasubramaniam11 அக்டோபர், 2018 16:00
அனல் தகிக்கும் ஆதவனின் தாக்கத்தால் விளைந்த கவிதை குவைத்திலும் விளைவு தெரிகிறது பாராட்டுகள்
பதிலளிநீக்கு
பதில்கள்
திண்டுக்கல் தனபாலன்13 அக்டோபர், 2018 07:59
கவிதை வரிகள் அருமை ஐயா...
பதிலளிநீக்கு
பதில்கள்