மார்கழி 11

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 11

வியாழக்கிழமை

குறளமுதம்

அறன்எனப் பட்டதே இல்வாழ்க்கை அஃதும் பிறன்பழிப்ப தில்லாயின் நன்று.. 49

அருளமுதம்

ஸ்ரீ ஆண்டாள்

அருளிச் செய்த

 திருப்பாவை

கற்றுக் கறவைக் கணங்கள் பலகறந்து

செற்றார் திறலழியச் சென்று செருச் செய்யும்

குற்றமொன் றில்லாத கோவலர் தம் பொற்கொடியே

புற்றரவு அல்குல் புனமயிலே போதராய்

சுற்றத்துத் தோழிமார் எல்லாரும் வந்துநின்

முற்றம் புகுந்து முகில்வண்ணன் பேர்பாட

சிற்றாதே பேசாதே செல்வப்பெண்டாட்டி நீ

எற்றுக்கு உறங்கும் பொருளேலோர் எம்பாவாய்.. 11

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

 திருவெம்பாவை

ஆதியும் அந்தமும் இல்லா அரும்பெரும்

சோதியை யாம்பாடக் கேட்டேயும் வாள்தடங்கண்

மாதே வளருதியோ வன்செவியோ நின்செவிதான்

மாதேவன் வார்கழல்கள் வாழ்த்திய வாழ்த்தொலிபோய்

வீதிவாய்க் கேட்டலுமே விம்மிவிம்மி மெய்ம்மறந்து

போதார் அமளியின்மேல் நின்றும் புரண்டும் இங்ஙன்

ஏதேனும் ஆகாள் கிடந்தாள் என்னேயென்னே

ஈதே எந்தோழி பரிசேலோர் எம்பாவாய்... 1

**

ஸ்ரீ ஞானசம்பந்தர்

அருளிச்செய்த

கோளிலி திருப்பதிகம்

நவகோள் வினை தீர்க்கின்ற திருப்பதிகம்

நாளாய போகாமே நஞ்சணியுங் கண்டனுக்கே

ஆளாய அன்பு செய்வோம் மடநெஞ்சே அரன் நாமம்

கேளாய் நம் கிளை கிளைக்குங் கேடுபடாத் திறமருளிக்

கோளாய நீக்குமவன் கோளிலி எம்பெருமானே.. 1

**

ஸ்ரீ சுந்தரர்

அருளிச்செய்த

கச்சித் திருப்பதிகம்

இத்திருப்பதிகத்தினால் 

சுந்தரர் இடது கண்ணில் பார்வை பெற்றார்..

ஆலந் தான்உகந் தமுதுசெய் தானை

  ஆதி யைஅம ரர்தொழு தேத்தும்

சீலந் தான்பெரி தும்முடை யானைச்

  சிந்திப் பாரவர் சிந்தையு ளானை

ஏலவார் குழலாள் உமை நங்கை

  என்றும் ஏத்தி வழிபடப் பெற்ற

கால காலனைக் கம்பனெம் மானைக்

  காணக் கண்அடி யேன்பெற்ற வாறே..  1  

நன்றி

பன்னிரு திருமுறை

தருமபுர ஆதீனம்

ஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 10

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 10 

புதன்கிழமை

குறளமுதம்

அன்பும் அறனும் உடைத்தாயின் இல்வாழ்க்கை பண்பும் பயனும் அது.. 45

அருளமுதம்

ஸ்ரீ ஆண்டாள்

அருளிச்செய்த

திருப்பாவை

நோற்றுச் சுவர்க்கம் புகுகின்ற அம்மனாய்

மாற்றமும் தராரோ வாசல் திறவாதார்

நாற்றத் துழாய்முடி நாராயணன் நம்மால்

போற்றப் பறைதரும் புண்ணியனால் பண்டொருநாள்

கூற்றத்தின் வாய்வீழ்ந்த கும்பகர்ணனும்

தோற்றும் உனக்கே பெருந்துயில் தந்தானோ

ஆற்ற அனந்தல் உடையாய் அருங்கலமே

தேற்றமாய் வந்து திறவேலோர் எம்பாவாய.. 10

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

புவனியிற் போய்ப்பிற வாமையில் நாள்நாம்

போக்குகின் றோம்அவ மேஇந்தப் பூமி

சிவனுய்யக் கொள்கின்ற வாறென்று நோக்கித்

திருப்பெருந் துறையுறை வாய்திரு மாலாம்

அவன்விருப் பெய்தவும் மலரவன் ஆசைப்

படவும்நின் அலர்ந்தமெய்க் கருணையும் நீயும்

அவனியிற் புகுந்தெமை ஆட்கொள்ள வல்லாய்

ஆரமு தேபள்ளி எழுந்தருளாயே.. 10

திருப்பள்ளி எழுச்சி நிறைவு பெற்றது..

ஸ்ரீ திருநாவுக்கரசர்

அருளிச்செய்த

திருத்தாண்டகம்

நெடிய விசும்பொடு கண்ணே போற்றி

நீள அகல முடையாய் போற்றி

அடியும் முடியும் இகலி போற்றி

அங்கொன் றறியாமை நின்றாய் போற்றி

கொடிய வன் கூற்றம் உதைத்தாய் போற்றி

கோயிலா என் சிந்தை கொண்டாய் போற்றி

கடிய உருமொடு மின்னே போற்றி

கயிலை மலையானே போற்றி போற்றி.. 10

உண்ணா துறங்காது இருந்தாய் போற்றி

ஓதாதே வேதம் உணர்ந்தாய் போற்றி

எண்ணா இலங்கைக் கோன் தன்னைப் போற்றி

இறைவிரலால் வைத்துகந்த ஈசா போற்றி

பண்ணார் இசையின்சொற் கேட்டாய் போற்றி

பண்டே என் சிந்தை புகுந்தாய் போற்றி

கண்ணாய் உலகுக்கு நின்றாய் போற்றி

கயிலை மலையானே போற்றி போற்றி.. 11

திருத்தாண்டகம் நிறைவு பெற்றது..

 

நன்றி

பன்னிரு திருமுறை

தருமபுர ஆதீனம்

ஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 9

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 9 

செவ்வாய்க்கிழமை

குறளமுதம்

அறத்தான் வருவதே இன்பமற் றெல்லாம் புறத்த புகழும் இல.. 39

அருளமுதம்

ஸ்ரீ ஆண்டாள்

அருளிச்செய்த

திருப்பாவை

தூமணி மாடத்து சுற்றும் விளக்கெரிய

தூபம் கமழத் துயிலணை மேல் கண்வளரும்

மாமன் மகளே மணிக்கதவம் தாள் திறவாய்

மாமீர் அவளை எழுப்பீரோ  உன்மகள் தான்

ஊமையோ அன்றிச் செவிடோ அனந்தலோ

ஏமப்பெருந்துயில் மந்திரப்பட்டாளோ

மாமாயன் மாதவன் வைகுந்தன் என்றென்று

நாமம் பலவும் நவின்றேலோர் எம்பாவாய்.. 9

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

விண்ணகத் தேவரும் நண்ணவும் மாட்டா

விழுப்பொருளே உன தொழுப்படி யோங்கள்

மண்ணகத்தே வந்து வாழச்செய்தானே

வண்திருப் பெருந்துறை யாய்வழி யடியோம்

கண்ணகத்தே நின்று களிதரு தேனே

கடலமுதே கரும்பே விரும் படியார்

எண்ணகத்தாய் உலகுக்குயி ரானாய்

எம்பெருமான் பள்ளி எழுந்தரு ளாயே.. 9

ஸ்ரீ திருநாவுக்கரசர்

அருளிச்செய்த

திருத்தாண்டகம்

 

மூவாய் பிறவாய் இறவாய் போற்றி

முன்னமே தோன்றி முளைத்தாய் போற்றி

தேவாதி தேவர்தொழுந் தேவே போற்றி

சென்றேறி எங்கும் பரந்தாய் போற்றி

ஆவாய் அடியேனுக் கெல்லாம் போற்றி

அல்லல் நலிய அலந்தேன் போற்றி

காவாய் கனகத் திரளே போற்றி

கயிலை மலையானே போற்றி போற்றி..9

 நன்றி

பன்னிரு திருமுறை

தருமபுர ஆதீனம்

ஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 8

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 8 

திங்கட்கிழமை

குறளமுதம்

அன்றறிவாம் என்னா தறஞ்செய்க மற்றது பொன்றுங்கால் பொன்றாத் துணை.. 36

அருளமுதம்

ஸ்ரீ ஆண்டாள்

அருளிச்செய்த

திருப்பாவை

கீழ்வானம் வெள்ளென்று எருமை சிறுவீடு

மேய்வான் பரந்தனகாண் மிக்குள்ள பிள்ளைகளும்

போவான் போகின்றாரை போகாமல் காத்துன்னை

கூவுவான் வந்துநின்றோம் கோது கலமுடைய

பாவாய்! எழுந்திராய் பாடிப் பறைகொண்டு

மாவாய் பிளந்தானை மல்லரை மாட்டிய

தேவாதி தேவனைச் சென்று நாம் சேவித்தால்

ஆஆ என்று ஆராய்ந்து அருளேலோர் எம்பாவாய்.. 8

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

முந்திய முதல்நடு இறுதியும் ஆனாய்

மூவரும் அறிகிலர் யாவர்மற் றறிவார்

பந்தணை விரலியும் நீயும்நின் அடியார்

பழங்குடில் தொறும்எழுந் தருளிய பரனே

செந்தழல் புரைதிரு மேனியுங் காட்டித்

திருப்பெருந் துறையுறை கோயிலுங் காட்டி

அந்தணன் ஆவதுங் காட்டி வந்தாண்டாய்

ஆரமுதே பள்ளி எழுந்தரு ளாயே. . 8

ஸ்ரீ திருநாவுக்கரசர்

அருளிச்செய்த

திருத்தாண்டகம்

இமையாது உயிரா திருந்தாய் போற்றி

என்சிந்தை நீங்கா இறைவா போற்றி

உமைபாக மாகத் தணைத்தாய் போற்றி

ஊழி ஏழான ஒருவா போற்றி

அமையா வருநஞ்சம் ஆர்ந்தாய் போற்றி

ஆதி புராணனாய் நின்றாய் போற்றி

கமையாகி நின்ற கனலே போற்றி

கயிலை மலையானே போற்றி போற்றி.. 8

 நன்றி

பன்னிரு திருமுறை

தருமபுர ஆதீனம்

ஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 7

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 7

ஞாயிற்றுக்கிழமை

குறளமுதம்

மனத்துக்கண் மாசிலன் ஆதல் அனைத்தறன் 

ஆகுல நீர பிற.. 34

அருளமுதம்

ஸ்ரீ ஆண்டாள்

அருளிச்செய்த

திருப்பாவை

கீசுகீசு என்றெங்கும் ஆனைச்சாத்தன் கலந்து

பேசின பேச்சரவம் கேட்டிலையோ பேய்ப்பெண்ணே

காசும் பிறப்பும் கலகலப்பக் கைபேர்த்து

வாச நறுங்குழல் ஆய்ச்சியர் மத்தினால்

ஓசை படுத்த தயிர் அரவம் கேட்டிலையோ

நாயகப் பெண்பிள்ளாய் நாராயணன் மூர்த்தி

கேசவனைப் பாடவும் நீ கேட்டே கிடத்தியோ

தேசம் உடையாய்! திறவேலோர் எம்பாவாய்... 7

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

அதுபழச் சுவையென அமுதென அறிதற்கு

அரிதென எளிதென அமரரும் அறியார்

இதுஅவன் திருவுரு இவன்அவன் எனவே

எங்களை ஆண்டுகொண்டு இங்கெழுந் தருளும்

மதுவளர் பொழில் திருஉத்தர கோச

மங்கையுள்ளாய் திருப் பெருந்துறை மன்னா

எதுஎமைப் பணிகொளு மாறது கேட்போம்

எம்பெருமான் பள்ளி எழுந்தருளாயே.. 7

ஸ்ரீ திருநாவுக்கரசர்

அருளிச்செய்த

திருத்தாண்டகம்

பண்ணின் இசையாகி நின்றாய் போற்றி

பாவிப்பார் பாவம் அறுப்பாய் போற்றி

எண்ணும் எழுத்தும் சொல் ஆனாய் போற்றி

என்சிந்தை நீங்கா இறைவா போற்றி

விண்ணும் நிலனும் தீ ஆனாய் போற்றி

மேலவர்க்கும் மேலாகி நின்றாய் போற்றி

கண்ணின் மணியாகி நின்றாய் போற்றி

கயிலை மலையானே போற்றி போற்றி.. 7

 நன்றி

பன்னிரு திருமுறை

தருமபுர ஆதீனம்

ஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 6

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 6 

சனிக்கிழமை

குறளமுதம்

ஒல்லும் வகையான அறவினை ஓவாதே செல்லும்வாய் எல்லாஞ் செயல்.. 33

அருளமுதம்

ஸ்ரீ ஆண்டாள்

அருளிச்செய்த

திருப்பாவை

புள்ளும் சிலம்பின காண் புள்ளரையன் கோயிலில்

வெள்ளை விளிசங்கின் பேரரவம் கேட்டிலையோ

பிள்ளாய் எழுந்திராய் பேய்முலை நஞ்சுண்டு

கள்ளச் சகடம் கலக்கழியக் காலோச்சி

வெள்ளத்து அரவில் துயிலமர்ந்த வித்தினை

உள்ளத்துக் கொண்டு முனிவர்களும் யோகிகளும்

மெள்ள எழுந்து அரியென்ற பேரரவம்

உள்ளம் புகுந்து குளிர்ந்தேலோர் எம்பாவாய்.. 6

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

ஃஃ

பப்பற வீட்டிருந்து உணரும்நின் அடியார்

பந்தனை வந்தறுத்தார் அவர் பலரும்

மைப்புறு கண்ணியர் மானுடத்து இயல்பின்

வணங்குகின்றார் அணங் கின் மணவாளா

செப்புறு கமலங்கள் மலருந்தண் வயல்சூழ்

திருப்பெருந் துறையுறை சிவபெருமானே

இப்பிறப் பறுத்தெமை ஆண்டருள் புரியும்

எம்பெருமான் பள்ளி எழுந்தருளாயே.. 6

ஸ்ரீ திருநாவுக்கரசர்

அருளிச்செய்த

திருத்தாண்டகம்

சில்லுருவாய்ச் சென்று திரண்டாய் போற்றி

தேவர் அறியாத தேவே போற்றி

புல்லுயிர்க்கும் பூட்சி புணர்த்தாய் போற்றி

போகாதென் சிந்தை புகுந்தாய் போற்றி

பல்லுயிராய்ப் பார்தோறும் நின்றாய் போற்றி

பற்றி உலகை விடாதாய் போற்றி

கல்லுயிராய் நின்ற கனலே போற்றி

கயிலை மலையானே போற்றி போற்றி.. 6

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 5

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 5

வெள்ளிக்கிழமை

குறளமுதம்

நீரின் றமையா துலகெனின் யார்யார்க்கும் வானின் றமையா தொழுக்கு.. 20

அருளமுதம்

ஸ்ரீ ஆண்டாள்

அருளிச்செய்த

திருப்பாவை

மாயனை மன்னு வடமதுரை மைந்தனைத்

தூய பெருநீர் யமுனைத் துறைவனை

ஆயர் குலத்தினில் தோன்றும் அணிவிளக்கைத்

தாயைக் குடல்விளக்கம் செய்த தாமோதரனைத்

தூயோமாய் வந்துநாம் தூமலர் தூவித்தொழுது

வாயினால் பாடி மனத்தினால் சிந்திக்கப்

போய பிழையும் புகுதருவான் நின்றனவும்

தீயினில் தூசாகும் செப்பேலோர் எம்பாவாய்.. 5

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

பூதங்கள் தோறும்நின் றாயெனின் அல்லால்

போக்கிலன் வரவிலன் எனநினைப் புலவோர்

கீதங்கள் பாடுதல் ஆடுதல் அல்லால்

கேட்டறி யோம் உனைக் கண்டறி வாரைச்

சீதங்கொள் வயல்திருப் பெருந்துறை மன்னா

சிந்தனைக்கும் அரியாய் எங்கள் முன்வந்து

ஏதங்கள் அறுத்தெம்மை ஆண்டருள் புரியும்

எம்பெருமான் பள்ளி எழுந்தருளாயே.. 5

ஸ்ரீ திருநாவுக்கரசர்

அருளிச்செய்த

திருத்தாண்டகம்

ஊராகி நின்ற உலகே போற்றி

ஓங்கி அழலாய் நிமிர்ந்தாய் போற்றி

பேராகி எங்கும் பரந்தாய் போற்றி

பெயராதென் சிந்தை புகுந்தாய் போற்றி

நீராவியான நிழலே போற்றி

நேர்வார் ஒருவரையும்  இல்லாய் போற்றி

காராகி நின்ற முகிலே போற்றி

கயிலை மலையானே போற்றி போற்றி.. 5

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 4

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 4

வியாழக்கிழமை

குறளமுதம்

தானம் தவமிரண்டும் தங்கா வியனுலகம் வானம் வழங்கா தெனின்.. 19

அருளமுதம்

ஸ்ரீ ஆண்டாள்

அருளிச்செய்த

திருப்பாவை

ஆழி மழைக்கண்ணா ஒன்றுநீ கைகரவேல்

ஆழியுள் புக்கு முகந்துகொடு ஆர்த்தேறி

ஊழி முதல்வன் உருவம்போல் மெய்கறுத்துப்

பாழியந் தோளுடைப் பற்பனாபன் கையில்

ஆழி போல்மின்னி வலம்புரி போல் நின்று

அதிர்ந்து தாழாதே சார்ங்கம் உதைத்த சரமழை போல்

வாழ உலகினில் பெய்திடாய் நாங்களும்

மார்கழி நீராட மகிழ்ந்தேலோர் எம்பாவாய்.. 4

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

இன்னிசை வீணையர் யாழினர் ஒருபால்

இருக்கொடு தோத்திரம் இயம்பினர் ஒருபால்

துன்னிய பிணைமலர்க் கையினர் ஒருபால்

தொழுகையர் அழுகையர் துவள்கையர் ஒருபால்

சென்னியில் அஞ்சலி கூப்பினர் ஒருபால்

திருப்பெருந் துறையுறை சிவபெருமானே

என்னையும் ஆண்டுகொண்டு இன்னருள் புரியும்

எம்பெருமான் பள்ளி எழுந்தரு ளாயே.. 4

ஸ்ரீ திருநாவுக்கரசர்

அருளிச்செய்த

திருத்தாண்டகம்

வானத்தார் போற்றும் மருந்தே போற்றி

வந்தென்றன் சிந்தை புகுந்தாய் போற்றி

ஊனத்தை நீக்கும் உடலே போற்றி

ஓங்கி அழலாய் நிமிர்ந்தாய் போற்றி

தேனத்தை வார்த்த தெளிவே போற்றி

தேவர்க்குந் தேவனாய் நின்றாய் போற்றி

கானத்தீ யாடல் உகந்தாய் போற்றி

கயிலை மலையானே போற்றி போற்றி.. 4

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 3

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 3 

புதன்கிழமை

குறளமுதம்

ஏரின் உழாஅர் உழவர் புயல்என்னும் வாரி வளங்குன்றிக் கால்.. 14

அருளமுதம்

ஸ்ரீ ஆண்டாள்

அருளிச்செய்த

திருப்பாவை

ஓங்கி உலகளந்த உத்தமன் பேர்பாடி

நாங்கள்நம் பாவைக்குச் சாற்றிநீ ராடினால்

தீங்கின்றி நாடெல்லாம் திங்கள்மும் மாரிபெய்து

ஓங்கு பெறும்செந் நெல்ஊடு கயலுகளப்

பூங்குவளைப் போதில் பொறிவண்டு கண்படுப்பத்

தேங்காதே புக்கிருந்து சீர்த்த முலைபற்றி

வாங்க குடம் நிறைக்கும் வள்ளல் பெரும்பசுக்கள்

நீங்காத செல்வம் நிறைந்தேலோர் எம்பாவாய்.. 3

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

கூவின பூங்குயில் கூவின கோழி

குருகுகள் இயம்பின இயம்பின சங்கம்

ஓவின தாரகை யொளிஒளி உதயத்

தொருப்படு கின்றது விருப்பொடு நமக்குத்

தேவநற் செறிகழல் தாளிணை காட்டாய்

திருப்பெருந் துறையுறை சிவபெருமானே

யாவரும் அறிவரி யாய்எமக் கெளியாய்

எம்பெருமான் பள்ளி எழுந்தரு ளாயே.. 3

ஸ்ரீ திருநாவுக்கரசர்

அருளிச்செய்த

திருத்தாண்டகம்

மருவார் புரமூன்றும் எய்தாய் போற்றி

மருவியென் சிந்தை புகுந்தாய் போற்றி

உருவாகி யென்னைப் படைத்தாய் போற்றி

உள்ளாவி வாங்கி ஒளித்தாய் போற்றி

திருவாகி நின்ற திறமே போற்றி

தேசம் பரவப் படுவாய் போற்றி

கருவாகி ஓடும் முகிலே போற்றி

கயிலை மலையானே போற்றி போற்றி.. 3

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 2

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 2 

செவ்வாய்க்கிழமை

குறளமுதம்

வானின் றுலகம் வழங்கி வருதலால் 

தானமிழ்தம் என்றுணரற் பாற்று.. 11

அருளமுதம்

ஸ்ரீ ஆண்டாள்

அருளிச்செய்த

திருப்பாவை

வையத்து வாழ்வீர்காள் நாமும் நம் பாவைக்குச்

செய்யும் கிரிசைகள் கேளீரோ பாற்கடலுள்

பையத் துயின்ற பரமனடி பாடி

நெய்யுண்ணோம் பாலுண்ணோம் நாட்காலே நீராடி

மையிட்டு எழுதோம் மலரிட்டு நாம்முடியோம்

செய்யாதன செய்யோம் தீக்குறளைச் சென்றோதோம்

ஐயமும் பிச்சையும் ஆந்தனையும் கைகாட்டி

உய்யுமா றெண்ணி உகந்தேலோர் எம்பாவாய். 2

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

அருணன் இந்திரன்திசை அணுகினன் இருள்போய்

அகன்றது உதயநின் மலர்த்திரு முகத்தின்

கருணையின் சூரியன் எழஎழ நயனக்

கடிமலர் மலரமற் றண்ணல்அங் கண்ணாம்

திரள்நிரை அறுபதம் முரல்வன இவையோர்

திருப்பெருந் துறையுறை சிவபெருமானே

அருள்நிதி தரவரும் ஆனந்த மலையே

அலைகடலே பள்ளி எழுந்தருளாயே.. 2

ஸ்ரீ திருநாவுக்கரசர்

அருளிச்செய்த

திருத்தாண்டகம்

பிச்சாடல் பேயோடு உகந்தாய் போற்றி

பிறவி யறுக்கும் பிரானே போற்றி

வைச்சாடல் நன்று மகிழ்ந்தாய் போற்றி

மருவியென் சிந்தை புகுந்தாய் போற்றி

பொய்ச்சார் புரமூன்ற எய்தாய் போற்றி

போகாதென் சிந்தை புகுந்தாய் போற்றி

கச்சாக நாகம் அசைத்தாய் போற்றி

கயிலை மலையானே போற்றி போற்றி.. 2

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***

மார்கழி 1

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி முதல் நாள்

திங்கட்கிழமை

மாதங்களில் நான் மார்கழி என்கின்றான் கீதாச்சார்யன்..

தேவர்களுக்கு மார்கழி மாதம் தான் வைகறைப் பொழுது .. பிரம்ம முகூர்த்த காலம்..

இறை வழிபாட்டிற்கு மட்டுமே அர்ப்பணிக்கப்பட்டுள்ள மாதம் - மார்கழி..

மார்கழியை அனுசரிப்பவர்கள் இம்மாதத்தில் வழிபாடுகளைத் தவிர 

 வேறு வித மங்கலங்களை  வீட்டில் நடத்துவது இல்லை.. 

சூரிய உதயத்திற்கு முன்னதாக சைவ , வைணவ ஆலயங்களில்  அபிஷேக ஆராதனை நடத்தப்படுவதே இம்மாதத்திற்குரிய சிறப்பு..

இம்மாதத்தில் தான் சைவத்தின்  பெருஞ்சிறப்பாகிய திரு ஆதிரை.. ஆருத்ரா தரிசனம்..

வைணவத்தின்  பெருஞ்சிறப்பாகிய வைகுண்ட ஏகாதசி.. சொர்க்க வாசல் திறப்பு வைபவம்...

காலக் கணக்கில் ஒன்பதாவது மாதம்.. ஜோதிட இயலின்படி சூரியன் தனுசு ராசியில் சஞ்சரிக்கின்ற காலம்..

மார்கழி மாதத்தில் சூரிய உதயத்திற்கு முன்பாக எழுந்து, குளித்து -  வாசல் தெளித்து பச்சரிசி மாவினால் கோலமிட்டு நெய் விளக்கு ஏற்றி வைத்து இறை நாமங்களைச் சொல்வதும் பாடுவதும் பண்டைய மரபு..

பழைமையை மறவாதவர்களே

இப்போது அவ்வழியில் நடக்கின்றனர்..

சக்கரம் ஏந்தி நின்றாய் - கண்ணா!

சார்ங்கம் என் றொருவில்லைக் கரத்துடையாய்!

அட்சரப் பொருளாவாய் - கண்ணா!

அக்கார அமுதுண்ணும் பசுங்குழந்தாய்!

துக்கங்கள் அழித்திடுவாய், - கண்ணா!

தொண்டர் கண்ணீர்களைத் துடைத்திடுவாய்!

தக்கவர் தமைக் காப்பாய் - அந்தச்

சதுர்முக வேதனைப் படைத்துவிட்டாய். 90

பாஞ்சாலி சபதம்

-: மகாகவி :-

தனுர் மாதம் எனப்படும் 

மார்கழியில் அதிகாலையில்

பூஜை செய்வதும், சிவ, விஷ்ணு ஆலயங்களின்  பூஜைகளில் கலந்து கொள்வதும் இறையருளைப் பரிபூரணமாக பெற்றுத் தரும் என்பது முன்னோர் வாக்கு..

மங்கலங்களை வாரித் தருகின்ற மார்கழி மாதத்தினை வணங்கி வரவேற்போம்...

குறளமுதம்

அகர முதல எழுத்தெல்லாம்  ஆதி 

பகவன் முதற்றே உலகு.. 1

அருளமுதம்

ஸ்ரீ ஆண்டாள்

அருளிச்செய்த

திருப்பாவை

மார்கழித் திங்கள் மதிநிறைந்த நன்னாளால்

நீராடப் போதுவீர் போதுமினோ நேரிழையீர்

சீர்மல்கும் ஆய்ப்பாடிச் செல்வச் சிறுமீர்காள்

கூர்வேல் கொடுந்தொழிலன் நந்தகோபன் குமரன்

ஏரார்ந்த கண்ணி யசோதை இளஞ்சிங்கம்

கார்மேனி செங்கண் கதிர்மதியம் போல்முகத்தான்

நாராயணனே நமக்கே பறை தருவான்

பாரோர் புகழப் படிந்தேலோர் எம்பாவாய்.. 1

பச்சைமா மலைபோல்மேனி பவளவாய் கமலச் செங்கண்

அச்சுதா அமரர் ஏறே ஆயர்தம் கொழுந்தே என்னும்

இச்சுவை தவிர யான்போய் இந்திர லோகம் ஆளும்

அச்சுவை பெறினும் வேண்டேன் அரங்கமா நகரு ளானே..

-: தொண்டரடிப்பொடியாழ்வார் :-

 நன்றி

நாலாயிர திவ்யப்ரபந்தம்

ஸ்ரீ மாணிக்கவாசகர்

அருளிச்செய்த

திருப்பள்ளியெழுச்சி

போற்றிஎன் வாழ்முதல்  ஆகிய பொருளே

புலர்ந்தது பூங்கழற்கு இணைதுணை மலர்கொண்டு

ஏற்றிநின் திருமுகத்து எமக்கருள் மலரும்

எழில்நகை கொண்டுநின் திருவடி தொழுகோம்

சேற்றிதழ்க் கமலங்கள் மலருந்தண் வயல்சூழ்

திருப்பெருந் துறையுறை சிவபெருமானே

ஏற்றுயர் கொடியுடை யாய்எனை யுடையாய்

எம்பெருமான் பள்ளி எழுந்தருளாயே..1

ஸ்ரீ திருநாவுக்கரசர்

அருளிச்செய்த

திருத்தாண்டகம்

வேற்றாகி விண்ணாகி நின்றாய் போற்றி

மீளாமே ஆளென்னைக் கொண்டாய் போற்றி

ஊற்றாகி உள்ளே ஒளித்தாய் போற்றி

ஓவாத சத்தத்து ஒலியே போற்றி

ஆற்றாகி அங்கே அமர்ந்தாய் போற்றி

ஆறங்கம் நால்வேதம் ஆனாய் போற்றி

காற்றாகி எங்குங் கலந்தாய் போற்றி

கயிலை மலையானே போற்றி போற்றி... 1

 நன்றி

பன்னிரு திருமுறை

தருமபுர ஆதீனம்

ஃஃ

ஓம் ஹரி ஓம் 

ஓம் நம சிவாய 

சிவாய நம ஓம்

***