வாழ்க நீ!..

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

தான் ஆட்சிப் பொறுப்பில் இருக்கும் போது எல்லா விதத்திலும்  மக்களுக்கு நல்லது செய்ய வேண்டும் என்பதிலும் தன்னால் அரசுக்கு அவப்பெயர் வந்து விடக்கூடாது என்பதிலும் உறுதியாக இருந்தார்..

தன் பெயரைச் சொல்லி உறவினர்கள் அதிகாரத்தை பயன்படுத்தி விடக்கூடாது என்பதிலும் கவனமாக இருந்தார்..

அதனால் தான் தள்ளாத வயதில் இருந்த தாயைக் கூட  தன் அருகில் வைத்துக் கொள்ளவில்லை..

தாய்க்கும், விதவைத் தங்கைக்கும் மாதாந்திர குடும்பச் செலவுகளுக்கு என்று அவர் அனுப்பி வைத்த தொகை நூறு ரூபாய்க்கும் கொஞ்சம் அதிகம்..

முதல்வராக இருந்த நேரத்தில் வீட்டின் சுற்றுச் சுவர் இடிந்து விழுந்திருக்கிறது. 

அவரது தாய் அதை மீண்டும்  கட்டித் தர சொல்லிக் கேட்டபோது இப்படிக் கூறினார் -  

" மந்திரி ஆனதும் வீடுலாம் கட்டிட்டான்.. ன்னு நாலு பேரு பேசுவான். அதெல்லாம் வேண்டாம். நீ சும்மா இருன்ணேன்.. "

பெற்ற தாயிடத்தும் விதவைத் தங்கையிடத்தும் கூட ஈவு இரக்கம் காட்டாத கல் நெஞ்சுக்கு உரியவர் - பெருந்தலைவர்

காமராஜர்..

15 ஜூலை 1903

அவருடைய பிறந்த நாள் இன்று..

 தாயும் மகனும்

இப்போது, அப்படியெல்லாம் 

ஊருக்கும் உண்மைக்கும் யாரும் பயந்து நடப்பதில்லை என்பதே உண்மை..

தொண்டு, தூய்மை, எளிமை, நாட்டுப்பற்று, தியாகம் ஆகிய நற்பண்புகளின் இருப்பிடமாகத் திகழ்ந்த பெருந்தலைவரை என்றும் நினைவில் கொள்வோம்..

பெருந்தலைவருடைய

புகழினைத்

 தலைமேற்கொண்டு

 வணங்குகின்றேன்..

வாழ்க நீ எம்மான்

மாசற்ற மாணிக்கமே!..

***