மார்கழி 23

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மார்கழி 23

குறளமுதம்

கண்ணுடையர் என்பவர் கற்றோர் முகத்திரண்டு

புண்ணுடையர் கல்லா தவர்.. 393

அருளமுதம்

ஸ்ரீ ஆண்டாள் அருளிச் செய்த திருப்பாவை

மாரி மலைமுழஞ்சில் மன்னிக்கிடத்துறங்கும்

சீரிய சிங்கம் அறிவுற்றுத் தீவிழித்து

வேரி மயிர்பொங்க எப்பாடும் பேர்ந்துதறி

மூரி நிமிர்ந்து முழங்கப் புறப்பட்டு

போதருமா போலே நீ பூவைப்பூ வண்ணா! உன்

கோயில் நின்று இங்ஙனே போந்தருளி கோப்புடைய

சீரிய சிங்கா சனத்திருந்து யாம்வந்த

காரியம் ஆராய்ந்து அருளேலோர் எம்பாவாய்.. 23

ஸ்ரீ மாணிக்கவாசகர் அருளிச் செய்த திருவெம்பாவை

பைங்குவளைக் கார்மலரால் செங்கமலப் பைம்போதால்

அங்கங் குருகினத்தால் பின்னும் அரவத்தால்

தங்கள் மலங்கழுவு வார்வந்து சார்தலினால்

எங்கள் பிராட்டியும் எங்கோனும் போன்றிசைந்த

பொங்கு மடுவிற் புகப்பாய்ந்து பாய்ந்துநம்

சங்கஞ் சிலம்பச் சிலம்பு கலந்தார்ப்பக்

கொங்கைகள் பொங்கக் குடையும் புனல்பொங்கப்

பங்கயப் பூம்புனல்பாய்ந் தாடேலோர் எம்பாவாய். 13

ஸ்ரீ சுந்தரர் அருளிச்செய்த 

தேவாரம்

திருக்கடவூர்

பொடியார் மேனியனே புரி

    நூலொரு பாற்பொருந்த

வடியார் மூவிலைவேல் வள

    ரங்கையின் மங்கையொடும்

கடியார் கொன்றையனே கட

    வூர்தனுள் வீரட்டத்தெம்

அடிகேள் என்னமுதே எனக்

    கார்துணை நீயலதே.. 7/28/1

*

நன்றி

பன்னிரு திருமுறை

**

ஓம் ஹரி ஓம்

சிவாய நம ஓம்

**