கார்ப்பு

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆனி 19

புதன்கிழமை

உணவுத் திருவிழா 3

கார்ப்பு..

இது காரம் எனப்படும்..

காரத்தன்மையைக் கொண்டது..

இந்தியர்களில் - இப்போது தமிழ் நாட்டவர்கள் அதிக காரம் நிறைந்த உணவை உண்கின்றனர்..

அதிகப்படியான காரம், 

உடலில் சூட்டை அதிகரித்து, வியர்வையை அதிகமாக்கும்..

குடல் எரிச்சலை உண்டாக்கும். குடலில் புண்கள் தோன்றக் கூடும்..

மிளகு, மிளகாய், இஞ்சி, பூண்டு, கடுகு வெங்காயம்

ஆகியவற்றில் அதிகப் படியான காரச்சுவை நிறைந்துள்ளது..

(நன்றி விக்கி)

பூண்டு வெங்காயக் குழம்பு 

தேவையானவை :

பூண்டு 25 பல்

சின்ன வெங்காயம் 25 

மணத்தக்காளி வற்றல் கையளவு

புளி தேவையான அளவு

(உள்ளங்கை உருண்டை)

தக்காளி ஒன்று

வறமிளகாய் 2

மஞ்சள் தூள் ½  tsp 

மிளகுத் தூள் 2 tsp

மல்லித் தூள் 4 tsp

காஷ்மீரி மிளகாய்த் தூள் 1 tsp

கல் உப்பு தேவைக்கு

நல்லெண்ணெய் 150 ml

பழுப்பு வெல்லம் சிறிதளவு

தாளிப்பதற்கு :

கடுகு சிறிது

உளுந்தம்பருப்பு சிறிது

கறிவேப்பிலை ஒரு இணுக்கு

செய்முறை :

விதை எடுக்கப்பட்ட புளியை 300  மிலி வெதுவெதுப்பான நீரில் 15 நிமிடம் ஊற வைத்து மூன்று தடவையாக பிழிந்து சாறு எடுத்துக் கொள்ளவும்..

300  மிலிக்கு அதிகம் கூடாது..

இந்த புளிச்சாறை மிதமான சூட்டில் வைத்து கொதித்ததும் நல்லெண்ணெய் விட்டு இறக்கிக் கொள்ளவும்..

மணத்தக்காளி வற்றலை சற்று நேரம் ஊறவைத்து வடிகட்டிக் கொள்ளவும்..

வேறு ஒரு வாணலியில் நல்லெண்ணெய் ஊற்றி எண்ணெய் சூடானதும் கடுகு, சீரகம், பெருங்காயத் தூள் போட்டு 

தோல் நீக்கிய வெங்காயம் பூண்டு தக்காளி, மணத் தக்காளி வற்றல் சேர்த்து வதக்கவும். உப்பு போடவும். .

சுட வைத்திருக்கும் புளிச் சாற்றை ஊற்றி மஞ்சள் தூள், மிளகுத் தூள், மல்லித் தூள், 

மிளகாய்த் தூள் பழுப்பு வெல்லம் இவற்றையும் சேர்க்கவும்.

வேறொரு வாணலியில்

நல்லெண்ணெய் காய்ந்ததும் - கடுகு வெந்தயம் மிளகாய் கிள்ளிப் போட்டு கறிவேப்பிலை தாளித்து பூண்டு குழம்பில் ஊற்றவும். 

சில வினாடிகளில் கொதித்ததும் கிளறி விட்டு இறக்கவும்..

குழம்பு இறுகலாக இருந்தால் ஒரு குவளை சுடுநீர் விட்டுக் கலக்கி குழம்பைத் தளர்த்தி உப்பு சரிபார்த்துக்  கொள்ளவும்..

குழம்பு சற்று தளர்வாக இருப்பதும் நல்லெண்ணெய் தாராளமாக இருப்பதுமே முக்கியம்.

எக்காரணம் கொண்டும் அலுமினிய, பித்தளைப் பாத்திரங்களில் இக்குழம்பு வைப்பதும் குழம்பை வைத்திருப்பதும் கூடாது..

காரக் குழம்பு வைப்பதற்கு

மண் சட்டி, இருப்புச் சட்டிகளே சிறந்தவை..

(இங்கே, உணவின் படங்களுக்கும் பக்குவத்திற்கும் சம்பந்தம் இல்லை..  ஆனாலும் நன்றி..)

பச்சை மிளகாயோ சிவப்பு மிளகாயோ  உணவில் மிளகாய் சேர்ப்பதை குறைத்துக் கொள்வது நல்லது.. முயற்சிக்கவும்..

(ஒளிப்படங்கள் : நன்றி இணையம்)

ஃ

 நமது நலம்

நமது கையில்

சிவாய நம ஓம்

***