பெரிதினும் பெரிது..

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆனி 13  

வியாழக்கிழமை

தஞ்சை ராஜராஜேஸ்வரத்தின் இரண்டாவது ராஜ கோபுரமாகிய ராஜராஜன் திருவாயிலில் வழக்கம் போல வட, தென் புறங்களில் பிரம்மாண்டமான துவாரபாலகர்கள்.. 

இப்படி - தென்புறத்தில்

அமைந்துள்ள துவார பாலகருடைய கதாயுதத்தைக் கவனியுங்கள்..

இரு நான்கு திசைகளிலும் தேடிப் பார்த்தாயிற்று.. இறைவனை விடப் பெரியவன் என்று எவரையும் காணோம்!... - என்று சொல்லாமல் சொல்லுரைக்கும் துவாரபாலகர்.

வலிமையுடையது யானை.. அந்த யானையை அதை விட வலிமையுள்ள பாம்பு ஒன்று விழுங்க - அந்தப் பாம்பினை இவர் தனது கதாயுதத்தில் சுற்றிக் கொண்டிருக்கிறார்... இப்படி ஆனை விழுங்கியைக் கையாளும் இவரது பராக்கிரமம் தான் என்ன?... இத்தகைய துவாரபாலகரைப் பராமரிக்கும் இவரது தலைவனாகிய இறைவனின் கீர்த்திதான் என்ன!?..

இப்படியாகிய இறைவன் தான் அங்கே திரு மூலத்தானத்தில் குடி கொண்டுள்ளார்...

இறைவனை விடப் பெரியவர் எவரும் இல்லை என்ற ஒன்றினை மட்டும் மனதில் வைத்து நடந்து கொள்ளுங்கள்!.. 

- என்று அறிவுடன் அறமும் உரைத்து நிற்கின்றார்...

நமது பதிவு 2019 ல்..

இதுவே இணைப்பு :-

தொடர்ந்து -

சிவத்திரு சிவாக்கர தேசிக ஸ்வாமிகளின் அருளுரையைக் கேளுங்கள்..

 நன்றி.. நன்றி..

**

அரியானை அந்தணர்தம் சிந்தை யானை

 அருமறையின் அகத்தானை அணுவை யார்க்குந்

தெரியாத தத்துவனைத் தேனைப் பாலைத்

 திகழொளியைத் தேவர்கள்தங் கோனை மற்றைக்

கரியானை நான்முகனைக் கனலைக் காற்றைக்

 கனைகடலைக் குலவரையைக் கலந்து நின்ற

பெரியானைப் பெரும்பற்றப் புலியூ ரானைப்

 பேசாத நாளெல்லாம் பிறவா நாளே.. 6/1/1

-: திருநாவுக்கரசர் :- 

ஓம் நம சிவாய 

சிவாய நம ஓம்

***