திருப்புகழ்

  

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

மாசி 4

வெள்ளிக்கிழமை

திருப்புகழ்

-: பொது :-

தத்ததன தானத் ... தனதான

இத்தரணி மீதிற் ... பிறவாதே

எத்தரொடு கூடிக் ... கலவாதே

முத்தமிழை யோதித் ... தளராதே

முத்தியடி யேனுக் ... கருள்வாயே..

தத்துவமெய்ஞ் ஞானக் ... குருநாதா

சத்தசொரு பாபுத் ... தமுதோனே

நித்தியக்ரு தாநற் ... பெருவாழ்வே

நிர்த்தஜெக ஜோதிப் ... பெருமாளே..

-: அருணகிரிநாதர் :-

நன்றி கௌமாரம்

இப் பூமியில் மீண்டும் பிறக்காமலும்

ஏமாற்றுகின்ற பலருடன் கூடிக் கலவாமலும்

முத்தமிழையும் படித்து 

(அதன் சுவை அறியாதார் முன்) 

மனம் சோர்வடையாமலும்

அடியேனுக்கு முக்தி தந்தருள 

வேண்டுகிறேன்..

உண்மையான ஞானத்தை 

உபதேசம் செய்தருள்கின்ற 

குருநாதனே..

ஒலி வடிவாகத் திகழ்பவனே..

புத்தம் புது அமுதம் போன்றவனே..

நாளும் எனக்கு நல்லருள் செய்பவனே..

எனது வாழ்வில் கிடைத்த  பெருஞ்செல்வமே..

ஆடல் வல்லோனாக 

அகில உலகிற்கும் பேரொளியாக

விளங்குகின்ற பெருமாளே..

**

முருகா முருகா

முருகா முருகா..

ஓம் நம சிவாய 

சிவாய நம ஓம்

***