பால்

    

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

சித்திரை 5

 செவ்வாய்க்கிழமை

பால்.. 

முதுகெலும்பு உடைய விலங்குகளின் (ஊர்வன தவிர்த்து) சிறப்பு..

சாதுவான விலங்குகளிடம்  - அவற்றின் குட்டிகளுக்காக சுரக்கும்  பாலைக் கறந்து எடுக்கும் வழக்கம் இருக்கின்றது என்றாலும் பாரதத்தின் நிலை வேறு..

விலங்குகள் பலவானாலும் பசுவையே முதலிடத்தில் வைத்தது பாரதம்.. அதன் பாலையே இறைவனுக்கு அர்ப்பணித்து தானும் அருந்தியது.. 

பாலில் ஆரோக்கியம் இருப்பதை உணர்ந்தது.. பசுக்களையும் கன்றுகளையும் காளைகளையும் மந்தையில் பராமரித்து வாழ்ந்தது.. 

பசு பாதுகாப்பு புனிதம் என்ற கலாச்சாரத்துடன் வாழ்ந்ததால் தான் -

இந்நாட்டிற்குள் வந்து புகுந்த மாற்றார் பசுக்களையும் அதன் இனத்தையும் அவற்றின் மீது அன்புடையோர் கண் முன்னே வதைத்து மகிழ்ந்ததனர்.. 

ஆநிரையே செல்வம் என்பது இந்நாட்டில்.. போர்களுக்கு முன்பாக ஆநிரைகளைக் கவர்வதுவும் அதனை மீட்பதுவும் வரலாற்றில் காணப்படுகின்றது..

போர் தொடங்கும் முன்பாக ஆநிரைகளை பாதுகாப்பாக அப்புறப்படுத்துவதும் முக்கியமானதாக இருந்தது..

நன்றாகக் காய்ச்சிய பாலில் உறை ஊற்றுவதன் மூலம் தயிரைப் பெறலாம்.  தயிரைக் கடைந்தால் மோரும் கொழுப்புச் சத்து மிக்க வெண்ணெயும், கிடைக்கின்றன. 

வெண்ணெயைக் காய்ச்சி முறிப்பதன் மூலமாக நறுமணமும் சுவையும் மிக்க நெய் கிடைக்கின்றது..

கிராமங்களில் பேசிக் கொள்வார்கள் - அஞ்சுக்கு ரெண்டு பழுதில்லை.. என்று..

அஞ்சு என்பது பசுவிடம் இருந்து பெறும் பாலும் மற்றவையும்..

இவற்றில் மோர், நெய் இரண்டுக்கும் அடுத்த நிலை இல்லை என்பதே!..

இந்த அஞ்சு என்பது தேவாரம் முழுவதும் பேசப்படுவதாகும்..

ஆவினுக்கு அருங்கலம் அரன் அஞ்சு ஆடுதல்.. - 

என்பார் திருநாவுக்கரசர்..

பசும் பாலைப் போலவே எருமைப் பாலும் என்றாலும் 

எருமைப் பாலில் நீர் 83%.. 

பசும் பாலில் நீர் 88% - 90% 

எருமைப் பாலில் கொழுப்பு 8%.

பசும் பாலில் கொழுப்பு 4%..

எனினும்

எருமைப்பாலை விட பசும்பாலில் பத்து சதவீதம் புரதச்சத்து அதிகம்.

எனவே தான் எருமைப் பாலை சற்று ஒதுக்கி வைத்தனர்..

தற்காலத்து அவ்வாறெல்லாம் முடியாது..

பொதுவாக ஒரு லிட்டர் பாலில் முப்பத்து ஐந்து கிராம் வரை புரதம் உள்ளது..

ஊட்டச்சத்துகளில் மிகவும் முக்கியமானது கால்சியம். கால்சியம்  எலும்பு மற்றும் பற்களுக்குத் தேவையான ஆரோக்கியத்தையும் வலுவையும் கொடுக்கிறது.. கால்சியம் பாலில் நிறையவே உள்ளது..

பாலில் இயற்கையாக

கால்சியம், பாஸ்பேட், மெக்னீசியம், சோடியம், பொட்டாசியம்,  

கார்போஹைட்ரேட் , கொழுப்பு, லாக்டின் (புரதம்), குளுக்கோஸ், காலக்டாஸ், லாக்டோஸ்  முதலானவற்றுடன் 

வைட்டமின் பி12 உள்ளது. இந்த வைட்டமின் நரம்பு மண்டலத்திற்கு அத்தியாவசியமானது. 

இன்றைக்கு

நவீன விஞ்ஞானம் பாலில் ரசாயனங்களின் மூலம் மாற்றங்களை ஏற்படுத்தி அதன் வழியே பணம் கொழிக்கும் பலவற்றைப்  பெறுவதற்கு வழி வகுத்துக் கொடுத்துள்ளது... 

இன்று நமக்குக் கிடைப்பது பால் தானா என்ற சந்தேகம் அனைவரிடத்தும் உள்ளது..

பாரம்பரிய பசுவின் பால்  உடலை வலிமை அடைய செய்கிறது என்றும் கலப்பினப்  பசுவின் பால் நமது உடலுக்கு ஒவ்வாதவைகளை  உண்டாக்குகின்றது என்பதும் மக்களிடையே உள்ள பரவலான கருத்து..

இந்நிலையில் -

கலப்பின பசுக்கள் A1 என்றும் ஆசிய மற்றும் ஆப்பிரிக்க நாட்டுப் பசுக்கள் A2 என்றும் வகைப்படுத்தப்பட்டுள்ளன..

இது தொடர்பாக -

A1 பாலானது கலப்பின மாடுகளிலிருந்தும், A2 பாலனது ஆசிய மற்றும் ஆப்பிரிக்க நாட்டுப் பசுக்களிடமிருந்தும் பெறப்படுகின்றன. 

A2 பசுக்களின் பால் அதிக நோய் எதிர்ப்பு ஆற்றல்  பெற்றிருப்பதாகவும்

கலப்பினப் பசுக்களின் பாலில் நோய் எதிர்ப்பு ஆற்றல் குறைவாக உள்ளதாகவும் அறியப்படுகிறது..

- என்று, விக்கி சொல்கின்றது.

பால் நவீன முறையில் Powder  ஆகின்றது.. 

Powder மீண்டும் அதே நவீன முறையில் தண்ணீருடன் சேர்ந்து பால் என்று சந்தைக்கு வருகின்றது..

Spray drying is a major process of water removal and particle formation in milk powder production. 

Thanks to Vikki

இப்படியான காலகட்டத்தில் வாழ்ந்து கொண்டு இருக்கின்றோம்..

இதற்குமேல் நாம் தான் சிந்தித்துக் கொள்ள வேண்டும்..

நம்முடைய நலம்

நம்முடைய கையில்!..

***