தரிசனம் 5

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

நேற்று (வெள்ளிக் கிழமை)

தஞ்சையை அடுத்துள்ள தென்குடித் திட்டை சிவாலய தரிசனம்..

ஸ்ரீ வசிஷ்ட மகரிஷி பிரதிஷ்டை செய்து வணங்கிய தலம்..

தேவகுருவாகிய ஸ்ரீ பிரகஸ்பதி வழிபாடு செய்த தலங்கள் மூன்றனுள் இத்தலமும் ஒன்று..

மற்றையவை - திருச்செந்தூர்,  திருவலிதாயம் ஆகியன..

இறைவன்

ஸ்ரீ வசிஷ்டேஸ்வரர்

அம்பிகை

ஸ்ரீ மங்களாம்பிகை

தீர்த்தம் சக்கர தீர்த்தம்

தல விருட்சம் வில்வம்

ஞான சம்பந்தப் பெருமானால் பாடல் பெற்ற திருத்தலம்..

ஸ்வாமி அம்பாள் சந்நிதிகளுக்கு நடுவில் தனிச் சந்நிதியில் தெற்கு முகமாக நின்ற திருக்கோலத்தில் ராஜ குரு என, விளங்குகின்றார்..

பரம்பொருளின் அம்சமாகிய

ஸ்ரீ தக்ஷிணா மூர்த்தியை (தேவகுரு ஆகிய - பிரகஸ்பதி)  குரு பகவான் என்று சொல்லி வழிபடுதல் முறையல்ல..

தென்குடித் திட்டையே குரு -  ஸ்தலம்..

தேவகுரு பிரகஸ்பதி

கிரக நிலையில் வியாழன் எனப்படுகின்றார்..

திருக்கோயிலின் படங்களை மற்றொரு பதிவில் தருகின்றேன்..

*

தென்குடித் திட்டை தலத்தை அடுத்து பாடகச்சேரி ஸ்ரீ ராமலிங்க ஸ்வாமிகள் திரு மடத்தில் தரிசனம்..

பைரவ உபாசகராகிய ஸ்ரீ ஸ்வாமிகள் பாடகச்சேரி கிராமத்தில் பல காலம் தங்கியிருந்திருக்கின்றார்..

அந்த இடத்தில் தற்போது திருப்பணி வேலைகள் நடந்து கொண்டு இருக்கின்றன..

அந்தக் காலத்தில்

ஸ்ரீ ஸ்வாமிகளைச் சுற்றிலும் நாய்கள் விளங்கியதாகப் படித்திருந்ததை இன்று கண்கூடாக இங்கே கண்டேன்.. 

*

பாடகச் சேரி மடத்தில் தரிசனம் முடிந்தபின் ஆலங்குடிக்கு சற்று முன்னால் புதிதாக நிர்மாணிக்கப்பட்டுள்ள சங்கட ஹர ஸ்ரீ மங்கல மாருதி திருக்கோயிலில் தரிசனம்..

கோயிலுக்குள் போட்டோ/ வீடியோக்கள் எடுக்கக் கூடாது என்றிருப்பதால் வெளியில் இருந்து எடுக்கப்பட்ட படங்கள் இன்றைய பதிவில்...

தத்புருஷாய வித்மஹே

வாயு புத்ராய தீமஹி

தந்நோ: மாருதி ப்ரசோதயாத்

*

ஓம் நம சிவாய சிவாய நம ஓம்

***