தஞ்சையம்பதி: நின் புகழ் வாழ்க..

திங்கள், ஜூலை 15, 2019

நின் புகழ் வாழ்க..

இன்று பெருந்தலைவர் பிறந்த நாள்..

15.7.1903 < > 2.10.1975

நீரற்றுப் போனாலும் நிலத்தில் - தங்கள்

நினைவற்றுப் போகுமோ மனத்தில்!..

நன்றி - VHNSN College., Viruthunagar..

நன்றி - விருதுநகர் இந்து நாடார் செந்திகுமார நாடார் கல்லூரி இணையதளம்..

10.11.1957

ஒரே நாளில்

தமிழகத்தில் இரண்டு அணைக்கட்டுகளைத்

திறந்து வைத்த மகராஜன்...

அன்று

அன்னைத் தமிழ் நாட்டுக்கென

அணைக் கட்டுகளுடன் பழகிக் கிடந்தனை!..

இன்று

நீ வாழ்ந்த மண்ணிலன்றோ

அரசியல் வியாதிகளும் அரசாங்க ஊழியமும்

பணக் கட்டுகளுடன் புரண்டு கிடக்கின்றன!..

நல்லவேளை.. நின்றன் பாதத்தூளியை

கண்ணில் ஒற்றிக் கொண்டேன்.

நீ வாழ்ந்த காலத்திலேயே!...

மகராசன்.. நீங்க மறுபடி ஒருக்க வந்து பொறக்க மாட்டியளா!...

அறம் சார்ந்த ஆட்சியை

அரசியலை நடத்தியவர் - பெருந்தலைவர்..

அனைவரையும் படிக்க வைத்தார்..

படித்தவர்களுக்கு வாழ்வு கொடுத்தார்..

அவரால் முன்னுக்கு வந்த

லட்சோபலட்சம் பேர்களுள் எளியேனும் ஒருவன்..

ஐயாவின் பிறந்த நாளாகிய இன்று

அவருடைய திருவடிகளை நினைத்து

வணங்கி எழுகின்றேன்..

இது கூட எங்கள் ஐயாவுக்குப் பிடிக்காது தான்!..

ஆனாலும், என் பிறவி கடைத்தேற வேண்டுமே!..

பெருந்தலைவரின் புகழ்

என்றென்றும் வாழ்க!..

* * *

22 கருத்துகள்:

ஸ்ரீராம்.15 ஜூலை, 2019 06:15
நல்லாச் சொன்னீங்க... அவர்போல வருமா? தன் நன்மை நினைக்காது ஊர் நன்மை நினைத்த பெருந்தகை. பெருந்தலைவர் என்கிற வார்த்தைக்கு ஒரே பொருத்தம்.

குட்மார்னிங்.
பதிலளிநீக்கு
பதில்கள்
ஸ்ரீராம்.15 ஜூலை, 2019 06:16
தஞ்சை ராஜா ரெஸ்ட் ஹவுஸில் தங்கியிருந்த அவரை ஒருமுறை அப்பா சந்திக்கச் சென்று பார்த்து வந்தபோது நானும் உடன் சென்று வந்திருக்கிறேன் என்று அப்பா, அண்ணண் சொல்லக்கேள்வி. என் நினைவில் இல்லை.
பதிலளிநீக்கு
பதில்கள்
வெங்கட் நாகராஜ்15 ஜூலை, 2019 06:57
நல்லதொரு மனிதர். அவர் போன்ற நிறைய பேர் இப்போதைய தேவை.

பதிலளிநீக்கு
பதில்கள்
கோமதி அரசு15 ஜூலை, 2019 06:59
அருமையான பதிவு.தினம் வசந்த் தொலைக்காட்சியில் இவர் பாடலை கேட்கிறேன், பார்க்கிறேன்.

பெருந்தலைவர் பற்றி அவர் செய்த நல்லவைகளை நினைத்து மகிழ்ச்சியும் மற்றவர்கள் இப்படி இல்லையே! என்ற ஆதங்கமும் பட வேண்டி இருக்கிறது.
பெருந்தலைவர் அவர்களுக்கு வணக்கங்கள்.
பதிலளிநீக்கு
பதில்கள்
KILLERGEE Devakottai15 ஜூலை, 2019 08:03
ஒரு மாமனிதரைப்பற்றி இன்னும் எவ்வளவோ சொல்லலாம்.

அவர் போட்ட கோதுமை களி சாப்பிட்டவர்களில் நானும் ஒருவன்.

வாழ்க அவர்தம் புகழ்.
பதிலளிநீக்கு
பதில்கள்
Geetha Sambasivam15 ஜூலை, 2019 09:44
67 தேர்தலின் போது திரு காமராஜ், பக்தவத்சலம், டிடிகே அனைவரையும் ஒருங்கே சந்தித்தேன். காமராஜ் நான் என்ன பண்ணுகிறேன் எனக் கேட்டுவிட்டு படிக்கிற பொண்ணு, உனக்கு இதெல்லாம் தேவை இல்லை. நல்லாப் படி. அதிலும் பாப்பாரப் பொண்ணு. படிப்பு தான் முக்கியம் என்றார். பக்தவத்சலம் பேசவே இல்லை. டிடிகே விசாரித்துவிட்டுக் கையெழுத்துப் போட்டுக் கொடுத்தார்.
பதிலளிநீக்கு
பதில்கள்
Anuprem15 ஜூலை, 2019 12:25
எத்தகைய மேன்மை பொருந்திய தலைவர் ....

நாட்டிற்கு நலம் நினைத்த நல்லவர்..
பதிலளிநீக்கு
பதில்கள்
நெல்லைத்தமிழன்15 ஜூலை, 2019 12:40
நீங்க காமராஜர் படத்தில் இளையராஜா இசையமைத்திருந்த 'நாடு பார்த்ததுண்டா' பாடல் மனதில் ரீங்காரமிட்டது.

வாயால் வடை சுடுபவர்கள் மத்தியில், ஏழைகளுக்கான தலைவர் அவர். அவரையும் தேர்தல் அரசியலில் தோற்கடித்த சிவகாசி மக்கள் தமிழர்களின் சாபத்துக்கு உரியவர்கள்.

பாருங்க...குழந்தைகள் உணவு சாப்பிடும் இடத்துக்கு வெறும் காலுடன் காமராசர் நடந்துவருவதை..

அவருக்குப் பின் வந்த அரசுகளுக்கு அணைக்கட்டு என்றாலே என்னவென்று தெரியுமான்னு தெரியலை
பதிலளிநீக்கு
பதில்கள்
'பரிவை' சே.குமார்15 ஜூலை, 2019 13:49
நல்லதொரு மனிதரைப் பற்றி அருமையானதொரு பகிர்வு.
பதிலளிநீக்கு
பதில்கள்
திண்டுக்கல் தனபாலன்15 ஜூலை, 2019 17:57
வணங்குகிறேன்...
பதிலளிநீக்கு
பதில்கள்
Thulasidharan V Thillaiakathu15 ஜூலை, 2019 21:22
நல்ல பதிவு துரை அண்ணா. அதுவும் அவர் திறந்து வைத்த அணைகள் இன்று சரியான மழை சேகரிப்பின்றி மழையும் இன்றி வறண்டு வருவது...வேதனை.

என்ன அருமையான தலைவர்! மாமனிதருக்கு வணக்கங்கள். அவர் இப்போது நேரில் வந்தால் எவ்வளவு நன்றாக இருக்கும்?!

கீதா
பதிலளிநீக்கு
பதில்கள்

கருத்துரையைச் சேர்

கருத்துகள் Gmail பயனர்களுக்கு மட்டும்..