மார்கழிப் பனியில் - 05

சூடிக்கொடுத்த சுடர்க்கொடி 

ஸ்ரீ ஆண்டாள் அருளிச்செய்த திருப்பாவை - 05 

மாயனை மன்னு வடமதுரை மைந்தனைத்

தூய பெருநீர் யமுனைத் துறைவனை

ஆயர் குலத்தினில் தோன்றும் அணி விளக்கைத்

தாயைக் குடல் விளக்கம் செய்த தாமோதரனைத்

தூயோமாய் வந்து நாம் தூமலர் தூவித் தொழுது

வாயினால் பாடி மனத்தினால் சிந்திக்கப்

போய பிழையும் புகுதருவான் நின்றனவும்

தீயினில் தூசாகும் செப்பேலோர் எம்பாவாய்!..

ஓம் ஹரி ஓம் 

ஆலய தரிசனம்

சமயபுரம்

கோயில் என்றால் சிதம்பரம். 

கோயில் என்றால் திருஅரங்கம்

அப்படியே கோயில் என்றால் சமயபுரம்.

ஆயி மகமாயி ஆயிரங் கண்ணுடையாள்

நீலி திரிசூலி நீங்காத பொட்டுடையாள்

கண்ணனூர் மாரியம்மா காப்பாத்த வாருமம்மா

சமயபுரம் மாரியம்மா சடுதியிலே வாருமம்மா

சந்நிதியில் வந்து நின்னா சாம்பிராணி வாசமடி

சத்தியமா வந்து நின்னா சவ்வாது வாசமடி

பெத்தவளும் நீயிருக்க பேரு வச்சி பாத்திருக்க
மத்த குறை ஏதுமில்லே ஈஸ்வரியே மகமாயி

வெள்ளிப் பிரம்பெடுத்து விளையாடி வாருமம்மா

தங்கப் பிரம்பெடுத்து சதிராடி வாடியம்மா

வேப்பிலையும் மாலையடி வித்தகியே மாரியம்மா

கொப்புடைய நாயகியே கோலவிழி மாரியம்மா

மல்லிகைப்பூ வாசத்திலே மாதரசி வாருமம்மா

பிச்சிப்பூ வாசத்திலே பேரரசி வாருமம்மா

மஞ்சளிலே நீராட்டி மாவிளக்கு ஏத்தி வச்சோம்

குங்குமம் தாருமம்மா குலங்காக்கும் மாரியம்மா

ஓம் சக்தி ஓம்