ஃபலூடா

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

ஆனி 24

 திங்கட்கிழமை

ஃபலூடா (Floodah)

அறு சுவைகளுடன் நடத்தப்பட்ட உணவுத் திரு விழாவின் நிறைவாக இன்றொரு இனிய பதிவு.. 

இதில் நிறமி சேர்ந்துள்ளதால் Rose Syrup தேர்வு செய்யும் போது அவரவரும் விழிப்புணர்வுடன் இருத்தல் அவசியம்..

ஃபலூடா ஆதியில் பாரசீகத்தின் பக்குவம்... மொகலாய அரச உணவு.. 

அப்படியும் இப்படியுமாக இன்றைக்கு உருமாறி விட்டது.. 

குவைத்தில் இருந்த போது வேறு விதமாகத் தயாரித்து நண்பர்களுடன் பகிர்ந்து கொண்டிருக்கின்றேன்..

தேவையானவை :

தரமான Rose Syrup 

தரமான Condensed Milk 

சேமியா அல்லது சின்ன ஜவ்வரிசி

சப்ஜா விதைகள்

பாதாம் பிசின் 

Crushed Ice Cubes 

Rosted Cashews & Almonds

செய்முறை :

சப்ஜா விதைகளையும் பாதாம் பிசினையும் தனித்தனியே தண்ணீரில் ஒரு மணி நேரம் ஊற வைக்கவும். 

சேமியாவை சிவக்க வறுத்து நொறுக்கிக் கொள்ளவும்.. 

குழைய வேகவைத்து  வடிகட்டி தனியாக வைக்கவும்..

(ஜவ்வரிசியை வேக

வைத்தும் செய்யலாம்.)

வேறொரு கிண்ணத்தில் தரமான Rose Syrup இரண்டு tsp

தரமான Condensed Milk இரண்டு tsp சேர்த்து கலக்கிக் கொள்ளவும்..

(tsp - teaspoon)

அகலமும் உயரமும் உள்ள கண்ணாடிக் குவளையில், 

ஒரு Tbsp - Rose Syrup + Condensed Milk சேர்க்கவும். 

(Tbsp - Table spoon)

இத்துடன்,

வேக வைத்த சேமியா ஒரு tsp  

சப்ஜா விதை ஒரு tsp 

பாதாம் பிசின் ஒரு tsp 

முந்திரி பாதாம் துகள்கள் ஒரு tsp 

மில்க் மெய்ட் ஒரு tsp

மற்றும் ஐஸ் தூள் (Crushed  Ice Cubes)  ஒரு tsp 

இவற்றை ஒவ்வொன்றாக சேர்க்கவும்..

மீண்டும் - Rose Syrup + Condensed Milk , சேமியா, சப்ஜா விதை பாதாம் பிசின்,  முந்திரித் துகள்கள்  உடைக்கப்பட்ட ஐஸ்  க்யூப் என்று ஒரு அடுக்கு சேர்க்கவும். 

சிவக்க வறுத்துத் தூளாக்கிய

முந்திரி, பாதாம் பருப்புகளை இதன் மீது தூவிக் கொள்ளலாம்... 

பப்பாளிப் பழம்  இனிப்பு மாம்பழம் - என, ஒன்றிரண்டு  துண்டுகளைச்

சேர்க்கலாம்..

கர்ப்பிணிப் பெண்கள் வீட்டில் இருந்தால் பப்பாளியைத் தவிர்க்கவும்... உஷ்ண சரீரிகள் எவரும் வீட்டில்

இருந்தால் மாம்பழத்தைத் தவிர்க்கவும்... 

வாழைப்பழம் வேண்டவே வேண்டாம்... 

Condensed Milk ல் பலவித ரசாயனங்கள் இருப்பதால் சற்று கவனம்..

இதற்கும் மேலே விரும்பினால் சிவப்பு நிற செர்ரி பழங்களால் அலங்கரிக்கலாம்... அதிலும் நிறம் ஊட்டப்பட்டிருப்பதால் கவனம் தேவை..

இது முழுக்க முழுக்க மதுரச் சுவையுடன் கூடியது.. எனவே புளிப்பான பழங்களுக்கு இடம் இல்லை..

இந்தச் செய்முறைக்கு சர்க்கரை வேண்டாம். ஏனெனில்  Rose Syrup மற்றும் Condensed Milk ல் உள்ள இனிப்புச் சுவையே போதுமானது...

ஃபலூடாவிற்கு  தரமான ரோஜா Syrup  பயன்படுத்துவது நல்லது..

பலரும் பல விதங்களில் இதனைச் செய்து கொண்டு - 

இது தான்.. இதே தான்!.. - என்கின்றனர்..

இந்தக் குறிப்பில் ஐஸ்க்ரீம் சேர்க்கப்படவில்லை என்பதை கவனிக்கவும்... 

அப்புறம் எதுக்குடா இப்படி படங்கள போட்டுருக்றே ?.. என்றால் -

சும்மா கிளு கிளுப்புக்குத் தான்.!..

என்னது!?..

சும்மா குளு குளுப்புக்குத் தான்!...

ஃஃஃ

நமது நலம்

நமது கையில்..

***