நாடும் வீடும்
நலம் பெற வேண்டும்
பகையும் பிணியும்
தொலைந்திட வேண்டும்..
***
இன்று
ஆனி 23
ஞாயிற்றுக்கிழமை
கசப்பு :
இது பொதுவாக எவராலும் விரும்பப்படாத சுவையாகும். இருப்பினும், உடலுக்கு ஏராளமான நன்மைகளைத் தருகின்றது என்பதில் மாற்றுக் கருத்து ஏதுமில்லை..
கசப்புச் சுவை நரம்பு மண்டலத்தை பலப்படுத்துகின்றது.. குடலில் கிருமிகளை நீக்குகின்றது...
இரத்தத்தில் சர்க்கரையின் அளவைக் குறைக்கின்றது..
பாகற்காய் வறுவல் ..
தேவையானவை :
பாகற்காய் 1⁄2 kg
பெரிய வெங்காயம் ஒன்று
தக்காளி ஒன்று
மஞ்சள் தூள் 1⁄2 tsp
மிளகாய்த்தூள் 1 Tbsp
புளி சிறிதளவு
வெல்லம் 50 gr
கல் உப்பு தேவைக்கேற்ப
தாளிப்பதற்கு :
கடலெண்ணெய் - தேவைக்கேற்ப
கடுகு - 1⁄2 tsp
சீரகம் - 1⁄2 tsp
உளுத்தம் பருப்பு 1⁄2 tsp
கறிவேப்பிலை ஒரு இணுக்கு
செய்முறை :
முதலில் பாகற்காய், வெங்காயம் தக்காளி இவைகளை - சுத்தம் செய்து பொடியாக நறுக்கவும்.
புளியை சிறிதளவு வெதுவெதுப்பான நீரில் ஊற வைத்துக் கரைக்கவும்.. .
வாணலி ஒன்றில் எண்ணெய் விட்டு சூடானதும், கடுகு சீரகம் உளுத்தம் பருப்பு, கறிவேப்பிலை சேர்த்து தாளிக்கவும்.
அடுத்து, பாகற்காயை போட்டு நன்கு வதக்கவும். எண்ணெயில் நன்கு வதங்கியதும், வெங்காயம் சேர்த்து நிறம் மாறும் வரை வதக்கவும். அடுத்து தக்காளியைச் சேர்க்கவும்.
இதனுடன் தேவையான அளவு உப்பு, மஞ்சள் தூள், மிளகாய்த் தூள் சேர்த்து, நன்கு வதக்கவும்.
எதற்காகவும் தண்ணீர் விட வேண்டாம்..
எல்லாமும் சேர்ந்து நன்றாக வெந்து சிவந்ததும், கரைத்து வைத்துள்ள புளித் தண்ணீரையும் வெல்லத்தையும் சேர்க்கவும்.
மசாலா இறுகி சுருண்டு, வேண்டிய பதத்திற்கு வந்ததும் இறக்கி விடவும்..
இது சுருளச் சுருள இருக்கும்..
தளதளப்பாக வேண்டும் என்றால் அது வேறு விதம்..
பாகற்காய் கூட்டு..
வாரம் ஒரு முறையாவது
உணவில் கசப்பு சேர்த்துக் கொள்வது நல்லது.. மிக மிக நல்லது.. முயற்சிக்கவும்..
(ஒளிப்படங்கள் : நன்றி இணையம்)
(இங்கே, உணவின் படங்களுக்கும் பக்குவத்திற்கும் சம்பந்தம் இல்லை.. ஆனாலும் நன்றி..)
ஃ
இந்த அளவில்
உணவுத் திருவிழா பதிவுகள்
நிறைவடைகின்றன..
தொடர் பதிவுகளுக்கு நல்லாதரவு நல்கிய நன்னெஞ்சங்களுக்கு அன்பின் நன்றி..
நமது நலம்
நமது கையில்
ஓம் நம சிவாய
சிவாய நம ஓம்
***
