சந்தனக்காப்பு

 

நாடும் வீடும்

நலம் பெற வேண்டும்

பகையும் பிணியும்

தொலைந்திட வேண்டும்..

***

இன்று

புரட்டாசி 10

வியாழக்கிழமை

எங்கள் குடியிருப்பிலுள்ள ஸ்ரீ கார்ய சித்தி விநாயகப் பெருமானுக்கு கடந்த விநாயக சதுர்த்தியை அடுத்த மூன்றாம் நாள் சந்தனக்காப்பு அலங்காரம் செய்விக்கப்பட்டது..

ஸ்வாமியின் அலங்கார தரிசனம் இன்று..

பதிவின் வழி 

தரிசனக் காட்சி

பாலும் தெளிதேனும் பாகும் பருப்பும் இவை
நாலும் கலந்துனக்கு நான்தருவேன் கோலஞ்செய்
துங்கக் கரிமுகத்துத் தூமணியேநீ எனக்குச்
சங்கத் தமிழ் மூன்றும் தா
-: ஒளவையார் :-

அல்லல் போம் வல்வினை போம்

அன்னை வயிற்றில் பிறந்த தொல்லைபோம்

போகாத் துயரம் போம் - நல்ல

குணம் அதிகமாம் அருணைக் கோபுரத்துள் வீற்றிருக்கும்

கணபதியைக் கைத்தொழுதக் கால்..

-: விவேக சிந்தாமணி :-

ஓரானைக் கன்றை உமையாள் திருமகனைப்

போரானைக் கற்பகத்தைப் பேணினால் - வாராத

புத்தி வரும் வித்தை வரும் புத்திர சம்பத்து வரும்

சத்திதரும் சித்திதரும் தான்..

-: பழந்தமிழ்ப் பாடல் :-

வாக்குண்டாம் நல்ல மனமுண்டாம் மாமலராள் 

நோக்குண்டாம் மேனி நுடங்காது பூக்கொண்டு 

துப்பார் திருமேனி தும்பிக்கை யான் பாதம் 

தப்பாமற் சார்வார் தமக்கு..

-: ஔவையார் :-

கணபதி என்றிடக் கலங்கும் வல்வினை

கணபதி என்றிடக் காலனும் கைதொழும்

கணபதி என்றிடக் கருமம் ஆதலால்

கணபதி என்றிடக் கவலை தீருமே..

-: கபிலர் :-

ஓம் கம் கணபதயே நம:

ஓம் நம சிவாய 

சிவாய நம ஓம்

***